2 Samuel 8:4

Ñanderuete Ñe’ẽ Porã 2015

Ha David ogueru ijapytégui 1700 kavaju arigua, ha 20.000 kuimba’e yvy rupigua; ha David oikytĩukapa ñorãirõ cárro kavaju retyma rajygue ohejánte ohungauka’ỹre ichupe g̃uarã umi kavaju oikotevẽva 100 cárrope g̃uarãnte.

Referencias Cruzadas

Genesis 49:6

che ánga ndoikomo’ãi heko vaíva ndive ha namoirũmo’ãi ichupekuéra hembiapo vaípe. Ipochy rendy ojuka rei kuimba’ekuérape, ha ipy’aguasuetereígui oikytĩ rei torokuéra pytasã,

1 Réyes 10:26

Salomón ombyaty ñorãirõ carrokuéra ha soldádo kavaju ariguakuéra, ha’e oguereko 1.400 cárro, ha 12.000 kavaju arigua, ko’ãva omoĩ umi táva ombosako’i haguépe, ha tetã ruvicha ndive, Jerusalen ypýpe.

1 Crónicas 18:4

Ha David oipe’a ichugui 1.000 cárro, 7.000 kavaju arigua, 20.000 kuimba’e yvy rupigua; ha oikytĩuka umi kavaju retyma rajygue mayma kavaju cárro reheguáva, noikytĩukái katu umi kavaju oikotevẽva 100 cárrope g̃uarã, umíante oheja imba’erã ramo.

Salmokuéra 20:7

Oĩ umi ojeroviáva icarrokuéra rehe ha ambuekuéra ikavajukuéra rehe, ore katu rojerovia ore Jára réra rehe.

Deuteronómio 17:16

Ha’e nombohetaiva’erã katu imba’erã ramo kavajukuéra, ha ndoguerahái jevyva’erã Israelguakuérape Egípto retãme omboheta hag̃ua ikavajukuéra, Ñanderuete he’ímagui peẽme: Araka’eve ndapejuveiva’erã ko tape kóva rehe.

Josué 11:6

Ha Ñanderuete he’i Josuépe: Ani rekyhyjétei ichuguikuéra, ko’ẽrõ ko hórape Che ajukapaitéta ichupekuéra ne renondépe; upéi emokarẽ ikavaju retymakuéra ha ehapy icarrokuéra.

Josué 11:9

Ha Josue ojapo hesekuéra Ñanderuete he’i haguéicha, omokarẽ ikavajukuérape ha ohapypa icarrokuéra.