2 Samuel 7:23

Ñanderuete Ñe’ẽ Porã 2015

Ha mávapa ojogua ne retã Israélpe, tetã ijojaha’ỹva yvy apére. Nde voi, ore Ruete, reiporavo Israélpe ne retã ramo ha reme’ẽ ichupe nde réra rejapo hag̃ua tuicha mba’e hesa renondépe, ha tembiapo iporãitéva ko yvy tuichakuépe, rehayhúgui ne retãme renohẽva’ekue Egíptogui ne mba’e ramo, ambue tetãnguéra apytégui ha ijára gua’úgui.

Referencias Cruzadas

2 Samuel 7:24

Nde remoingo ne retã Israel, ne retã tee ramo opaite árape g̃uarã, ha Nde, che Jára, reiko ichupekuéra Ituvatee ramo.

1 Crónicas 17:21

Ha moõpa oĩ tetã ko yvy apére, ne retãicha, Israel. Ijára voi oho oguenohẽ ijupe g̃uarã ko tetã kóvape Egíptogui, oñemoherakuã hag̃ua ipu’akapa ha hembiapo techapyrãva (milágro) ha remosẽ tetãnguérape ne retã Israel renonderãgui.

Nehemías 1:10

Ore ningo ne rembiguái ha ne retã, resalvava’ekue nde pu’aka tuicha rupi, ha nde po mbarete rupi.

Salmokuéra 106:22

tuichaite mba’e Cam yvýpe ojapova’ekue ha mba’e hechapyrãva oporomongyhyjetéva ojapova’ekue Ha’e pe pirity yguasúpe.

Salmokuéra 111:9

Tekove añeteguáva ombouva’ekue hetãme, opaite ára peve omoĩva’ekue iñe’ẽme’ẽ, Ñanderuete réra porãite ha jakyhyjeva’erã ichugui.

Salmokuéra 145:6

Toñe’ẽ ne rembiapokue porãite ipu’akapáva ha toikuaauka ne rembiapo tuichaitéva,

Salmokuéra 147:20

Péicha Ha’e ndojapói ambue tetãnguéra ndive, ndoikuaáigui hembiapoukapy. Alelúia, pemomba’eguasu Ñanderuetépe.

Salmokuéra 40:5

Nde, che Ruete, remboheta hetave umi mba’e techapyrãva ha Nde rejepy’amongeta porã orendive g̃uarã, Ndeichagua ndaipóri ambue. Che añemoĩ ramo amombe’u ha añe’ẽ hag̃ua opaite mba’e rejapova’ekue rehe, ndaikatúi amombe’upa (che rekove pukukuépe), hetaitereígui.

Salmokuéra 44:3

Noñemomba’éiva’ekue ko yvy rehe ikyse puku rupive, ha ipyapykuéra noipytyvõi ichupekuéra, nde pu’aka rupi, nde pyapy mbarete rupi ha nde rova ohesapéva rupivénte katu, Nde rehayhu haguére Israelguakuérape.

Salmokuéra 65:5

Nde orembohováita milágrope ha nde justícia rupi, Nde, ore Ruete, ore pytyvõhára opaite yvy apýra paha guive yguasu rembe’y mombyryvéva peve oĩha umi ojeroviáva nderehe.

Salmokuéra 66:3

Peje Ñanderuetépe: Iporãite ningo ne rembiapokuéra, nderayhu’ỹva jepe ojeitýta ne renondépe ha nemomba’eguasuva’erã.

Éxodo 12:12

Che ningo ahasáta upe pyharépe Egípto retãpy rupi ha ajukáta opaite ita’ýra ypykuépe, taha’e Egiptoygua térã hymba; ha ambojovakéta opaite Egípto jarakuérape. Che ha’égui Jahve (pende Ruete).

Éxodo 33:16

Ha mba’éichapa roikuaáta che ha ne retã rojohu hague py’aporã nde resa renondépe, Nde nderejúi ramo orendive, Nde voi oreporavógui oremoirũ hag̃ua opaite tetãnguéra apytégui, oĩva guive ko yvy apére.

