2 Samuel 7:22

Ñanderuete Ñe’ẽ Porã 2015

Upéicha Nde, ore Ruete, ndetuicha tuichave rehóvo ndaipórigui Ndeichagua, ndaipórigui Jára añeteguáva ndaha’éi ramo Nde, rohendu háicha ore apysa rupi.

Referencias Cruzadas

2 Samuel 22:32

Ha mávaiko tetãguakuéra jára, ndaha’éi ramo Ñanderuete. Ha mávapa ñande itaguasu ñanemo’ãva, ndaha’éi ramo Ñanderuete.

1 Réyes 8:23

ha oñembo’e: Israel Jára, ndeichagua Jára ndaipóri yvágape ni yvy apére, Nde reñembopy’apeteĩgui ne rembiguaikuéra ndive, ha reiporiahuverekógui oimeraẽva oikóva ipy’aite guive ne renondépe.

1 Crónicas 16:25

Mba’eguasuete Ñanderuete, ha hekoitépe oñemomba’eguasuva’erã ichupe ha ichuguínte ojekyhyjeveva’erã opaite ambue jarakuéragui.

2 Crónicas 2:5

Ha pe óga amopu’ãtava ituichava’erã; ore Ruete, ore Jára, ituichavégui mayma ambue jarakuéragui.

Salmokuéra 135:5

Che aikuaágui Ñanderuete ituichaitereiha, ha Ñandejára ituichaveha mayma ambue járagui.

Salmokuéra 145:3

Tuichaiterei ningo Ñanderuete ha toñemomba’eguasu ichupe hekoitépe, imburuvicha reko ndajaikuaapamo’ãi araka’eve.

Salmokuéra 44:1

Nde, ore Ruete, ore apysakuéra rupive rohenduva’ekue, ore rukuéra omombe’uva’ekue oréve pe tembiapo rejapova’ekue hi’arakuérape, umi ára ymaguarépe.

Salmokuéra 48:1

Ituichaitereirasa Ñanderuete, upévagui toñemomba’eguasu ichupe itáva guasúpe ha icérro porãitépe.

Salmokuéra 86:10

Mba’eguasuete ningo Nde, mba’e techapyrã apohára, Nde añoite ore Ruete.

Salmokuéra 86:8

Che Jára, ndeichagua ndaipóri ambue ha ne rembiapoichagua ndaipóri mamove.

Salmokuéra 89:6

Ha máva piko ikatúne oñembojoja Ñanderuete yvága pegua rehe. Ha máva piko ipu’akaitéva ijapytépe ojoguáne Ñanderuetépe.

Salmokuéra 89:8

Nde, che Ruete, yvága atykuéra Jára, máva piko Ndeichagua. Nde ningo ndepu’akapáva, ore Ruete, ha nde reko añetegua nembojerepa.

Salmokuéra 96:4

Mba’eguasuete ningo Ñanderuete, ha hekoitépe ñamomba’eguasu ichupe, jakyhyjeve ichugui opaite ambue járagui.

Éxodo 10:2

Remombe’u hag̃ua nde ra’ykuérape ha nde ra’y reminenonguérape umi mba’e Che ajapova’ekue Egíptope, ha umi milágro ahechaukava’ekue ijapytepekuéra; peikuaa hag̃ua Che ha’eha Jahve (pende Ruete).

Éxodo 15:11

Máva piko Ndéicha, che Ruete, tetãnguéra jarakuéra apytépe. Mávapa Ndéicha iporã, heko porãva ha oporomondýiva tembiapo techapyrã apópe.

Éxodo 8:10

Ha ha’e he’i: Ko’ẽ ramo. Ha Moises he’i jevy: Ojejapóta nde ere háicha, reikuaa porã hag̃ua ndaiporiha ambue Jára, ore Ruetéichagua ko yvýpe.

