2 Samuel 5:7

Ñanderuete Ñe’ẽ Porã 2015

David katu omoĩ Sion ipoguýpe ha péva rire oñembohéra David táva.

Referencias Cruzadas

2 Samuel 5:8

Ha David he’i pe árape: Mávapa ojupise yrape itakuaguasu rehegua rupi ojuka hag̃ua Jebusgua ikarẽ ha hesatũvape, umíva ningo ndacherayhuiete voi. Pévagui oje’e: Hesatũ ha ikarẽva ndoikeiva’erã ógape.

2 Samuel 5:9

Ha David opyta oiko hag̃ua Siónpe (Jerusalénpe) ha omongora porãve gueteri pe táva, upévagui oñembohéra David táva ha omopu’ã pu’ãve ijerekue rupi Milo guive hyepy gotyove.

2 Samuel 6:10

Upéicharupi David ndoguerusevéi Ñanderuete karameg̃ua itávape ha oguerahauka Obed-edom rógape, ha’e ningo peteĩ Gatgua.

2 Samuel 6:12

Oñemombe’u tetã ruvicha Davídpe, oje’évo ichupe: Ñanderuete tuicha ohovasa Obed-edom rogayguakuérape ha opaite oguerekóva guive, Ñanderuete karameg̃ua rupi. Upémaramo David oho, ha ogueru vy’apópe Ñanderuete karameg̃ua Obed-edom rógagui David távape.

2 Samuel 6:16

Ha Ñanderuete karameg̃ua og̃uahẽvo David távape, péina Mical, Saul rajy, oma’ẽ peteĩ hovetã guive, ha ohecha tetã ruvicha Davídpe opopo ha ojerokyhína Ñanderuete karameg̃ua renondépe; ha Mical omboyke ichupe ipy’apýpe.

1 Réyes 2:10

Ha David omano rire oñeñotỹ ichupe ituvakuéra távape.

1 Réyes 3:1

Salomon oñemopehẽnguéma faraon, Egiptoygua ruvicha rehe, ha ogueru faraon rajy David távape, omopu’ãmba aja hogarã, Ñanderuete róga ha táva tápia yvate Jerusalén jere rehe.

1 Réyes 8:1

Upéramo Salomón ombyatyuka opaite Jerusalen ha Israelgua karai ancianokuérape, opaite Israel tríbu ruvichakuérape ha opaite Israel rogaguasu ruvichakuérape, oguerova hag̃ua Ñanderuete karameg̃ua David távagui, péva Sion, Ñanderuete rogaguasúpe.

1 Réyes 9:24

Ha faraón rajy ojupi David távagui hogateépe, Salomón omopu’ãva’ekue ichupe g̃uarã, ha uperire Salomón omopu’ã Milo.

1 Crónicas 11:7

Ha David opyta pe táva oñemongorapyrévape ha upévagui oñembohéra David táva.

2 Crónicas 24:16

Ha oñotỹ ichupe hikuái David távape, tetã ruvichakuéra apytépe, ojapógui mba’e iporãva Israel rehe, Ñanderuete rehe ha hogaguasu rehe.

2 Crónicas 5:2

Upéramo Salomon ombyatyuka Jerusalénpe: Israel karai ancianokuérape, opaite tríbu ruvichakuérape ha Israel rogaguasu ruvichakuérape, oguerova hag̃ua Ñanderuete karameg̃ua David távagui, upéva hína Sion.

Nehemías 3:15

Salum, Colhoze ra’y, Mizpa jerekue sãmbyhyhára, omyatyrõ jevy pe yvu rokẽ iñembotyhakuéra reheve, ha avei pe Siloe ypa táva tápia tetã ruvicha ka’avoty gotýo, David táva jejupiha peve.

Salmokuéra 132:13

Ñanderuete oiporavógui Jerusalénpe, ha upépe Ha’e oikose.

Salmokuéra 2:6

Che voi katu amoĩma ichupe tetã ruvicha Jerusalen guapyhápe, che cérro aiporavova’ekuépe.

Salmokuéra 48:12

Peguata Jerusalen jerekue rehe, ha pejerepa hese, peipapa hóga yvate oñemombaretéva.

Salmokuéra 48:3

Upépe Ñanderuete ojehechaukáta imo’ãhára ramo.

Salmokuéra 51:18

Ndepy’a porãgui rejapo mba’eporã Jerusalen rehe, emopu’ã jevýna Jerusalen korapyjere yvate.

Salmokuéra 87:2

Ñanderuete ohayhuve Siónpe (Jerusalénpe) opaite ambue Jacóbo távagui.

Salmokuéra 9:11

Pepurahéi Ñanderuetépe, opaite peikóva guive Siónpe, ha pemombe’u tetãnguérape Ñanderuete rembiapo porãita.

Isaías 12:6

Evy’a ha epurahéi, nde Siónpe reikóva; mba’eguasuete Israel Jára Heko porãva ojapóta pende apytépe.

Isaías 59:20

Ñanderuete katu oúta Siónpe osalva hag̃ua oimeraẽ oñembyasývape guive ojapo vai haguére, péicha he’i Israel Jára.

Jeremías 21:13

Ñanderuete he’i: Eikuaa porãke, Che apu’ãta nderehe, peẽ peikóva pe cerrokuéra pa’ũ rupi, ha peñembopy’aguapýva ko itaguasu ári pejévo: Máva piko ikatu ou oñemoĩ ñanderehe, ha mávapa oikéta ñande rogakuérape.

Miquéas 4:2

Hetaiterei tetãygua og̃uahẽta ha he’íta: Pejúke ha jajupi Yvága Jára cérrope, ha Jacóbo Jára rogaguasúpe, Ha’e ohechauka hag̃ua ñandéve ñane raperã, ha jaiko hag̃ua hape po’ípe, Sióngui ningo osẽta Ñanderuete rekombo’e ha Jerusaléngui osẽta Ñanderuete ñe’ẽ.

Romayguakuérape 9:33

Ñanderuete kuatiañe’ẽme he’i voi: Peikuaa porãke, Che amoĩma Siónpe peteĩ ita oñepysãngatahápe ha peteĩ ita guasu oporoitytahápe; ha upe ojeroviáva hese (Hesu Crísto rehe) noñehundimo’ãi, (Isaías 28,16; ha Isaías 8,14).

hebreoyguakuerape 12:22

Peẽ katu peñemboja uvei cérro Sion rehe, Ñanderuete oikovéva tavaguasu rehe, ha’eha pe Jerusalen yvága pegua ha peg̃uahẽ 10.000-kuéra yvága rembiguaikuéra rendápe,

Apocalípsis 14:1

Ha ama’ẽvo, péina ahecha pe Ovechara’y oñembo’ýva cérro Sion ári ha hendive oĩ 144.000 yvyarigua oguerekóva pe Ovechara’y ha Ñanderuete réra isyva rehe.