2 Samuel 6:16

Ñanderuete Ñe’ẽ Porã 2015

Ha Ñanderuete karameg̃ua og̃uahẽvo David távape, péina Mical, Saul rajy, oma’ẽ peteĩ hovetã guive, ha ohecha tetã ruvicha Davídpe opopo ha ojerokyhína Ñanderuete karameg̃ua renondépe; ha Mical omboyke ichupe ipy’apýpe.

Referencias Cruzadas

2 Samuel 3:14

Ko’ã mba’e rire David omondo ñe’ẽ rerahahára Isboset, Saul ra’y rendápe, ha he’iuka ichupe: Eme’ẽ jevy chéve che rembireko Mical, amendava’ekue hese 100 Filisteaygua pire’i rehe.

2 Samuel 5:7

David katu omoĩ Sion ipoguýpe ha péva rire oñembohéra David táva.

2 Samuel 6:15

Ha péicha David ha opaite Israelguakuéra ogueraha Ñanderuete karameg̃ua vy’apópe ha turu púpe.

2 Samuel 6:20

Upéi ojevy avei David omomaitei hag̃ua hogayguakuérape; ha Mical osẽ ojejohu hag̃ua hendive, ha he’i: Mba’eichaitépa opyta porã ko árape Israel retã ruvicha oñemboi rire umi hembiguái kuñakuéra rovake, ojapo háicha umi kuimba’e otĩ’ỹva.

1 Crónicas 15:29

Upéicha Ñanderuete karameg̃ua og̃uahẽ David távape, ha Mical, Saul rajy, oma’ẽ jave peteĩ hovetã guive, ohechávo tetã ruvicha Davídpe opopo ha ojerokývo, ojapo’iete ichupe ipy’apýpe.

Salmokuéra 123:3

Oreporiahuverekomína, Nde, ore Ruete, oreporiahuverekomína, oreryg̃uatãmbáma ñemotĩguasúgui.

Salmokuéra 69:7

Nderehe chemboyke hikuái ha ñemotĩ oñu’ã che rova.

Isaías 53:3

Hetãygua otĩ ichugui ha oñemomombyry ichugui. Ha’e ningo peteĩ kuimba’e ohasa asyetéva ha oikóva jepy’apýpe; hetãyguakuéra oñomi hova ichugui, upévare avave noma’ẽséi hese ha ñande ñañemboyke avei ichugui.

Apostolkuéra 2:13

ambuekuéra katu oñembohoryhápe he’i: Oka’upa joa ningo hikuái víno he’ẽme.

1 Corintoyguakuérape 2:14

Kuimba’e ha kuñakuéra ojepy’apýnte ko yvy arigua mba’e rehe, noñemomba’eséi Ñanderuete Pytu Porãite rehegua mba’e rehe, ichupe g̃uarã ningo ko’ã mba’e Pytu Porã reheguáva výro rei.

1 Samuel 18:17

Upémaramo Saul he’i Davídpe: Péina ápe che ame’ẽta ndéve Merab, che rajy tuichavéva ne rembirekorã, aipotánte reiko chéve soldádo ipy’aguasúva ramo, ha eñorãirõ Ñanderuete rehehápe, Saul katu he’i ipy’apýpe: Che po rupi ndojehumo’ãi mba’eve ichupe, Filisteayguakuéra po rupi katuete ha’e omanóta.

1 Samuel 18:20

Mical, ambue Saul rajy katu ohayhu Davídpe; ha oje’e Saúlpe, ha péva ho’a porã hesa renondépe.