Éxodo 6:7

Ha peikóta che retã ramo ha Che pende Jára ramo; ha peikuaáta Cheha pende Ruete, poguenohẽtava tembiapo pohyiete poguýgui Egípto retãgui.

Éxodo 9:15

Che aipyso rire che po poinupã hag̃ua ndéve ha ne retãyguakuérape péste rupi, Che poipe’ava’erãmo’ã ko yvy ape árigui.

Éxodo 9:16

Añetehápe Che aipota nde rekove rupi ojehechauka che pu’akapaha, ha péicha oñemyasãi hag̃ua che réra opaite yvy tuichakue javeve.

Jeremías 32:20

Nde rejapóma tembiapo techapyrãva ha techaukaha tuicháva Egípto retãme ko ára kóva peve, Israel retã ha yvyariguakuéra apytépe; upévagui oñemoherakuã porã nde réra, ko ára kóvape ojehecha háicha.

Jeremías 32:21

Ha reguenohẽva’ekue ne retã Israélpe tembiapo techapyrã rupi, nde pyapy jepyso mbaretepópe ha tuicha ñemongyhyje rupi;

Ezequiel 20:9

Che ajapo umi mba’e che réra rehehápe, ani hag̃ua umi tetã oikóva ijerekuévo oñe’ẽvai cherehe, upévagui Che ajehechauka ha ha’éma avei aguenohẽtaha ichupekuéra Egípto retãgui, umi ambue tetã ijerekuévo oĩva guive ohechakuaa hag̃ua che pu’aka.

Números 6:27

Péicha pa’ikuéra oñe’ẽ ramo Israelguakuérape, Che ahovasa hag̃ua ichupekuéra.

Efesoyguakuérape 1:6

ñande ñamomba’eguasu hag̃ua ichupe tapia g̃uarã, Ha’e ipy’a porã haguére, ha Ha’e ohechauka haguére ñandéve iporiahuvereko Ita’ýra Hesu Crísto rupi.

Deuteronómio 10:21

Ha’e ningo pene rerakuã porã, Ha’e voi ojapova’ekue penderehe ko’ã mba’e techapyrãva ha oporomondýiva pende resa renondépe.

Deuteronómio 15:15

Nemandu’ava’erã nde reiko hague avei tembiguái rei ramo Egípto retãme, ha Ñanderuete ndesalva hague avei; upévagui ha’e he’iuka ko’ã mba’e ndéve ko árape rejapo hag̃ua.

Deuteronómio 33:29

Evy’a nde Israel, mávapa ndeichagua, nde ningo peteĩ tetã Ñanderuete osalvava’ekue, Ha’e ne mo’ãha, Ha’e nde kyse puku ombopu’akapáva. Upéicha nderehe ija’e’ỹva oñemomirĩmbáta, nde katu repyrũta icérro rehe.

Deuteronómio 9:26

Ha añembo’e Ñanderuetépe, ha ha’e ichupe: Che Jára, ore Ruete, ani rehundítei ne retãyguakuérape ha ne mba’eteéva resalvava’ekue milágro ndetuichaite rupi, reguenohẽvo ichupekuéra pyapy mbaretépe Egípto retãgui.

Títope 2:14

Ha’e voi ome’ẽ hekove ñandesalva ha ñandepe’a hag̃ua aña reko vaígui, ñanemopotĩ ha jaiko hetã potĩva ramo ichupe g̃uarãnte, ha ñande ñanekyre’ỹve jahávo jajapo hag̃ua tembiapo porã.

Josué 7:9

Umi Canaangua ha opaite tetãyguakuéra oikóva upérupi ohendu ramo ko’ã mba’e oúta oremongora ha ombogue ore réra yvy árigui; ha upéicharamo, mba’épa Nde rejapóta nde réraguasuetépe g̃uarã.

1 Pédro 2:9

Peẽ katu pe tetã poravopyre, peteĩ tetã heko potĩmava, Ñanderuete ohenoimava’ekue pytũmbýgui peiko hag̃ua hesape porãitépe, pemyasãi hag̃ua ipa’ikuéra ramo Ñanderuete rembiapo tuichaitéva, (Éxodo 19,6).

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.