2 Samuel 3:3

Ñanderuete Ñe’ẽ Porã 2015

Pe mokõiha Quileab, péva Abigail memby, Nabal pe Carmelgua rembirekore; pe mbohapyha, Absalon, Maaca memby, péva Talmai, Gesur retã ruvicha rajy;

Referencias Cruzadas

2 Samuel 13:1

Ko’ã mba’e rire, David ra’y, Amnon ohayhu Tamárpe, ha’e ningo peteĩ kuñataĩ iporãitéva. Ko Tamar, Absalon reindy, ha Absalon, David ra’y avei (ambue hembirekógui).

2 Samuel 14:23

Uperire Joab opu’ã ha oho Gesúrpe, ha ogueru Absalónpe Jerusalénpe.

2 Samuel 14:24

Ha David he’i: Toho hógape, ha ani ha’e ohecha che rova, upéicha Absalon ojevy hógape, ndohechái katu tetã ruvichápe.

2 Samuel 14:32

Ha Absalon he’i Joábpe: Péina ápe, che amondókuri ndepiári, reju hag̃ua ko’ápe, romondo hag̃ua tetã ruvicha rendápe ha’e hag̃ua ichupe: Ma’erãpa ajúra’e Gesúrgui, iporãveva’erãmo’ã aime ramo gueteri upépe. Tahechána ko’ág̃a tetã ruvicha rova; ha oĩ ramo chepype angaipa tachejuka.

2 Samuel 15:7

Irundy áño rire, Absalon he’i tetã ruvichápe: Che ajerure ndéve cherejána taha Hebrónpe, ame’ẽ hag̃ua che kuave’ẽmby ha’eva’ekue ame’ẽtaha Ñanderuetépe.

2 Samuel 15:8

Ne rembiguái ome’ẽva’ekue iñe’ẽ (vóto) oĩ ramoguare Gesúrpe, Síriape, ha’évo: Ñanderuete chererahauka jevy ramo Jerusalénpe che aikuave’ẽta Ñanderuetépe g̃uarã peteĩ kuave’ẽmby.

2 Samuel 18:33

Upévo tetã ruvicha iñangekõi ha ojupi pe koty oĩva táva rokẽguasu ariguápe, ojahe’o hag̃ua, ha he’i: Che ra’y Absalon, che ra’y, che ra’y Absalon. Mba’éicha tamora’e amano che ne rendaguépe, Absalon, che ra’y, che ra’y.

2 Samuel 2:2

Upéicha David ojupi, ha hendive mokõive hembireko: Ahinoam, pe Jisreelgua; ha Abigail, péva Nabal, Carmelgua rembirekore.

1 Réyes 1:6

Ha itúva araka’eve nomomba’e ñembyasýi ichupe oikove aja pukukue, he’ívo ichupe: Mba’érehepa péicha rejapo. Adonías rova iporãiterei, ha’e onace Absalon rire.

1 Réyes 2:15

Ha ha’e he’i: Nde reikuaa porã tetã Israel ruvicha guapyha chemba’enteha voi, ha opaite Israelgua oha’ãrõ joa che aisãmbyhy hag̃ua, pe guapyha katu oñeme’ẽma ambuépe, ha oiko che ryvy Salomón mba’e ramo, Ñanderuete oipotágui.

1 Crónicas 3:1

Ko’ãva hína David ra’ykuéra, onaceva’ekue Hebrónpe: Amnon, kóva ijypykue, Ahinoam, pe Jesreelguágui; mokõiha Daniel, Abigail, pe Carmelguágui;

1 Crónicas 3:2

mbohapyha Absalon, Maaca memby, péva Talmai, Gesur retã ruvicha rajy; irundyha Adonías, Hagit memby;

Deuteronómio 3:14

Jair, Manases ra’y, oñeme’ẽ Argob yvy, Gesur ha Maaca rembe’y peve, ha pe táva Basanhavot ombohéra Jair, ha upéicha héra ko ára kóva peve.

Josué 13:13

Umi Gesurgua ha Maacatguakuérape katu Israel ñemoñarenguéra nomosẽi, oiko gueteri hikuái Israelguakuéra apytépe ko ára peve.

1 Samuel 25:3

Pe kuimba’e réra Nabal, ha hembireko Abigail. Pe kuñakarai iñarandu ha hete porãitereíva, pe kuimba’e katu oñembotuicha ha pya’eiterei oñembopochy rei, peteĩ Caleb ñemoñare añeteguáva.

1 Samuel 25:42

Upéi Abigail pya’e opu’ã ha ogueraha 5 kuñataĩ, hembiguáirõ, ha ojupi hymba búrro ári ha oho David rembijokuaikuéra rapykuéri, ha oiko David rembireko ramo.

1 Samuel 27:8

David ha iñirũnguéra oho jepi ojeity hag̃ua umi Gesurgua, Gezergua ha Amalecguakuéra ári; ko’ãva ymaite guivéma oiko pe tetãme, Shur rape guive Egípto retã rembe’y peve.