2 Samuel 7:13

Ñanderuete Ñe’ẽ Porã 2015

ha’e omopu’ãta che rérape g̃uarã peteĩ óga ha che amohenda porãta ichupe tapia g̃uarã Israel retã ruvicha guapyhápe.

Referencias Cruzadas

Genesis 49:10

Avave ndoipe’amo’ãi huvicha reko ha avave ndoitymo’ãi ichupe imburuvichaguasu guapyhágui, ou peve Siloh oñeme’ẽva’erãvape ha Ha’e oguapýta imburuvichaguasu guapyhápe ha henondépe oñembyatypava’erã tetãnguérape.

2 Samuel 22:51

Nde reme’ẽ haguére ne retã ruvichápe pu’aka tuicháva ha reiporiahuvereko umi reiporavova’ekuépe, David ha iñemoñarenguérape opaite árape.

2 Samuel 7:16

Ha nde róga oñemoĩ hatãta ha reikóta ne retã ári mburuvichaguasu ramo ha ndojepe’amo’ãvéima ára pahaite peve ne mburuvicha reko.

2 Samuel 7:27

Nde voi, yvága atykuéra Jára, ha Israel Jára, reikuaauka ne rembiguái apysápe, erévo: Che amopu’ãta nde rogarã. Ko’ã mba’e rupi ne rembiguái ojohu py’aguasu ipy’apýpe, ojerure hag̃ua ko’ã mba’e ne renondépe.

1 Réyes 2:24

Ñanderuete voi chemboguapy che ru David guapyhápe, ha chembohóga, Ha’e he’i haguéicha chéve, Adonías omanova’erã katuete ko árape.

1 Réyes 2:4

Ñanderuete omoañete hag̃ua iñe’ẽ he’iva’ekue chéve: Nde ra’ykuéra oguata ramo che rape rehe, ha ojapo ramo che rembiapoukapy, ipy’a ha hi’angaite guive, katuete ne ñemoñarenguéra opytava’erã Israel retã guapyhápe.

1 Réyes 2:45

Ha tetã ruvicha Salomón oñemoherakuã porãve ohóvo, ha David guapyha opyta hatãva’erã opaite árape Ñanderuete renondépe.

1 Réyes 5:5

Che ha’éma amopu’ãseha peteĩ ogaguasu ore Ruete rérape g̃uarã, Ha’e oñe’ẽ haguéicha che ru Davídpe, he’ívo: Nde ra’y, Che amoĩta nde guapyhápe, omopu’ãta peteĩ óga che rérape g̃uarã.

1 Réyes 6:12

Ko óga kóva nde remopu’ãva rehe ha’ese ndéve: Nde reiko ramo che ñe’ẽme he’i háicha ha rejapo ramo che rembiapoukapy, ha reiko ramo che aipota háicha, Che ajapóta nendive opaite mba’e Che ha’eva’ekue nde ru Davídpe.

1 Réyes 8:13

Ha che amopu’ã nde rogaguasu reiko hag̃ua opaite árape ipype.

1 Réyes 8:15

Ha Salomón he’i: Toñemomba’eguasu Israel Járape, ojapopágui iñe’ẽ he’imava’ekue che ru Davídpe, he’ívo:

1 Réyes 8:19

Neremopu’ãmo’ãi katu che rogarã, nde ra’y uvei omopu’ãta che rogarã, oñemomba’eguasu hag̃ua che réra.

2 Réyes 21:4

Omopu’ã avei kuave’ẽmby renda Ñanderuete rogaguasúpe omomba’eguasu hag̃ua ambue jarakuérape, pe óga rehe Ñanderuete he’iva’ekue: Jerusalénpe, che rogaguasúpe, che réra oñemomba’eguasúta.

2 Réyes 21:7

Ha omoĩ peteĩ Asera ra’ãnga ha’e ojapoukava’ekue ha omohenda Ñanderuete rogaguasúpe, Ñanderuete he’i ramo jepe David ha ita’ýra Salomónpe: Pe óga pévape, Jerusalénpe oĩva, Che amoĩta che réra opaite ára peve ha Che aiporavova’ekue ko yvy pehẽngue kóva opaite Israel tríbu yvy apytégui.

2 Réyes 8:19

Upeichavéramo jepe Ñanderuete nohundiséi Judápe, hembiguái David rayhupápe, he’iva’ekuégui ome’ẽtaha ichupe opaite árape tesapeha rendy ichupe ha ita’yrakuérape.

1 Crónicas 28:10

Ema’ẽke ko’ág̃a, Ñanderuete ndeporavóma remopu’ã hag̃ua Ñanderuete rogaguasu; eñemombaretéke ha ejapopa hekoitépe.

2 Crónicas 33:4

Omopu’ã avei kuave’ẽmby renda ambue járape g̃uarã Ñanderuete rogaguasúpe, Ñanderuete he’iva’ekue rehe: Jerusalénpe oĩva’erã che réra opaite árape.

