2 Samuel 4:8

Ñanderuete Ñe’ẽ Porã 2015

Ha ogueru hikuái Isboset akãngue Davídpe, Hebrónpe, ha he’i hikuái tetã ruvichápe: Péina ápe Isboset akãngue, Saul nderehe ija’e’ỹva ra’yre, ha’e ndejukaseteva’ekue; Ñanderuete katu oñangareko ore retã ruvicha rehe, ha omyengovia Saul rembiapo vai hekove ha iñemoñare rekovépe.

Referencias Cruzadas

2 Samuel 18:19

Upémaramo Ahimaas, Sadoc ra’y, he’i: Añaníta ko’ág̃a, ame’ẽ hag̃ua tetã ruvichápe ko marandu Ñanderuete voi osalva hague ichupe mayma hese ija’e’ỹva pógui.

2 Samuel 18:31

Upéi ou pe Etiopiaygua ha he’i: Ehendúke mba’e porã pyahu, che jára ha che retã ruvicha, ko árape Ñanderuete voi osalva nde rekove mayma opu’ãva’ekuégui nderehe.

2 Samuel 2:8

Abner, Ner ra’y, Saul soldádo aty ruvicha, ogueraha Isboset, Saul ra’ýpe, ha oho Mahanaímpe.

2 Samuel 22:48

Ñanderuete omyengovia cherehe oñemoĩvape, omoĩvo che poguýpe heta tetãme.

Salmokuéra 71:24

Ha che juru tomombe’u tapiaite nde justícia, toñemotĩmba umi ohekáva chéve g̃uarã mba’evai.

Matéo 2:20

ha iképe he’i ichupe: Epu’ã, egueraha jevy pe mitãme isy ndive Israel retãme, omanombámagui umi ojukaseva’ekue pe mitãme.

Apocalípsis 18:20

Pevy’áke, peẽ yvagakuéra, peẽ heko potĩva, peẽ apostolkuéra, peẽ proféta, Ñanderuete ombojovake haguére ko táva kóvape.

Apocalípsis 6:10

Ha ãva osapukái ñe’ẽpuguasúpe, ha he’i: Araka’e peve piko Nde, ore Jára heko porã ha añeteguáva reha’ãrõseve rembojovake ha remyengovia hag̃ua ore jukahára rembiapo vai, oikóva gueteri hikuái py’aguapýpe yvy apére.

1 Samuel 18:11

Ha Saul opoi ijyvyra puku akua, he’ívo: Ajakutúta Davídpe tápia rehe. Ha David katu ojehekýi ichugui mokõi jevy.

1 Samuel 19:1

Saul oñe’ẽ ita’ýra Jonatánpe ha opaite hembiguaikuérape ojuka hag̃ua Davídpe; Jonatan, Saul ra’y, katu ohayhueterei Davídpe.

1 Samuel 19:15

Upéi Saul omondo jevy hembiguaikuérape ogueru hag̃ua Davídpe, he’ívo: Pegueru hupa reheve ajuka hag̃ua.

1 Samuel 20:1

Upéi David okañy Ramágui, profetakuéra rekohágui, ha ou Jonatan rendápe, ha he’i: Mba’éiko che rembiapokue. Mba’éiko añangue, térã mba’éiko che angaipa nde ru ndive, ha’e oñeha’ãmba chejuka hag̃ua.

1 Samuel 23:15

David ohecháma ramo Saul osẽ hague hekove rekávo, opytánte Horéspe, Zif desiértope.

1 Samuel 24:4

Upéramo iñirũnguéra he’i Davídpe: Eikuaa porãke kovaha pe ára Ñanderuete he’imava’ekue ndéve: Péina nde pópe amoĩ nderayhu’ỹvape, ejapo hese rejapose háicha. Ha David opu’ã kirirĩháme ha oikytĩ Saul ahoja rembe’ýgui peteĩ pehẽnguemi.

1 Samuel 25:29

Oĩ ramojepe opu’ãva nderehe, ha oipe’aséva nde rekove, upeichavérõ jepe nde che jára rekove toñeñapytĩ umi aty oikovéva Ñanderuete rovake ndive, ha Ha’e omombóta umi nderayhu’ỹva rekove oñemombo háicha pe ita hondítape.