2 Samuel 7:12

Ñanderuete Ñe’ẽ Porã 2015

Ha nde ára paha og̃uahẽvo rekéta (remanóta) nde rukuéra ndive, ha Che amopu’ãta nde rire peteĩ ne ñemoñaréva, osẽtava nde retégui,

Referencias Cruzadas

Genesis 15:4

Upéi Ñanderuete he’i ichupe: Ne rembiguáipe ndopytamo’ãi ne mba’erepyeta reheve, nde ra’y uvei opytáta ne mba’erepy jararã ramo.

2 Samuel 22:51

Nde reme’ẽ haguére ne retã ruvichápe pu’aka tuicháva ha reiporiahuvereko umi reiporavova’ekuépe, David ha iñemoñarenguérape opaite árape.

1 Réyes 1:21

Upeicha’ỹ ramo katuete nde, che jára ha che retã ruvicha, rekévo nde rukuéra ndive, che ha che memby Salomon rojererekóne hekovaíva ramo.

1 Réyes 1:48

Ha tetã ruvicha he’i avei: Toñemomba’eguasu Israel Járape, omboguapýgui ko árape Salomónpe che guapyhápe, ha che ahecha ichupe che resatee rupi.

1 Réyes 2:1

Og̃uahẽvo David ára paha, he’i ita’ýra Salomónpe opaite mba’e ojapova’erãva.

1 Réyes 2:10

Ha David omano rire oñeñotỹ ichupe ituvakuéra távape.

1 Réyes 2:4

Ñanderuete omoañete hag̃ua iñe’ẽ he’iva’ekue chéve: Nde ra’ykuéra oguata ramo che rape rehe, ha ojapo ramo che rembiapoukapy, ipy’a ha hi’angaite guive, katuete ne ñemoñarenguéra opytava’erã Israel retã guapyhápe.

1 Réyes 5:5

Che ha’éma amopu’ãseha peteĩ ogaguasu ore Ruete rérape g̃uarã, Ha’e oñe’ẽ haguéicha che ru Davídpe, he’ívo: Nde ra’y, Che amoĩta nde guapyhápe, omopu’ãta peteĩ óga che rérape g̃uarã.

1 Réyes 8:15

Ha Salomón he’i: Toñemomba’eguasu Israel Járape, ojapopágui iñe’ẽ he’imava’ekue che ru Davídpe, he’ívo:

1 Réyes 8:19

Neremopu’ãmo’ãi katu che rogarã, nde ra’y uvei omopu’ãta che rogarã, oñemomba’eguasu hag̃ua che réra.

1 Réyes 8:20

Ha Ñanderuete ojapopa iñe’ẽ he’iva’ekue: Che apytáma che ru David rendaguépe, ha aguapy Israel guapyhaguasúpe Ñanderuete he’i haguéicha, ha amopu’ã hogarã, Israel Jára rérape g̃uarã.

1 Réyes 9:5

upéicharamo nde ha ne ñemoñarenguéra pepytáta opaite árape Israel retã guapyhaguasúpe, añe’ẽ haguéicha nde ru Davídpe, ha’évo: Tapiaite oĩva’erã kuimba’e ne ñemoñaréva apytégui oguapýva Israel retã guapyhápe.

2 Réyes 8:19

Upeichavéramo jepe Ñanderuete nohundiséi Judápe, hembiguái David rayhupápe, he’iva’ekuégui ome’ẽtaha ichupe opaite árape tesapeha rendy ichupe ha ita’yrakuérape.

1 Crónicas 17:11

Ha nde ára og̃uahẽvo reho hag̃ua nde rukuéra ndive, amopu’ãta nde rire nde ra’ykuéra apytégui peteĩme amoĩ hag̃ua ichupe mburuvichaguasu ramo.

2 Crónicas 1:9

Toikókena ko’ág̃a, ore Ruete, ore Jára, pe ñe’ẽ reme’ẽva’ekue che ru Davídpe; Nde chemoĩgui tetã ruvicha ramo peteĩ tetã ndetuicháva ári ku yvytimbóicha.

2 Crónicas 13:5

Ndapeikuaái piko Ñanderuete, Israel Jára, ome’ẽ hague Israel retã Davídpe opaite árape, ichupe ha ita’yrakuérape, ñe’ẽme’ẽmby juky rehegua rupi, ndikatúiva oñembotove, (Levítico 2,13).

