2 Samuel 6:13

Ñanderuete Ñe’ẽ Porã 2015

Ha Ñanderuete karameg̃ua ojeguerahamimi rire, 6 páso, David oikuave’ẽ peteĩ tóro ha peteĩ tóro ra’yrusu oñemongyrapyréva,

Referencias Cruzadas

1 Réyes 8:5

Ha tetã ruvicha Salomón ha Israelguakuéra oñembyaty hendive oikuave’ẽ hag̃ua Ñanderuete karameg̃ua renondépe hetaiterei ovecha ha torokuéra ojepapakuaa’ỹva.

1 Crónicas 15:15

Ha Levi ñemoñarenguéra ogueru hikuái Ñanderuete karameg̃ua, ha omoinge hi’yvakuéra umi karameg̃ua argollakuéra rehe oguerova hag̃ua ijati’ykuéra ári, Ñanderuete he’iuka haguéicha Moises juru rupi ichupekuéra.

1 Crónicas 15:2

Upéramo David he’i: Ñanderuete karameg̃ua ojegueruva’erãva Leviguakuéra rupínte; Ha’e oiporavógui ichupekuérante oguerova hag̃ua pe karameg̃ua, ha’ekuéra oiko hag̃ua hembiguái ramo opaite árape.

2 Crónicas 5:6

Ha tetã ruvicha Salomon, ha opaite Israelgua oñembyatyva’ekue hendive pe karameg̃ua renondépe, oikuave’ẽ hag̃ua hetaiterei ovecha ha tóro ndaikatuvéima ojepapa.

Números 4:15

Ha Aaron ha ita’yrakuéra oñu’ãmba rire pe óga jojohuha ha hembiporukuéra ojeguerova hag̃ua, ouva’erã Coat ra’ykuéra ogueraha hag̃ua, ndopokoiva’erã mba’evete rehe, oñemboykémava guive pende Ruetépe g̃uarã, ani hag̃ua omano hikuái. Ko’ãva hína Coat ñemoñarenguéra rembiaporãnguéra, pe óga jojohuhápe.

Números 7:9

Coat ñemoñarenguérape nome’ẽi mba’eve, ha’ekuéra oguerahagui ijati’y ári umi tembiporu oñemboykemava’ekue pende Ruetépe g̃uarã.

Matéo 22:4

Ha omondo jevy ambue hembiguáipe, he’ívo: Ma’ẽ, ambosako’ipáma karuguasurã che rymba tóro ha che rymbakuéra ikyráva ojejukapáma, oñekotevẽva guive oĩmbaitéma, peju katu pe mendahápe.

Josué 3:3

ha he’i hikuái hetãyguakuérape: Pehecha vove umi Levigua ogueraha Ñanderuete, Ñandejára karameg̃ua ñembopy’apeteĩ reheguáva, peẽ pesẽta avei peime hágui ha pehóta hapykuéri,