2 Samuel 7:10

Ñanderuete Ñe’ẽ Porã 2015

Ha Che amoĩta avei che retã Israélpe hendag̃uáme oiko hag̃ua imba’eteépe, araka’eve ndojererovamo’ãvéima, anivéma hag̃ua tekove ñaña oguereko asy ichupe, iñepyrũrõ guaréicha ha

Referencias Cruzadas

2 Réyes 21:8

Ha ndahejamo’ãi Israélpe oñemosẽ ko yvy kóvagui, Che ame’ẽmava’ekue ituvakuérape, ha’ekuéra oñangareko guive che ñe’ẽ rehe ha ojapo ramo umi mba’e Che ha’eva’ekue guive ichupekuéra, ha opaite tembiapoukapy che rembiguái Moisés he’iva’ekue ichupekuéra ojapo hag̃ua.

1 Crónicas 17:9

Amoĩma che retã Israel hendag̃uáme, ha añotỹma upépe opyta hag̃ua ha anive hag̃ua oñemongu’e upégui; ha tekove ñaña ñemoñare ndikatumo’ãvéi ojopy vaiete ichupekuéra ymaguaréicha.

2 Crónicas 33:8

ha araka’eve ndaipe’aveiva’erã Israélgui ko yvy Che ame’ẽva’ekuégui pende rukuérape, pejapo guive opaite ñe’ẽ ha tembiapoukapy Che ha’eva’ekue Moises juru rupi peẽme.

Salmokuéra 44:2

Nde po rupi remosẽmbava’ekue ambue tetãnguérape, ha hendaguépe remoĩ ore rukuérape; rehundi umi tetãyguápe, ha ore rukuéra oiko hendaguépe.

Salmokuéra 44:4

Che Ruete, Nde ningo che retã ruvicha, embou jevýna ne ñepytyvõ Jacóbope g̃uarã.

Salmokuéra 80:8

Egíptogui regueruva’ekue peteĩ parral ra’y, upéi remosẽ umi tetã oiko hágui ha hendaguépe reñotỹ pe parral máta (Israel) regueruva’ekue.

Salmokuéra 80:9

Remopotĩ porã raẽ hendag̃ua, ha oñembohapo porã rire ha’e omyenyhẽ ijyvy.

Éxodo 1:22

Upémaramo faraon he’i hetãyguakuérape: Peity Nílo ysyrýpe mayma Israel mitãkuimba’e onacéva guivépe, mitãkuña katu peheja toikove.

Éxodo 15:17

Nde remoinge ha remohendáta ichupekuéra pe cérrope Nde reikohápe; Nde, che Ruete, embosako’i pe yvyty porãite nde po ojapova’ekue.

Isaías 5:2

Oipe’apa umi ita ojo’o porã hag̃ua pe yvy ha upéi oñotỹ parral rakãnguéra ojeporavopyréva; ha iparralty mbytépe omopu’ãva’ekue peteĩ óga yvate ha ojapo avei peteĩ parralty oñami hag̃ua; ha oha’ãrõ hi’a porã, hi’a katu parral hái.

Isaías 5:7

Añetehápe Israel retã, yvága atykuéra Jára parralty voi, ha kuimba’ekuéra Juda pegua iñemitỹ ojeporavopyréva; Ñanderuete oha’ãrõ teko porã ha péina ápe heñói ñaña reko; oha’ãrõ py’aguapy ha péina oñehendu ipype ipyahẽ asy.

Isaías 60:18

Araka’eve noñehenduveimava’erã ne retã ryepýpe ñorãirõ ryapu, ñehundi ni jepy’apy asy, rembohérata uvei nde korapyjere yvate salvacion, ha ne rokẽnguéra herakuã porãta.

Isaías 60:21

Ha opaite ne retãygua reko ipotĩta, ha opaite árape oikóta ijyvyteépe; Che voi añotỹ che kokuépe Israel yvýpe hoky porã hag̃ua ha che po rembiapo chemomba’eguasu hag̃ua.

Jeremías 18:9

Ha sapy’ánte ha’e peteĩ tetãme, amopu’ã ha amoheñoitaha,

Jeremías 24:6

Añangareko porãta hesekuéra ha agueru jevýta ichupekuéra ko yvy kóvape, ha amopu’ã jevýta ichupekuéra, ha nahundimo’ãi ichupekuéra; ha amohenda porãta ha namosẽmo’ãvéima ichupekuéra.

Ezequiel 28:24

Ha ndereikomo’ãvéima ñuatĩ ramo Israélpe g̃uarã ni ambue tetãnguérape g̃uarã oikóva Israel jerekuévo. Ndereikomo’ãvéima mba’e akua oikutúva Israélpe, uperire aémante reikuaáta Che ha’eha Yvága Atykuéra Jarateéva.

Oséas 2:18

Upe ára upévape Israel rehehápe añembopy’apeteĩta mymba ñu megua ndive, guyra ovevéva ha mboikuéra ndive, otyryrýva yvýre, ha amopẽta ha aipe’áta ijyvýgui guyrapa, kyse pukuete ha ambue ñorãirõ rembiporukuéra, ha’ekuéra oiko hag̃ua py’aguapýpe hetãteépe.

Amos 9:15

Amoĩta ichupekuéra ijyvyteépe ha araka’evéma ndaipe’aveimava’erã ijyvýgui, Che ame’ẽva’ekue ichupekuéra, he’i Jahve, pende Ruete.

Apocalípsis 21:4

Ñanderuete voi omokãta tetãyguakuéra resay. Ha pe ñemano ndaiporimo’ãvéi, pe jejahe’o soro omanóva rehe ha mba’asykuéra opava’erã; umi mba’e tenondeguare ndaiporivéima, (ohasapáguima).

Juéces 4:3

Ha umi Israel ñemoñare omba’ejerure asy Ñanderuetépe, Sísara oguereko 900 cárro hierroguiguáva ha ojopy asýgui Israel ñemoñarenguérape 20 áño pukukue.

1 Samuel 13:17

Ha umi Filisteaygua atyguasúgui osẽ mbohapy aty omonda hag̃uáicha; peteĩ aty oho Ofra rape rehe, Saul oikoha gotýo;