2 Crónicas 6:16

Ko’ág̃a, ore Ruete, Israel Jára, ejapo umi mba’e Nde ereva’ekue ne rembiguái, che ru Davídpe: Tapiaite oĩta peteĩ kuimba’e David ñemoñare apytégui che renondépe ha oguapýtava Israel retã ruvicha guapyhaguasúpe, oñangarekóva che ra’ykuéra rehe, oguata guive che rapére ha ojapo guive hekoitépe che rembiapoukapykuéra, nde reiko haguéicha che renondépe.

Job 36:7

Ñanderuete nomboykemo’ãi hesa umi heko porãvagui, omoĩta uvei ichupekuéra tetã ruvicha guapyhaguasúpe opaite árape, ombotuicha hag̃ua ichupekuéra.

Salmokuéra 72:17

Héra toiko opaite árape, toñemombe’u héra pe kuarahy oikoha peve. Ha’érupi mayma tetã tojehovasa, ha hendive tovy’aite hikuái.

Salmokuéra 89:21

Che po mbarete oipytyvõ tapia ichupe ha che po omombarete ichupe.

Salmokuéra 89:29

Iñemoñare oikóta opaite árape, ha iguapyhaguasu opytáta umi yvága oĩ aja pukukue.

Salmokuéra 89:4

Opaite árape g̃uarã oikova’erã ne ñemoñarenguéra, ha amopu’ãta nde guapyhaguasu tapia g̃uarã. Selah

Isaías 49:8

Pende Ruete he’ive: Che rohendúta pe jeporiahuvereko árape, ha Che rosalváta pe jehasa asyha árape; Che añangarekóta nderehe, ha Che romoĩma amoañete hag̃ua ndérupi che ñe’ẽ ame’ẽmava’ekue ko tetã kóvape. Amopu’ãta ko tetãme ha amboja’o jevýta ichupekuéra g̃uarã ijyvytee, oñemonandiva’ekue.

Isaías 9:6

Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.

Isaías 9:7

Hetã pu’aka ituichaiterei ha ipy’aguapy ndaijapyramo’ãi, Ha’e oguapýta David guapyhaguasu ári ha Ha’e oisãmbyhýta hetãme, oguenohẽvo oimeraẽvape tape porãme ha ombojovakéta hekoitépe, upe ára upéva guive opaite ára peve g̃uarã, yvága atykuéra Jára, ojapopáta ko’ã mba’e.

Jeremías 33:17

Péicha he’i pende Ruete: Katuete oĩ jevýta David ñemoñare oguapýtava opaite árape Israel róga mburuvicha guapyhaguasúpe.

Ezequiel 37:25

Che rembiguái Jacóbope ame’ẽva’ekue ko yvy oiko hag̃ua ipype, pende rukuéra oiko haguépe avei; ipype oikóta ita’yrakuéra ha ita’yrakuéra ra’yre jevy jey opaite ára peve; ha che rembiguái David oikóta imburuvichaguasu ramo opaite árape.

Daniel 2:44

Ko’ã tetã ruvicha árape Ñanderuete, Yvagakuéra Jára, omopu’ãva’erã peteĩ tetã guasutee noñehundimo’ãiva araka’eve, ha upe tetãguasutee ndo’amo’ãvéi ambue tetã poguýpe, hetã ruvichaguasurã ipu’akapa ha ohundipava’erã opaite tetãnguéra oĩva guive ko yvy apére, Ha’e katu oikóta opaite ára peve g̃uarã.

Zacarías 6:12

Ha reñe’ẽta ichupe, erévo: Péicha he’i ángel atykuéra Jára: Péina ápe pe kuimba’e hérava Hoky pyahúva, hi’árape hokytavahína, omopu’ãta Ñanderuete rogaguasu.

Zacarías 6:13

Ha’e omopu’ãta Ñanderuete rogaguasu, ha Ha’e ohupitýta pu’aka ha oguapýta mburuvichaguasu guapyhápe ha oporosãmbyhýta, Ha’e oikóta avei pa’iguasu ramo ha hi’árape oĩta py’aguapy.

Matéo 16:18

Ha Che ha’e ndéve, nde ha’eha Pédro, ha ko itaguasu kóva ári amopu’ãta che iglésia ha pe aña retã ndaipu’akamo’ãi hese.

hebreoyguakuerape 3:3

Hesu Crísto katu oñemomba’eguasuve Moisésgui, oñemomba’eguasuve háicha pe óga apohare pe ógagui.

1 Pédro 2:5

Ha peẽ avei peheja Ñanderuete toiporu pende rekove, ku ita oikovévaicha, oñemopu’ã hag̃ua ohóvo ijiglésia, Hesu Crísto pe itaguasu oikovéva ári, peẽ peiko hag̃ua ipa’i heko potĩva ramo peikuave’ẽ hag̃ua kuave’ẽmby pytu porã reheguáva Ñanderuetépe g̃uarã ita’ýra Hesu Crísto rupi.