2 Samuel 8:2

Ñanderuete Ñe’ẽ Porã 2015

Ipu’aka rire avei Moabguakuéra rehe, omoñenouka ichupekuéra yvýpe. Upéi oha’ã umi oñenóvape peteĩ inimbópe imétroicha, ha umi ojohúva guive cáda mokõi inimbo pukukuépe, ojukapaite ha umi ojohúva cáda mbohapyha inimbo pukukuépe oheja oikove hag̃ua; ha ko’ã Moabgua hembýva oiko David rembiguái ramo ha opagava’erã impuésto Davidpe g̃uarã.

Referencias Cruzadas

2 Samuel 12:31

Oguenohẽ avei hetãyguakuéra ipype oikóva, omomba’apo hag̃ua ita ñekytĩha ramo, yvyra kytĩha ramo, mba’e ra’ỹi jokaha ramo ha ojapouka avei ladríllo; peichaite ojapo avei opaite ambue Amon táva rehe. Ha David ou jevy opaite hetãygua ndive Jerusalénpe.

2 Samuel 8:6

Upéi David omoĩ isoldádo aty Damáscope oñangareko hag̃ua Síria rehe, ha umi Siriaygua oiko David rembiguái ramo ha opagava’erã ichupe impuésto. Ha Ñanderuete ome’ẽ Davídpe ipu’aka ombopoguypa hag̃ua mamo ohoha rupi.

1 Réyes 4:21

Ha opaite tetãnguéra ysyry Éufrates guive Filisteaygua retã ha Egípto rembe’y peve, ogueru impuésto Salomónpe, ha ha’e oikove aja pukukue oiko hikuái hembiguáirõ.

2 Réyes 1:1

Acab omano rire, Moabguakuéra opu’ã Israelguakuéra rehe.

2 Réyes 17:3

Salmanasar, Asíria retã ruvicha, ou Oséas rendápe ha kóva oñemomirĩ henondépe, ha oiko hembiguái ramo ome’ẽvo ichupe impuésto.

1 Crónicas 18:2

David ipu’aka avei Moab rehe, ha Moabguakuéra oiko David rembiguái ramo, ha ogueru ichupe g̃uarã impuésto.

2 Crónicas 26:8

Upéi Amonguakuéra ome’ẽva’erã Uzíaspe impuésto (pirapire), ha Uzías rerakuã oñemosarambi Egípto retã rembe’y peve; ha’e oñemombarete porãitereígui.

Salmokuéra 108:9

Moab pe ña’ẽ añemopotĩ hag̃ua, Edom ári aitýta che sapatu, ha Filisteaygua retã rehe añembopy’a rorýta.

Salmokuéra 18:45

Umi tetã ambueygua ra’y ikangypa ha ryryipópe okañymba hikuái hóga tápia iñanambusuetévagui.

Salmokuéra 60:10

Nandéi nga’u piko, ore Ruete, oremboykemava’ekue; ha Nde, ore Ruete, neresẽvéima, ore soldádo atykuéra ndive.

Salmokuéra 60:8

Moab katu che mba’yru ajepyhéi hag̃ua, Edom ári aitýta che sapatu, ha Filisteayguakuéra rehe chepy’arorýta.

Salmokuéra 83:6

Umi Edom ha Ismael rogakuéra, Moab ha umi Agar ñemoñare,

Isaías 36:16

Aníke pehendútei Ezequíaspe, péicha he’ígui Asíria retã ruvichaguasu: Peike katu peteĩ jekupytýpe chendive, ha pesẽ che rendápe; ha pe’u jevýta pende parral’a pende higo’a ha pey’úta avei pende ykuágui,

Números 24:17

Ahecha ichupe ndaha’éi ko’ág̃a; ama’ẽ hese, ndaha’éi ag̃ui guive; mbyja osẽva’erã Jacóbogui, ha opu’ãta Israélgui tetã ruvichaguasu yvyra po’i, ombokua hag̃ua Moab syva yke, ha ojokava’erã umi oñorãirõséva akã.

1 Samuel 10:27

Ha oĩmimi umi tekove ñaña he’íva: Mba’éichapa kóva ikatu ñaneguenohẽ jejopy vaígui. Ha ndo’apói mba’eve ramo ichupe hikuái, ha ndoguerúi ichupe jopói; Saul katu nopenái hesekuéra, ha okirirĩ.

1 Samuel 14:47

Saul oñemoĩ hatã rire tetã ruvicha ramo Israel retã guapyhaguasúpe ojeity opaite tetã ári oñemoĩva Israel rehe ha oikóva guive ijerekuévo: Moab, Amon, Edom, Soba retã ruvichakuéra ha Filisteayguakuérape; ha ohohápe ombopoguypa avei.

1 Samuel 22:3

Upérõ David osẽ upégui oho hag̃ua Mizpápe, Moab retãme, ha he’i pe tetã ruvichápe: Che ajerurénte che ru ha che sy topyta pende apytépe, aikuaa peve mba’épa che Ruete ojapóta chehegui.

1 Samuel 22:4

Ha ogueru ichupekuéra Moab retã ruvicha ypýpe ha oiko hendive hikuái, David oiko aja pukukue pe yvy pehẽngue oñemombarete porãvape tápia ijyvate reheve.