2 Samuel 5:12

Ñanderuete Ñe’ẽ Porã 2015

Ha David ohechakuaa Ñanderuete omoĩ hatãmaha ichupe Israel retã ruvicha guapyhápe ha ombotuichamaha ichupe hetã Israel rehehápe.

Referencias Cruzadas

2 Samuel 5:11

Hiram, Tíro retã ruvicha, omondo avei hemimondo David rendápe, omba’apokuaáva yvyra ha ita rehe omopu’ã hag̃ua David rogarã, ha avei umi oguerúva cédro.

2 Samuel 5:13

Ha David ova rire Hebróngui Jerusalénpe omenda jevy ambue kuñakuéra rehe ha oñemokuña hetave avei, upéicha onaceve ita’ýra ha itajyrakuéra.

2 Samuel 7:16

Ha nde róga oñemoĩ hatãta ha reikóta ne retã ári mburuvichaguasu ramo ha ndojepe’amo’ãvéima ára pahaite peve ne mburuvicha reko.

1 Réyes 10:9

Nde Jára, pende Ruete, toñemomba’eguasu; Ha’e nderayhúgui nemoĩma Israel guapyhaguasúpe; Jahve ohayúgui Israélpe nemoĩma hetã ruvicha ramo, reisãmbyhy hag̃ua hekópe ha rembojovake porã hag̃ua.

1 Crónicas 14:2

Ha David ohechakuaa Ñanderuete omoingo hague ichupe Israel retã ruvicha ramo ha ombotuichaseha Israel retã rerakuã porã.

2 Crónicas 2:11

Upéramo Hiram, pe Tíro retã ruvicha, he’i kuatiañe’ẽ rupi Salomónpe: Jahve, Israel Jára ohayhúgui Israel retãme, nemoĩma hetã ruvicha ramo.

Ester 4:14

Rekirirĩete mba’e ramo ko ára kóvape ñepytyvõ ha salvacion ouva’erã ambue hendágui Judayguakuérape g̃uarã; nde ha nde ru rogaygua katu pemanombava’erã. Ha mávapa oikuaa ndaha’éipa ko hórape g̃uarã oikóra’e ndehegui tetã ruvicha rembireko.

Daniel 2:30

Ha’e oikuaauka chéve ko’ã mba’e ñemimby, ndaha’éi chearanduvégui ambuekuéragui, aikuaauka hag̃uánte tetã ruvichápe mba’épa ike pegua he’ise, ojehechauka chéve avei nde ke peguare.

Números 24:7

Ikambuchi rembe’ýgui oñehẽta yeta, ikokuépe oky porãta, hetã ruvichaguasu ituichavéta Agággui, ha hetã oñemopu’ã ohóvo.