2 Samuel 6:2

Ñanderuete Ñe’ẽ Porã 2015

Ha David opu’ã oho hag̃ua Baala, Juda peguápe, opaite hetãyguakuéra ndive ogueru hag̃ua upégui Ñanderuete karameg̃ua, oñehenoiháme yvága atykuéra Jára rérape, pe oikóva querubinkuéra pa’ũme.

Referencias Cruzadas

2 Samuel 22:11

Ha’e ojupi peteĩ querubin (ángel) ári, ha oveve; ojehecha ichupe yvytu pepo ári.

Salmokuéra 80:1

Nde voi ningo Israel rerekua, upévare ehendumína ha eñangarekomína ku ovecha rerekuáicha Israel rehe, ha Nde reguapýva querubinkuéra (angelkuéra) ári ehechaukamína nde reko jajaipa.

Salmokuéra 99:1

Ñanderuete ningo pe mburuvichaguasuetéva ha upévare tetãnguéra oryryipáta. Iguapyha oĩ umi querubin (ángel ruvicha) ári, pe yvy ovavapáta.

Isaías 47:4

Yvága atykuéra Jára, Israel Jára, ojapopáta ko’ã mba’e ko’ãva nderehe.

Isaías 54:5

Nde apohare ningo ne ména, nde Ruete, oñembohérava yvága atykuéra Jára; ha Israel Jára Heko porãva ndejogua voi; oñehenoiva’erã ichupe ko yvy tuichakue Jaraiteha.

Josué 15:60

Quiriat-baal (péva hína Quiriat-Jearim) ha Raba; mokõi táva, itava’ikuéra reheve.

1 Pédro 1:12

Hesu Crísto Pytu Porãite ohechaukava’ekue ichupekuéra ko mba’e kóva, ha’ekuéra oikuaaséva; ko mba’e katu ndaha’éi ichupekuéra g̃uarã, peẽme g̃uarãnte uvei ha’ekuéra omombe’ukáva. Ha ko’ág̃a oñemombe’úma avei peẽme Ñanderuete salvacion ha umi omyasãiva’ekue ko ñe’ẽ kóva pende apytépe ojapo hikuái Pytu Porãmbáva pu’aka rupi. Ko’ã mba’e yvága rembiguaikuéra (angelkuéra) jepe oikuaa porãse avei.

1 Samuel 4:4

Ha omondo hikuái tetãyguakuéra ijapytégui, ogueru hag̃ua pe karameg̃ua, oĩva yvága atykuéra Jára querubinkuéra (angelkuéra) ra’ãnga mbytépe ha mokõive Eli ra’y, Ofni ha Finees, omoirũ pe karameg̃ua.

1 Samuel 6:21

Ha omondo ñe’ẽ rerahahára Quiriat-jearimguakuérape, he’iukávo: Filisteayguakuéra ogueruka jevy Ñanderuete karameg̃ua: Peju ha pegueraha.

1 Samuel 7:1

Umi Quiriat-jearimgua ou ha ogueraha Ñanderuete karameg̃ua ha omohenda Abinadab rógape, oĩva peteĩ cérrope; ha oiporavo hikuái Eleazar ra’ýpe oñangareko hag̃ua pe karameg̃ua rehe.