2 Samuel 9:3

Ñanderuete Ñe’ẽ Porã 2015

Upérõ tetã ruvicha oporandu ichupe: Hemby gueteri piko Saul rogayguáva, ahechauka hag̃ua ichupe Ñanderuete poriahuvereko. Ha Siba he’i tetã ruvichápe: Hemby gueteri peteĩ Jonatan ra’y, oguata’ỹva.

Referencias Cruzadas

2 Samuel 19:26

Ha ha’e he’i jevy: Tetã ruvicha, che jára, che rembiguái chembotavyva’ekue, che voi ha’ékuri ichupe: Emboape chéve peteĩ búrro aha hag̃ua hi’ári tetã ruvicha rendápe; ne rembiguái ikarẽgui.

2 Samuel 19:27

Ha’e katu oñe’ẽvai rei cherehe, che jára ha che retã ruvicha renondépe; che jára ha che retã ruvicha katu ojogua ningo peteĩ yvága rembiguáipe; ejapókena ndéve iporãve háicha.

2 Samuel 4:4

Ha Jonatan, Saul ra’y, ita’ýra peteĩ ipy karẽva. Ha’e oguereko ramo 5 áño og̃uahẽ ñe’ẽ rerahahára omombe’úvo Saul ha Jonatan omano hague, herekua ohupi ichupe ha okañy pya’eitereígui ha’e ho’a ichugui ha pe mitã opyta ikarẽ, hérakuri Mefibóset.

2 Samuel 9:13

Ha oiko Mefibóset Jerusalénpe, tapiaite okaru tetã ruvicha mesápe; ha ipy mokõivéva ndikatúi omongu’e.

2 Samuel 9:7

Ha David he’i ichupe: Ani rekyhyjétei, che añetehápe roiporiahuverekóta nde ru Jonatan rayhupápe, ha ame’ẽmbáta ndéve nde ru Saul yvy; ha nde katu tapiaite rekarúta che mesápe.

Lúcas 6:36

Peiporiahuverekókena, pende Ruete oporoporiahuvereko háicha.

Deuteronómio 10:15

Ñanderuete ohayhu pende rukuérape, ha upévare pendeporavo avei peẽme, iñemoñarenguéra, mayma tetãnguéra apytégui, ojekuaa háicha ko árape.

Deuteronómio 4:37

Ha ohayhúgui pende rukuérape, oiporavo iñemoñarenguérape imba’erã ramo, ha penerenohẽ Egíptogui, hendivénte oĩgui pu’akapa,