2 Samuel 5:2

Ñanderuete Ñe’ẽ Porã 2015

Kueheve árama voi, Saul oresãmbyhývo gueteri, nde voi regueraha Israel retãyguakuéra ñorãirõme ha regueru jevy. Ko’yteve katu Ñanderuete he’íkuri ndéve: Nde reñangarekova’erã che retã Israel rehe, ha ndetaha Israel retã ruvicha.

Referencias Cruzadas

Genesis 49:24

Jose guyrapa ojepyso tapiaite ha Jacóbo Jára oipytyvõ omombarete hag̃ua ipy’apykuéra, Israel Jára ijesperánza voi.

2 Samuel 6:21

Upéramo David he’i Micálpe: Ñanderuete renondépe ajapo, cheporavova’ekue chererohoryvégui nde rúgui ha mayma nde rogayguágui, chemoingo hag̃ua mburuvichaguasu ramo Ñanderuete retã, Israel ári, upéicharupi ajeroky Ñanderuete renondépe.

2 Samuel 7:7

Ha aiko aja pukukue Israel ñemoñarenguéra ndive, Che piko ha’e ichupekuéra ha che retãygua oisãmbyhývape: Mba’érepa neremopu’ãi chéve óga cédro yvyraguiguáva.

2 Samuel 7:8

Ko’ág̃a, ere che rembiguái Davídpe: Péicha he’i pende Ruete: Che rojapyhýma ovecha atýgui, reiko hag̃ua Israel retã ruvicha ramo.

2 Réyes 20:5

Ejevy, ha ere Ezequíaspe, che retã ruvichápe: Péicha he’i pende Ruete, David, nde ru Jára: Che ahendúkuri ne ñembo’e, ha ahecha nde resay, péina ápe Che romongueráta; mbohapy arahápe rejupíta che rogaguasúpe.

1 Crónicas 11:2

Ha Saul oisãmbyhy ramo gueteri, nde voi regueraha Israelguakuérape ñorãirõme, ha regueru jevy. Ha Ñanderuete, nde Jára, he’imava’ekue ndéve: Nde reñangarekova’erã che retã Israel rehe, ha ndéta che retã Israel ruvicharã.

2 Crónicas 1:10

Eme’ẽ chéve ko’ág̃a arandu ha akãguapy aisãmbyhy porã hag̃ua ko tetã kóvape, nderehe’ỹ avave ndikatumo’ãi oisãmbyhy porã ko tetã kóvape.

Isaías 40:11

Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.

Isaías 55:4

Peikuaa porãke, Che ahenoi ha amoĩkuri ichupe techahare ramo, mburuvicha guasu ha mbo’ehára ramo tetãnguérape g̃uarã.

Ezequiel 34:23

Ha amoĩta hi’arikuéra peteĩ herekuarã; ha Ha’e oñangareko porãta hesekuéra; amopu’ãta che rembiguái Davídpe, ha ha’e oikóta iñangarekoha ramo.

Miquéas 5:4

Upéramo pe mburuvichaguasu og̃uahẽta ha oñangarekóta hetã rehe pende Ruete pu’aka reheve ha oisãmbyhýta hetãme oiko hag̃ua py’aguapýpe pende Ruete rérape ha Ha’e ombotuicháta ichupe ko yvy paha peve.

Números 27:17

Upe kuimba’e upéva tomyakã ichupekuéra opa rupiete ha tomoirũ ichupekuéra oho ha oukuévo, ne retã Israel ani hag̃ua oiko herekua’ỹre.

Matéo 2:6

Ha nde, Belen, Júda retã megua, nde ningo pe imichĩvéva umi táva Judaygua apytépe, ndehegui osẽta peteĩ mburuvichaguasu omboguata porãva’erã che retã Israélpe (Miquéas 5,2).

Juan 10:11

Che ningo pe ovecha rerekua añetéva. Pe terekua añeteguáva ome’ẽ hekoveteéva ijovecha rehehápe.

hebreoyguakuerape 2:10

Ñanderuetépe g̃uarã ojejapo opaite mba’e ha Ha’érupi opaite mba’e oikohína avei. Ñanderuete ogueru heta ta’ýra ha tajýra isalvacion rapépe Hesu Crísto ñemano rupi. Hesu Crísto ohasa asyetégui hekovépe heko oĩ porãmba hag̃ua.

1 Samuel 13:14

Ko’ág̃a nande’aremo’ãi tetã ruvicha ramo, Ñanderuete ohekáma ambue kuimba’e oñembopy’apetẽiva hendive ha upéva Ñanderuete oiporavóma avei Israel retã ruvicharã ramo nde remboykégui Ñanderuete ñe’ẽ, Ha’e he’imava’ekue ndéve.

1 Samuel 16:1

Ñanderuete he’i Samuélpe: Araka’e pevépa rejahe’óta Saul rehe. Che voi amboykékuri ichupe anive hag̃ua oiko Israel ruvicha ramo. Emyenyhẽ peteĩ tymba ratĩngue acéitegui, ha tereho, Che romondóta Isai rendápe oikóva Belénpe, ita’yrakuéra apytégui aiporavóma Israel retã ruvicharã.

1 Samuel 18:13

Upévare Saul omomombyry David hógagui, ha omoĩ ichupe 1.000 soldádo ruvicha ramo; oñorãirõ hag̃ua ambue tetãyguakuéra ndive.

1 Samuel 18:16

Ha mayma Israel ha Judaygua ohayhuve ohóvo Davídpe ha’e voi omotenondégui isoldadokuéra osẽnguévo ha oikekuévo.

1 Samuel 18:5

Ha opaite tembiapo Saul he’íva guive Davídpe, ha’e ojapo porãite, ha ha’e oiko avei akãguapypópe. Upévare Saul omoĩ ichupe peteĩ isoldádo aty ruvicha ramo, ha mayma tetãygua resápe David ho’a porã, ha Saul rembiguaikuéra resápe avei.

1 Samuel 25:28

Ha che ajerure asy ndéve eperdonami ne rembiguáipe oñe’ẽ vaiete haguére, Ñanderuete voi omoingóta opaite árape che jára róga, reñorãirõgui Ñanderuete ñorãirõ, ha reikove aja ndojejohúi ndepype tembiapo vai.

1 Samuel 25:30

Ha og̃uahẽ vove pe ára Ñanderuete he’iva’ekue nderehe, Ha’e voi nemboguapýta Israel ruvicha guapyhápe.

1 Samuel 9:16

Ko’ẽramo ko horaitépe amboúta ne rendápe peteĩ kuimba’e Benjamingua ha nde remonáta (reiporavóta) ichupe Israel retã ruvicha ramo, ha he’ive avei: Saul oipe’áta che retãme Filisteayguakuéra poguýgui. Che ahecháma che retãme ha imba’e jerure asy og̃uahẽma che rendápe.