2 Samuel 6:21

Ñanderuete Ñe’ẽ Porã 2015

Upéramo David he’i Micálpe: Ñanderuete renondépe ajapo, cheporavova’ekue chererohoryvégui nde rúgui ha mayma nde rogayguágui, chemoingo hag̃ua mburuvichaguasu ramo Ñanderuete retã, Israel ári, upéicharupi ajeroky Ñanderuete renondépe.

Referencias Cruzadas

2 Samuel 5:2

Kueheve árama voi, Saul oresãmbyhývo gueteri, nde voi regueraha Israel retãyguakuéra ñorãirõme ha regueru jevy. Ko’yteve katu Ñanderuete he’íkuri ndéve: Nde reñangarekova’erã che retã Israel rehe, ha ndetaha Israel retã ruvicha.

2 Samuel 6:14

ha David ojeroky imbaretekue ome’ẽ háicha Ñanderuete renondépe; ha oñemonde ao jeguaka (efod) pa’i omondévape ojejapopyréva líno inimbógui.

2 Samuel 6:16

Ha Ñanderuete karameg̃ua og̃uahẽvo David távape, péina Mical, Saul rajy, oma’ẽ peteĩ hovetã guive, ha ohecha tetã ruvicha Davídpe opopo ha ojerokyhína Ñanderuete karameg̃ua renondépe; ha Mical omboyke ichupe ipy’apýpe.

2 Samuel 6:22

Ha ko’yteve añemomirĩvéta ko ára kóvagui, ha nde resápe che ndaha’éi ramojepe mba’eve; umi tembiguái kuñáva renondépe umi nde reñe’ẽvaiha rehe, chembotuicha ningo hikuái.

2 Samuel 6:5

Ha David ha opaite Israelguakuéra rogaygua ojeroky joa Ñanderuete renondépe opaichagua mba’epu reheve: Árpa, mbaraka, mba’e pararã, mimby ha platillokuéra reheve.

2 Samuel 7:8

Ko’ág̃a, ere che rembiguái Davídpe: Péicha he’i pende Ruete: Che rojapyhýma ovecha atýgui, reiko hag̃ua Israel retã ruvicha ramo.

1 Crónicas 15:29

Upéicha Ñanderuete karameg̃ua og̃uahẽ David távape, ha Mical, Saul rajy, oma’ẽ jave peteĩ hovetã guive, ohechávo tetã ruvicha Davídpe opopo ha ojerokývo, ojapo’iete ichupe ipy’apýpe.

Apostolkuéra 13:22

Ha oñemboyke rire Saúlpe Israel guapyhaguasúgui, Ñanderuete omopu’ã Davídpe, hetã ruvicha ramo, ha Ha’e he’i hese: Che ajohu David, Isai ra’ýpe, peteĩ kuimba’e oñembopy’apeteĩva chendive, ha’e ojapopáta che rembipota.

1 Corintoyguakuérape 10:31

Pekaru ramo térã pey’u ramo, térã pejapo ramo ambue mba’e, pejapopa pemomba’eguasu hag̃ua Ñanderuetépe.

1 Samuel 13:14

Ko’ág̃a nande’aremo’ãi tetã ruvicha ramo, Ñanderuete ohekáma ambue kuimba’e oñembopy’apetẽiva hendive ha upéva Ñanderuete oiporavóma avei Israel retã ruvicharã ramo nde remboykégui Ñanderuete ñe’ẽ, Ha’e he’imava’ekue ndéve.

1 Samuel 15:28

Upévo Samuel he’i ichupe: Ko ára kóvape Ñanderuete omondoro ndehegui Israel retã ruvicha reko, ha ome’ẽ peteĩ nde rapichápe heko porãvéva ndehegui.

1 Samuel 16:1

Ñanderuete he’i Samuélpe: Araka’e pevépa rejahe’óta Saul rehe. Che voi amboykékuri ichupe anive hag̃ua oiko Israel ruvicha ramo. Emyenyhẽ peteĩ tymba ratĩngue acéitegui, ha tereho, Che romondóta Isai rendápe oikóva Belénpe, ita’yrakuéra apytégui aiporavóma Israel retã ruvicharã.

1 Samuel 16:12

Omondo ipiarigua, ha ogueru ichupe; ha ipire pytãũ (moréno), ha hesa porã ha hete iporã avei. Upévo Ñanderuete he’i: Epu’ã, emona hese acéite, pévape Che aiporavóma.