2 Samuel 4:6

Ñanderuete Ñe’ẽ Porã 2015

Ha pe kuña oñangarekóva Isboset róga okẽ rehe omopotĩ jave trígo, opyta oke avei; ha péicha rupi Recab ha Baana ityke’ýra oike hikuái ñemiháme hogapýpe.

Referencias Cruzadas

2 Samuel 2:23

Ha ha’e ndojeiséigui, Abner oikutu ichupe ijyvyra puku akua apýrape icostílla 5-hápe, ha pe yvyra puku akua osẽ ijatukupe gotýo, ha upepete ha’e ho’a ha omano. Mayma oúva guive Asael rapykuéri opyta ha oma’ẽ Asael retekue rehe.

2 Samuel 20:10

Ha Amasa nopenái pe kyse akua rehe oĩva Joab po asúpe; ha Joab oikutu ichupe ipy’a juruetépe, ha oñohẽ yvy rehe hyekue, ha ho’a ha omano, oikutu jevy’ỹre ichupe. Upéi, Joab ha ityvýra Abisai oho hikuái Seba, Bicri ra’y rapykuéri (omuñávo ichupe).

2 Samuel 3:27

Ha Abner og̃uahẽ jevývo Hebrónpe, Joab ogueraha ichupe táva rokẽguasu ryepýpe oñe’ẽ ñemíta ramoguáicha hendive; ha upépe ojuka ichupe, oikutúvo hyépe, péicha omyengovia hag̃ua ichupe ojuka haguére ityvýra Asaélpe.

2 Samuel 4:2

Ha Saul ra’y oguereko mokõi kuimba’e, mondaha atykuéra ruvicha, peteĩ héra Baana, ha ambue Recab, Rimon Beerotgua ra’y, Benjamin ñemoñarenguéra reheguáva; Beerot ojepapa avei Benjamin tríbupe.

Juéces 3:26

Ha ojere jere aja hikuái, Eud oñani ha ohasa umi jára ta’ãnga renda ha okañy ohóvo Seirátpe.