2 Samuel 3:8

Ñanderuete Ñe’ẽ Porã 2015

Ha Abner ipochyeterei Isboset he’iva’ekue rehe, ha he’i: Chéiko Judayguakuéra rymba jagua mba’e. Che aipytyvõ ko árape nde ru Saul rógape, ipehẽnguekuéra ha iñangirũnguérape, ha noromoĩrikuri David pópe. Ha ndépa reitýta cheári ko kuña kóva angaipa.

Referencias Cruzadas

2 Samuel 16:9

Upémaramo Abisai, Sarvia memby, he’i tetã ruvichápe: Mba’érehe piko ko jagua re’õngue oñe’ẽvai che jára, che retã ruvicha rehe. Ajerure ndéve ehejána tahasa ha tañakã’o.

2 Samuel 2:8

Abner, Ner ra’y, Saul soldádo aty ruvicha, ogueraha Isboset, Saul ra’ýpe, ha oho Mahanaímpe.

2 Samuel 3:18

Ko’ág̃a pejapo katu avei Ñanderuete he’imava’ekue: Che rembiguái David po rupi asalváta che retã Israel Filisteaygua poguýgui, ha mayma hese ija’e’ỹva pógui.

2 Samuel 3:9

Ñanderuete tachehavira, che Abner, naipytyvõi ramo ko ára guive Davídpe ha ajapopáta David rehehápe opaite mba’e Ñanderuete voi oprometeva’ekue guive he’ívo:

2 Samuel 5:2

Kueheve árama voi, Saul oresãmbyhývo gueteri, nde voi regueraha Israel retãyguakuéra ñorãirõme ha regueru jevy. Ko’yteve katu Ñanderuete he’íkuri ndéve: Nde reñangarekova’erã che retã Israel rehe, ha ndetaha Israel retã ruvicha.

2 Samuel 9:8

Ha’e oñakãityhápe he’i: Máva piko che, ne rembiguái, rema’ẽ hag̃ua peteĩ cheichagua jagua re’õngue rehe.

2 Réyes 8:13

Ha Hazael he’i: Ha mba’e apoha piko ko ne rembiguái, che peteĩ jaguánte, ajapo hag̃ua ko’ã mba’evaietéva. Ha Eliséo he’i jevy: Ñanderuete ohechaukáma chéve ndetaha Síria retã ruvicharãha.

Salmokuéra 76:10

Opaite yvyarigua oñemoĩva guive nderehe ohecháta itavyha, ha umi hembýva nemomba’eguasúta.

Isaías 37:23

Mávarehepa reñembohorýra’e, ha mávarehepa reñe’ẽvaíra’e. Mávarehepa remopu’ãra’e ne ñe’ẽ ha rehupi nde resakuéra. Israel Jára rehe Pu’akapáva rehe reñemoĩra’e.

Deuteronómio 23:18

Nderegueruiva’erã Ñanderuete, nde Jára rógape kuña reko vai repykue ni kuimba’e reko vai repykue, mba’eveichagua promésa rupi; ko’ã mokõi mba’e ombopochy Ñanderuete, nde Járape.

1 Samuel 15:28

Upévo Samuel he’i ichupe: Ko ára kóvape Ñanderuete omondoro ndehegui Israel retã ruvicha reko, ha ome’ẽ peteĩ nde rapichápe heko porãvéva ndehegui.

1 Samuel 17:43

Ha pe Filisteaygua he’i Davídpe: Che piko jagua mba’e, reju hag̃ua chéve yvyra po’i reheve. Ha omaldeci Davídpe ijarakuéra rérape.