2 Samuel 6:12

Ñanderuete Ñe’ẽ Porã 2015

Oñemombe’u tetã ruvicha Davídpe, oje’évo ichupe: Ñanderuete tuicha ohovasa Obed-edom rogayguakuérape ha opaite oguerekóva guive, Ñanderuete karameg̃ua rupi. Upémaramo David oho, ha ogueru vy’apópe Ñanderuete karameg̃ua Obed-edom rógagui David távape.

Referencias Cruzadas

2 Samuel 5:7

David katu omoĩ Sion ipoguýpe ha péva rire oñembohéra David táva.

1 Réyes 8:1

Upéramo Salomón ombyatyuka opaite Jerusalen ha Israelgua karai ancianokuérape, opaite Israel tríbu ruvichakuérape ha opaite Israel rogaguasu ruvichakuérape, oguerova hag̃ua Ñanderuete karameg̃ua David távagui, péva Sion, Ñanderuete rogaguasúpe.

1 Réyes 8:3

Ha oupa Israel ancianokuéra. Pa’ikuéra katu ojapyhy Ñanderuete karameg̃ua,

1 Réyes 8:4

ogueraha hag̃ua Ñanderuete rógape, pa’ikuéra ha Leviguakuéra ogueraha pe óga jojohuha imba’ekuéra reheve.

1 Crónicas 15:15

Ha Levi ñemoñarenguéra ogueru hikuái Ñanderuete karameg̃ua, ha omoinge hi’yvakuéra umi karameg̃ua argollakuéra rehe oguerova hag̃ua ijati’ykuéra ári, Ñanderuete he’iuka haguéicha Moises juru rupi ichupekuéra.

1 Crónicas 15:25

David, karai ancianokuéra ha umi mburuvicha mil arigua ndive, oho ogueru vy’apópe Ñanderuete karameg̃ua Obed-edom rógagui.

1 Crónicas 16:16

Ha’e oñembopy’apeteĩ Abraham ndive, ha ome’ẽ iñe’ẽ Isaácpe;

1 Crónicas 26:4

Obed-edom ra’ykuéragui: Semaías, pe ijypykue; Jozabad, pe mokõiha; Joah, pe mbohapyha; Sacar, pe irundyha; Natanael, pe 5-ha;

1 Crónicas 26:5

Amiel, pe 6-ha; Isacar, pe 7-ha; Peultai, pe 8-ha, Ñanderuete ohovaságui Obed-edómpe.

2 Crónicas 5:2

Upéramo Salomon ombyatyuka Jerusalénpe: Israel karai ancianokuérape, opaite tríbu ruvichakuérape ha Israel rogaguasu ruvichakuérape, oguerova hag̃ua Ñanderuete karameg̃ua David távagui, upéva hína Sion.

Matéo 10:42

Ha upe omboy’úva ko’ã michĩmívape peteĩ váso y ro’ysã jepe, che remimbo’e háre, añetehápe Che ha’e peẽme, ndopytaichéne ojehepyme’ẽ’ỹre ichupe.