2 Samuel 5:10

Ñanderuete Ñe’ẽ Porã 2015

Ha David oñakãrapu’ã pu’ãve ha oñembotuicha tuichave ohóvo, Ñanderuete; pe yvaga atykuéra Jára oĩgui hendive.

Referencias Cruzadas

Genesis 21:22

Ha umi ára umívape pe mburuvicha, Abimelec, ha Ficol, isoldádo ruvicha ndive, oñe’ẽ hikuái Abrahámpe, ha he’i: Ñanderuete ningo oĩ nendive opaite mba’e rejapóva guivépe.

2 Samuel 3:1

Saul rogayguakuéra ha David rogayguakuéra oñorãirõ are oñondive, David katu oñemombareteve ohóvo, Saul rogayguakuéra katu ikangyve ohóvo.

2 Samuel 7:9

Ha aĩ nendive mamo nde reikoha rupi, ha ne renondépe ahundipa mayma nderehe ija’e’ỹvape ha ambotuicha nde réra tetã ruvichaguasuetéicha.

2 Samuel 8:14

Ha omoĩ isoldádo aty oñangareko hag̃ua opaite Edom retã tuichakue rehe, ha upéicha Edomguakuéra oiko avei David rembiguái ramo. Ñanderuete ome’ẽgui Davídpe pu’aka ombopoguy hag̃ua mamo ohoha rupi.

2 Samuel 8:6

Upéi David omoĩ isoldádo aty Damáscope oñangareko hag̃ua Síria rehe, ha umi Siriaygua oiko David rembiguái ramo ha opagava’erã ichupe impuésto. Ha Ñanderuete ome’ẽ Davídpe ipu’aka ombopoguypa hag̃ua mamo ohoha rupi.

Job 17:9

Upéicharamo jepe pe heko porãva oguata porãva’erã hape rehe, ha pe heko potĩva imbareteve ohóvo.

Salmokuéra 24:10

Máva piko aipo tetã ruvicha heko ojajaipáva. Ñanderuete voi ningo, Yvága Atykuéra Jára, Ha’e pe tetã ruvichaguasu heko ojajaipáva. Selah

Salmokuéra 46:11

Ñanderuete, yvága atykuéra Jára, oĩ ñanendive, Jacóbo Jára ningo ñane mo’ãhára. Selah

Salmokuéra 46:7

Ñanderuete, yvága aty Jára oĩ ñanendive, Jacóbo Jára voi ningo ñane mo’ãhára. Selah

Mga Kawikaan 4:18

Ha umi heko potĩva rape po’i katu ha’ete ku ko’ẽju resakãicha, hesakã hesakãve ohóvo ko’ẽmbaite peve.

Isaías 9:7

Hetã pu’aka ituichaiterei ha ipy’aguapy ndaijapyramo’ãi, Ha’e oguapýta David guapyhaguasu ári ha Ha’e oisãmbyhýta hetãme, oguenohẽvo oimeraẽvape tape porãme ha ombojovakéta hekoitépe, upe ára upéva guive opaite ára peve g̃uarã, yvága atykuéra Jára, ojapopáta ko’ã mba’e.

Hagéo 2:4

Ha ág̃a Zorobabel eñeha’ãmbaitéke, he’i pende Ruete; eñeha’ãmbaitéke avei Josue, pa’iguasu, ha peñemokyre’ỹ joaitéke tetãyguakuéra maymáva, ha pemba’apo porãke; he’i pende Ruete; Che, ángel atykuéra Jára, aĩgui penendive.

Lúcas 2:52

Hesu okakuaave ha iñaranduve ohóvo, ha Ñanderuete py’aporã oĩ hendive, ha hetãyguakuéra oñe’ẽ porãmba hese.

Romayguakuérape 8:31

Mba’épa ja’éta upéicharamo ko’ã mba’e ko’ãva rehe. Ñanderuete oĩ ramo ñanendive, máva piko ikatu oñemoĩ ñanderehe.

1 Samuel 18:12

Saul okyhyje Davídgui ohóvo; Ñanderuete katu oĩ David ndive, Saúlgui katu Ñanderuete ojei.

1 Samuel 18:14

Ha David oiko akãguapypópe, ha opaite mba’e ojapóva guive osẽ porãmba ichupe Ñanderuete oĩgui hendive.

1 Samuel 18:5

Ha opaite tembiapo Saul he’íva guive Davídpe, ha’e ojapo porãite, ha ha’e oiko avei akãguapypópe. Upévare Saul omoĩ ichupe peteĩ isoldádo aty ruvicha ramo, ha mayma tetãygua resápe David ho’a porã, ha Saul rembiguaikuéra resápe avei.