2 Samuel 7:7

Ñanderuete Ñe’ẽ Porã 2015

Ha aiko aja pukukue Israel ñemoñarenguéra ndive, Che piko ha’e ichupekuéra ha che retãygua oisãmbyhývape: Mba’érepa neremopu’ãi chéve óga cédro yvyraguiguáva.

Referencias Cruzadas

2 Samuel 5:2

Kueheve árama voi, Saul oresãmbyhývo gueteri, nde voi regueraha Israel retãyguakuéra ñorãirõme ha regueru jevy. Ko’yteve katu Ñanderuete he’íkuri ndéve: Nde reñangarekova’erã che retã Israel rehe, ha ndetaha Israel retã ruvicha.

1 Crónicas 11:2

Ha Saul oisãmbyhy ramo gueteri, nde voi regueraha Israelguakuérape ñorãirõme, ha regueru jevy. Ha Ñanderuete, nde Jára, he’imava’ekue ndéve: Nde reñangarekova’erã che retã Israel rehe, ha ndéta che retã Israel ruvicharã.

1 Crónicas 17:6

Mamo aikoha rupi opaite Israelguakuéra ndive, aporandu piko peteĩ Israel sãmbyhyhárape: Mba’érehepa napemopu’ãi chéve peteĩ óga cedroguiguáva.

Isaías 40:11

Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.

Isaías 66:1

Péicha he’i pende Ruete: Pe yvága che guapyha renda, ha pe yvy che pykuéra renda; mba’eichagua óga piko peẽ pemopu’ãkuaa chéve g̃uarã ha mba’épa peẽ pejapokuaa Che apytu’u hag̃ua.

Jeremías 23:4

Che ahenóita ovecha rerekua oñangareko porãva’erã hesekuéra; ha ndokyhyjeveiva’erã hikuái, ndojepy’apyiva’erã ha noñembohoryveimava’erã hesekuéra, he’i pende Ruete.

Jeremías 3:15

Ha ame’ẽta peẽme pende rerekuarã chembovy’áva, oñangareko hag̃ua penderehe katupyry ha arandúpe.

Ezequiel 34:15

Che añangarekóta che ovechakuéra rehe, ha Che amombytu’úta ichupekuéra, he’i pende Ruete.

Ezequiel 34:2

Kuimba’e ra’y, emomarandu umi Israel rerekuápe; eprofetiza ha ere ichupekuéra: Péicha he’i pende Ruete: Angái, angái umi Israel rerekua rehe, oñangarekóva ijehénte. Umi ovecha rerekua noñangarekovéima ijovecha aty rehe.

Ezequiel 34:23

Ha amoĩta hi’arikuéra peteĩ herekuarã; ha Ha’e oñangareko porãta hesekuéra; amopu’ãta che rembiguái Davídpe, ha ha’e oikóta iñangarekoha ramo.

Miquéas 5:4

Upéramo pe mburuvichaguasu og̃uahẽta ha oñangarekóta hetã rehe pende Ruete pu’aka reheve ha oisãmbyhýta hetãme oiko hag̃ua py’aguapýpe pende Ruete rérape ha Ha’e ombotuicháta ichupe ko yvy paha peve.

Matéo 2:6

Ha nde, Belen, Júda retã megua, nde ningo pe imichĩvéva umi táva Judaygua apytépe, ndehegui osẽta peteĩ mburuvichaguasu omboguata porãva’erã che retã Israélpe (Miquéas 5,2).

Apostolkuéra 20:28

Peñeñangareko porãke pendejehe ha opaite iglesiayguakuérare, pe Pytu Porambáva pendeporavómagui peiko hag̃ua iglésia anciáno ramo, upévare pemboguata porã Ñanderuete iglésiape, Ha’e ojoguava’ekue ita’ýra Hesu Crísto ruguy rupi.

Apostolkuéra 21:28

ha sapukáipe he’i hikuái: Kuimba’e Israelguakuéra, orepytyvõkena. Kóva ningo pe kuimba’e ombo’éva opa rupiete oñemoĩ hag̃ua Moises rembiapoukapykuéra rehe, Israelguakuéra ha ko Ñanderuete rogaguasu rehe. Ha hi’ári ko’ág̃a omoingéma avei Ñanderuete rogaguasúpe umi Greciaygua, ha péicha omongy’a Ñanderuete rogaguasu.

Deuteronómio 23:14

Ñanderuete, pende Jára, oikógui pende rekohápe pendesalva hag̃ua ha omoĩ hag̃ua pende poguýpe penderehe ija’e’ỹvape; upévagui pende rekoha ipotĩva’erã, ani hag̃ua ha’e ohecha ipype mba’e iky’áva, ha ani hag̃ua Ha’e oñemboyke pendehegui.

1 Pédro 5:1

Che poavisase peẽ karai ancianokuérape, (pemyakãva pe iglésia rembiapo), che voi peteĩ pende reheguáva, che ningo peteĩ techahare ohechava’ekue Hesu Crísto ohasa asy hague, ha oñeme’ẽta chéve che rendag̃ua Ha’e ou vove heko jajaipa reheve.