2 Samuel 7:8

Ñanderuete Ñe’ẽ Porã 2015

Ko’ág̃a, ere che rembiguái Davídpe: Péicha he’i pende Ruete: Che rojapyhýma ovecha atýgui, reiko hag̃ua Israel retã ruvicha ramo.

Referencias Cruzadas

2 Samuel 12:7

Upévo Natan he’i Davídpe: Nde voi ningo pe kuimba’e péva. Ha péicha he’i Ñanderuete, Israel Jára: Che roiporavo Israel retã ruvicha ramo; ha roguenohẽ avei Saul pógui.

2 Samuel 14:13

Upémaramo pe kuña he’i: Mba’érehepa, nde neremoingéira’e avei ne akãme ãichagua mba’e Ñanderuete retãygua rehe. Nde erégui ko’ã ñe’ẽ ko’ãva, nde voi reñembojovake, tetã ruvicha ndoipotáigui avei ita’ýra omosẽva’ekue ou jevy hag̃ua.

2 Samuel 23:1

Ko’ãva hína David ñe’ẽ paha. David, Isai ra’y, pe kuimba’e oñemopu’ãva yvateite, Jacóbo Jaratee oiporavova’ekuégui, opurahéi he’ẽ asy Israelguakuéra apytépe:

2 Samuel 24:17

Ha David he’i Ñanderuetépe, ohechávo pe yvága rembiguái ohundi hetãyguakuérape: Che añemoangaipákuri, che rembiapo iñañákuri; mba’éiko ojapóra’e che retãyguakuéra. Ajerure ndéve nde po tou che ha che ru róga ári.

2 Samuel 5:2

Kueheve árama voi, Saul oresãmbyhývo gueteri, nde voi regueraha Israel retãyguakuéra ñorãirõme ha regueru jevy. Ko’yteve katu Ñanderuete he’íkuri ndéve: Nde reñangarekova’erã che retã Israel rehe, ha ndetaha Israel retã ruvicha.

2 Samuel 6:21

Upéramo David he’i Micálpe: Ñanderuete renondépe ajapo, cheporavova’ekue chererohoryvégui nde rúgui ha mayma nde rogayguágui, chemoingo hag̃ua mburuvichaguasu ramo Ñanderuete retã, Israel ári, upéicharupi ajeroky Ñanderuete renondépe.

1 Réyes 3:6

Ha Salomon he’i: Nde reiporiahuvereko tuicha ne rembiguái David, che rúpe, ha’e oikógui añetehápe ne renondépe, teko porãme ha py’a potĩme. Nde reñangareko hese, Nde reiporiahuverekógui ichupe, reme’ẽvo ichupe peteĩ ta’ýra oguapy hag̃ua iguapyhápe, ko árape ojehu háicha.

1 Réyes 8:16

Anohẽha ára guive Egíptogui che retã Israélpe, ndaiporavói peteĩ táva Israel tribukuéragui oñemopu’ã hag̃ua che rogaguasurã, oñemomba’eguasu hag̃ua che réra porãite, jepémo aiporavo Davídpe omoakã hag̃ua che retã Israélpe.

1 Crónicas 17:7

Upévare ko’ág̃a eréta che rembiguái Davídpe: Péicha he’i pende Ruete, yvága atykuéra Jára: Che rohenói ovecha aty rapykuérigui, reiko hag̃ua che retã Israel ruvichaguasu ramo;

1 Crónicas 21:17

Ha David he’i Ñanderuetépe: Ndachéipara’e aipapaukava’ekue tetãyguakuérape. Chénte pe añemoangaipamava’ekue, ha añetehápe ajapo vaiete; ha ko’ã ovecha, ore Ruete, che Jaratee, mba’épa ojapo hikuái, nde po tou che ári, ha che ru róga ári, ha ani oútei pe mba’asy iñasãiva ne retãyguakuéra ári.

Amos 7:15

Ñanderuete katu cherenói che rymba apytégui ha he’i chéve: Tereho ha eprofetiza che retã Israel rehe.

Apostolkuéra 7:46

Ñanderuete oipytyvõ porãiteva’ekue Davídpe, ha upévare ha’e ojerure Ñanderuetépe, omopu’ã hag̃ua ichupe g̃uarã Ñanderuete rogaguasu.

1 Samuel 10:1

Upéramo Samuel oguenohẽ peteĩ acéite ryru ha oñohẽ Saul akã rehe, ha ohetũvo ichupe he’i: Ñanderuete ndeporavóma Israel retã ruvicharã ramo.

1 Samuel 2:8

Ha’e omopu’ã mboriahu yvytimbo pa’ũgui, Ha’e ombotuicha poriahuetévape yty apytégui, omboguapy hag̃ua ichupe karaiguasukuéra apytépe, ha oreko hag̃ua peteĩ terakuãguasu porã renda; Ñanderuete po voi ningo ojoko ko yvy horcon, ha hi’ári omboguapy ko yvy kóva.

1 Samuel 9:16

Ko’ẽramo ko horaitépe amboúta ne rendápe peteĩ kuimba’e Benjamingua ha nde remonáta (reiporavóta) ichupe Israel retã ruvicha ramo, ha he’ive avei: Saul oipe’áta che retãme Filisteayguakuéra poguýgui. Che ahecháma che retãme ha imba’e jerure asy og̃uahẽma che rendápe.