2 Samuel 7:24

Ñanderuete Ñe’ẽ Porã 2015

Nde remoingo ne retã Israel, ne retã tee ramo opaite árape g̃uarã, ha Nde, che Jára, reiko ichupekuéra Ituvatee ramo.

Referencias Cruzadas

Genesis 17:7

Ha añemoĩma peteĩ ñe’ẽme nendive, nde riregua ñemoñarenguéra ndive ha iñemoñarenguerare ndive, ára atyguasukuéra rupi aiko hag̃ua nde Jára ramo, ha nderiregua ñemoñarenguéra Jára ramo avei.

Genesis 17:8

Ha ame’ẽta ndéve, ha nde riregua ñemoñarenguérape pe yvy nde reikohápe, Canaan yvy tuichakue pene mba’erã opaite árape; ha aikóta pende Jára ramo.

2 Samuel 7:23

Ha mávapa ojogua ne retã Israélpe, tetã ijojaha’ỹva yvy apére. Nde voi, ore Ruete, reiporavo Israélpe ne retã ramo ha reme’ẽ ichupe nde réra rejapo hag̃ua tuicha mba’e hesa renondépe, ha tembiapo iporãitéva ko yvy tuichakuépe, rehayhúgui ne retãme renohẽva’ekue Egíptogui ne mba’e ramo, ambue tetãnguéra apytégui ha ijára gua’úgui.

2 Samuel 7:25

Ko’ágã, che Jára, emoañete opaite árape ne ñe’ẽ ereva’ekue ne rembiguái ha hogayguakuéra rehe, ha ejapo ere hagueichaite.

1 Crónicas 17:22

Nde rejapo Israélgui ne retã opaite árape; ha Nde, yvagakuéra Jára, reiko Ijaraite voi.

Salmokuéra 48:14

Ñanderuete toiko ore Jaratee ramo opaite árape g̃uarã, Ha’e ñanesãmbyhyva’erã pe ñemano amo gotyove g̃uarãgui jepeve.

Éxodo 15:2

Ñanderuete chemombarete ha chembopurahéi, chesalvaháre. Kóva voi ningo che Jára, ha che rukuéra Jára, che amomba’eguasu ha ambotuichaite ichupe.

Éxodo 6:7

Ha peikóta che retã ramo ha Che pende Jára ramo; ha peikuaáta Cheha pende Ruete, poguenohẽtava tembiapo pohyiete poguýgui Egípto retãgui.

Isaías 12:2

Peikuaa porãke, Ñanderuete, che Jára chesalvataha; ajerovia hese ha ndakyhyjemo’ãi; Ha’e chemombarete, upévare apurahéita ichupe g̃uarã, Ha’e chesalvágui.

Jeremías 31:1

Upe ára upévape, he’i pende Ruete, Che aikóta opaite Israelguápe g̃uarã Ijára ramo, ha ha’ekuéra oikóta che retãyguakuéra ramo.

Jeremías 31:33

Ohasa rire umi ára añembopy’apeteĩta Israel róga rehe, ha’évo: Che amoĩta ko che ñe’ẽme’ẽ iñapytu’ũkuápe, ha ahaíta ipy’apypekuéra; ha Che aikóta ichupekuéra g̃uarã Ijára ramo, ha ha’ekuéra oikóta che retã ramo.

Jeremías 32:38

ha’ekuéra oikóta che retã ramo, ha Che aikóta Ijára ramo.

Oséas 1:10

Upéicharamo jepe og̃uahẽta katuete pe ára Israel ra’ykuéra oñemboheta jevýta yvyku’i yguasu rembe’y peguáicha, ndaikatúiva oñeha’ã térã ojepapa. Ko’ág̃a oje’e peẽ ndaha’eveimaha che retãteéva, og̃uahẽ jevýta katuete pe ára oje’etaha peẽme: Peẽ pende Ruete oikovéva ra’ykueraha.

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Juan 1:12

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Deuteronómio 26:18

Ha Ñanderuete he’i avei ko árape nde ningo che retã, che mba’eteéva Che apromete haguéicha ndéve, upévare ejapo mayma che rembiapoukapykuéra;

Deuteronómio 27:9

Moises ha umi pa’i Levigua oñe’ẽ opaite Israelguakuérape, ha he’i: Pekirirĩ ha pejapysaka porãke, ko árape oikóma pendehegui Ñanderuete retã.

Deuteronómio 32:6

Péicha piko pemyengovia Ñanderuete rembiapo porã, peẽ tetãygua tarova ha itavýva. Ha’e piko ndaha’éi pende Ru, pende Apohare. Ha’e voi ningo pendeapo ha penemohenda,

1 Pédro 2:10

Yma peẽ ndaha’éi gueteri peteĩ tetã, ko’ág̃a katu peiko Ñanderuete retã ramo. Yma noñeme’ẽi peẽme iporiahuvereko peteĩ jopói ramo, ko’ág̃a katu oñeme’ẽma peẽme.