2 Samuel 6:8

Ñanderuete Ñe’ẽ Porã 2015

Ha David oñembyasyete Ñanderuete ojuka haguére Uzápe, ha ombohéra pe yvy pehẽngue Perez-Uza (he’ise ñenupã), ko ára peve.

Referencias Cruzadas

2 Samuel 6:7

Ha Ñanderuete pochy hendy Uza rehe, ha upepete ombohasyete ichupe, ha ho’ávo, omano Ñanderuete karameg̃ua ykére, opoko haguére pe karameg̃ua rehe, (pa’ikuérante ikatúva opoko).

2 Samuel 6:9

Ha David okyhyje Ñanderuetégui pe árape ha he’i: Mba’éichapa amog̃uahẽne Ñanderuete karameg̃ua Jerusalénpe.

1 Crónicas 15:13

Pe ambue jevy jaguerova ramoguare nosẽ porãi, peẽ napeiméigui ore apytépe, peguerova hag̃ua Ñanderuete karameg̃ua Ha’e he’iuka haguéicha, ha upévare Ha’e orenupãva’ekue avei.

Jonas 4:1

Jonas katu ipy’aro asyeterei ha ipochy.

Jonas 4:9

Upévo Ñanderuete he’i Jonáspe: Iporã piko, ndepochy ipiru haguére ko mba’ysyvo kóva. Iporãite, he’i Jonas, chepochy amano hag̃uáicha.