2 Crónicas 21:7

Ñanderuete nohundiséi David róga, Ha’e ome’ẽgui Davídpe iñe’ẽ ha he’ígui ichupe ome’ẽtaha ita’yrarépe tetã ruvicha reko opaite árape g̃uarã.

2 Crónicas 23:3

Ha mayma ijatýva guive oike jekupytýpe tetã ruvicha ndive Ñanderuete rogaguasúpe. Ha Joiada he’i ichupekuéra: Péina ápe tetã ruvicha ra’y, ha’e oisãmbyhýta Ñanderuete he’i haguéicha David ra’ykuéra rehe.

2 Crónicas 6:15

Rejapopa ereva’ekue ne rembiguái, che ru Davídpe; opaite mba’e Nde eréva nde juru rupi, nde po ojapo avei, ojehecha háicha ko ára kóvape.

2 Crónicas 6:9

Nde katu neremopu’ãmo’ãi pe óga, nde ra’y, osẽtava ndehegui uvei, ha’e omopu’ãta peteĩ óga che rérape.

Salmokuéra 89:29

Iñemoñare oikóta opaite árape, ha iguapyhaguasu opytáta umi yvága oĩ aja pukukue.

Isaías 11:10

Ojehuva’erã upe ára upévape umi tetã ohekava’erã Isai rapo oñembo’y ramo ipoyvivevévaicha tetãnguérape g̃uarã, ha pe tenda Ha’e oikohápe ojajaipáta.

Isaías 9:7

Hetã pu’aka ituichaiterei ha ipy’aguapy ndaijapyramo’ãi, Ha’e oguapýta David guapyhaguasu ári ha Ha’e oisãmbyhýta hetãme, oguenohẽvo oimeraẽvape tape porãme ha ombojovakéta hekoitépe, upe ára upéva guive opaite ára peve g̃uarã, yvága atykuéra Jára, ojapopáta ko’ã mba’e.

Jeremías 33:17

Péicha he’i pende Ruete: Katuete oĩ jevýta David ñemoñare oguapýtava opaite árape Israel róga mburuvicha guapyhaguasúpe.

Daniel 12:2

Ha heta umi omanómava yvy guýpe oñemombáyta, peteĩ atýra tekovépe g̃uarã ha ambue atýra ñemotĩ ha py’a tarova tapia g̃uarã.

Matéo 1:1

Hesu Crísto ningo David ha Abraham ñemoñare.

Lúcas 1:32

Ha’e mba’eguasu, ha oñehenóita Yvatevéva Ra’y, ha Ñanderuete, pe Jaraitéva ome’ẽta ichupe itúva David guapyhaguasu,

Lúcas 24:27

Ha upéi oñepyrũ omyesakã porã hag̃ua ichupekuéra Moises guive opaite profetakuéra peve, ohechauka porãvo opaite mba’e ojehaiva’ekue Crísto rehe Ñanderuete kuatiañe’ẽme.

Apostolkuéra 13:36

Añetehápe David ojapo Ñanderuete rembipota, omanóvo katu hetekue oñeno ijypykuéra ndive ha oñembyai avei.

Apostolkuéra 2:30

Ha’e ningo peteĩ profetakue, ha Ñanderuete ome’ẽ ichupe iñe’ẽ, peteĩ iñemoñare oguapyva’erãha iguapyhaguasúpe.

1 Corintoyguakuérape 15:51

Peikuaa porãke peteĩ mba’e ñemi Hesu Crísto oikuaaukámava chéve: Nañamanombamo’ãi ningo, ñañemoambuepava’erã katu,

Deuteronómio 31:16

Ha Ñanderuete he’i Moiséspe: Péina ápe, nde rekétama (remanótama) nde rukuéra ndive, ha ko tetã kóva oñemoĩ jevýta cherehe omomba’eguasu hag̃ua ambue jarakuérape pe tetã oikepotávape, upérõ opoíta chehegui ha opyrũta che ñe’ẽ ame’ẽmava’ekue rehe ichupekuéra.

1 Tesalonicayguakuérape 4:14

Ñande jarovia ramo Hesu Crísto omano hague ha oikove jevyha, péicha jaroviava’erã avei Ñanderuete oguerutaha umi omanova’ekue Hesu Crísto ndive upe ára Ha’e ou jevýrõ g̃uarã.