2 Samuel 8:14

Ñanderuete Ñe’ẽ Porã 2015

Ha omoĩ isoldádo aty oñangareko hag̃ua opaite Edom retã tuichakue rehe, ha upéicha Edomguakuéra oiko avei David rembiguái ramo. Ñanderuete ome’ẽgui Davídpe pu’aka ombopoguy hag̃ua mamo ohoha rupi.

Referencias Cruzadas

Genesis 25:23

ha Ñanderuete he’i ichupe: Mokõi tetã oĩhína nde rete ryepýpe, ha mokõi tetã oñemboja’óta nde ryepy guive; peteĩ tetã imbaretevéta ambue tetãgui, ha pe tenondegua oikóta pe imitãvéva rembiguái ramo.

Genesis 27:29

Heta tetã toiko ne rembiguái ramo, ha tetãnguéra ta’itĩndy ne renondépe; ha tereiko nde ryvykuéra jára ramo, ha nde sy membykuéra toñakãity ne renondépe. Toñehundi upe nderovasase’ỹva ha taheko potĩ umi nderovasáva.

2 Samuel 5:10

Ha David oñakãrapu’ã pu’ãve ha oñembotuicha tuichave ohóvo, Ñanderuete; pe yvaga atykuéra Jára oĩgui hendive.

2 Samuel 7:9

Ha aĩ nendive mamo nde reikoha rupi, ha ne renondépe ahundipa mayma nderehe ija’e’ỹvape ha ambotuicha nde réra tetã ruvichaguasuetéicha.

2 Samuel 8:15

Ha David oisãmbyhy opaite Israel tríbupe, ha ha’e oñangareko oĩ hag̃ua justícia ha ñembojovake hekoite peguáva Israel retãme.

2 Samuel 8:6

Upéi David omoĩ isoldádo aty Damáscope oñangareko hag̃ua Síria rehe, ha umi Siriaygua oiko David rembiguái ramo ha opagava’erã ichupe impuésto. Ha Ñanderuete ome’ẽ Davídpe ipu’aka ombopoguypa hag̃ua mamo ohoha rupi.

1 Réyes 11:15

David oiko ramoguare Edómpe, isoldádo ruvicha, Joab ojupi oñotỹ hag̃ua Israel re’õnguekuéra, ha upépe oĩ jave ojukapa kuimba’e Edom peguápe.

1 Réyes 22:47

Oitypei avei tetãpýgui umi Sodomayguápe (kuimba’e oñenóva kuimba’e ndive), hembyva’ekue gueteri itúva Asa oikove ramoguare áragui.

1 Réyes 22:48

Upejave Edómpe ndaipóri tetã ruvicha, ho’águi Judayguakuéra poguýpe.

2 Réyes 14:7

Ha’e ojuka avei 10.000 Edomguápe pe Juky cerrokuéra pa’ũme (vállepe), ha ñorãirõpópe omoĩ ipoguýpe Sela, ha ombohéra Jocteel ko ára kóva peve.

2 Réyes 18:7

Ñanderuete oĩgui hendive opaite hembiapo osẽ porã ichupe g̃uarã. Ha’e opu’ã Asíria retã ruvicha rehe, ha ndoikovéi hembiguái ramo.

1 Crónicas 18:13

Ha omoĩ avei peteĩ isoldádo aty oñangareko hag̃ua Edom retã rehe, ha mayma Edomguakuéra opyta David rembiguái ramo, Ñanderuete ome’ẽgui pu’aka Davídpe mamo ohoha rupi.

Salmokuéra 60:1

Nde, che Ruete, oremboykepáma, Nde, oremosarambíma, ndepochýgui orendive. Ndémante oremopu’ãkuaa jevy.