2 Samuel 7:6

Ñanderuete Ñe’ẽ Porã 2015

Añetehápe ndaikói ogapýpe, anohẽ guive Israel ñemoñarenguérape Egípto retãgui ko ára kóva peve, aikónte óga aoguiguápe pe karameg̃ua oĩháme.

Referencias Cruzadas

2 Samuel 11:11

Ha Urías he’i jevy Davídpe: Ñande Ruete karameg̃ua oĩ carpaguýpe, Israelgua ha Judayguakuéra, che jára Joab, ha che jára rembiguaikuéra oikopa ñúre. Ha chépa aikéta che rógape akaru ha amboy’u hag̃ua ha ake hag̃ua che rembireko ndive. Nde rekove rehe, ha ne ánga rekove rehe, che ndajapomo’ãi ko’ãichagua mba’e.

1 Réyes 8:16

Anohẽha ára guive Egíptogui che retã Israélpe, ndaiporavói peteĩ táva Israel tribukuéragui oñemopu’ã hag̃ua che rogaguasurã, oñemomba’eguasu hag̃ua che réra porãite, jepémo aiporavo Davídpe omoakã hag̃ua che retã Israélpe.

Apostolkuéra 7:44

Ñande rukuéra oguereko ramojepe pe óga jojohuha, Ñanderuete ojapoukava’ekue Moises rupi, Ha’e ohechauka haguéicha ichupe.

2 Corintoyguakuérape 6:16

Mba’éicha piko Ñanderuete iglésia oñembopy’apeteĩkuaáta jára ra’ãnga ñemomba’eguasu reheve. Ñande ningo Ñandejára Hesu Crísto iglésia, Ñanderuete kuatiañe’ẽme he’i háicha: Che aiko ha añembohogava’erã che retã apytépe, ha Che ha’éta Ijára, ha ha’ekuéra che retãtee, (Levítico 26,11-12).

Deuteronómio 23:14

Ñanderuete, pende Jára, oikógui pende rekohápe pendesalva hag̃ua ha omoĩ hag̃ua pende poguýpe penderehe ija’e’ỹvape; upévagui pende rekoha ipotĩva’erã, ani hag̃ua ha’e ohecha ipype mba’e iky’áva, ha ani hag̃ua Ha’e oñemboyke pendehegui.

Josué 18:1

Mayma Israel ñemoñarenguéra oñembyaty Sílope, peteĩ atyguasúpe ha omopu’ã hikuái upépe pe óga jojohuha ombopoguy haguére Canaan retãnguérape.

Apocalípsis 2:1

Ehai Eféso iglésia rembijokuáipe g̃uarã: Péicha he’i pe ojokóva umi 7 jasytata ipo akatúape, ha pe oikóva umi 7 tataindyenda oroguiguáva apytépe.

Juéces 20:27

Ha umi Israel ñemoñare omba’eporandu Ñanderuetépe (ikarameg̃ua oĩ umi árape avei Mizpápe).