Éxodo 8:6

Upéramo Aaron oipyso ijyva Egípto ykuéra ári, ha osẽ ju’ieta ha oñu’ãmba Egípto retãpy tuichakue javeve.

Éxodo 9:14

Ko’ág̃a Che añemoĩta nderehe, ne rembiguái ha ne retãyguakuéra mayma rehe che plagakuéra rupi, rehechakuaa porã hag̃ua ndaiporiha ambue Jára cheichagua opaite yvy apére.

Isaías 40:18

Máva ndivépa pembojojase Ñanderuetépe, térã mba’eichagua ta’ãngápa pejapose ichupe g̃uarã.

Isaías 40:25

Ha máva ndivépa peẽ chembojojase, añembojoja hag̃ua hese, he’i pe Heko jajaipáva.

Isaías 45:18

Péicha he’i pende Ruete, yvága apohare: Che ningo pende Ruete, ha ndaipóri ambue, Che ajapomava’ekue ko yvy ha amoĩ porãmbava’ekue ojeiko porã hag̃ua ipype ha ndajapói yvy perõ.

Isaías 45:22

Pejerovia cherehe, Chénte posalvakuaa, Che voi ningo pende Ruete, ha che ykére ndaipóri ambue Jára.

Isaías 45:5

Che ha’e pende Jára, che ykére ndaiporivéima ambue, Che romopu’ã ramojepe nde ndachekuaái; ndaipóri ambue Jára ndachéi ramo.

Ezequiel 36:22

upévare, ere Israel retãme: Péicha he’i pende Ruete, Che ambotuichave che reraguasu peẽ pemongy’a ramojepe.

Ezequiel 36:32

Peikuaa porãke, ndajapói ko’ã mba’e penderehe, cherehehápe uvei he’i pende Ruete; petĩ joaitéke ha pende py’a tarova pene ñaña reko rehe, nde, Israel retã.

Daniel 2:45

Kóva ningo pe itaguasu rehechava’ekue ojepoi hague cérrogui, ndaipóri ramojepe kuimba’e opokova’ekue hese, ha omongu’ipa pe hiérro, pe brónce, pe ñay’ũ jypyre, pe pláta ha pe óro. Ñanderuete, pe Ipu’akapáva, ohechaukáma che retã ruvichápe umi mba’e ojehútava henonderãme; nde ke peguare katuete oikóta ha oñemoañetéta opaite mba’e Ha’e he’iva’ekue guive ndéve.

Miquéas 7:18

Moõ piko oĩ ndeichagua Jára, operdonáva mba’evai ha hesaráiva hetãyguakuéra rembyre rembiapo vaígui. Naimandu’áiva tapia g̃uarã umi mba’e ombopochýva rehe, ovy’a uvei Ha’e oiporiahuvereko ramo.

Deuteronómio 3:24

Che Jára, ore Ruete, Nde reñepyrũma rehechauka ne rembiguáipe ne mba’eguasu ha nde pu’aka; mba’eichagua Járapa oĩ yvagakuérape térã yvy ape ári ikatúva ojapo pe tembiapo ha milagrokuéra Nde rejapóva.

Deuteronómio 32:39

Pehechakuaa Chenteha, ha ndaiporiha ambue Jára che ykére, Che aporojuka ha Che aporomoingove; Che aporombohasy ha Che aporomonguera avei; ha ndaipóri avave oporope’áva che pógui.

Deuteronómio 4:35

Peẽmente ojehechaukákuri, peikuaa hag̃ua Jahve, Ñanderuetépe, ha ijykére ndaipóri ambue.

Deuteronómio 4:39

Peikuaákena ko árape ha pejepy’amongeta porãke pende py’apýpe, Jahve ha’eha pende Ruete, yvagakuérape ha yvy apére ndaiporiha ambue Ha’éichagua Jára.

1 Samuel 2:2

Ndaipóri hekoporãva Ñanderuetéicha; ndaipóri voínte avave ndejoguáva, ha ndaipóri ambue mo’ãha renda.