2 Samuel 3:28

Ñanderuete Ñe’ẽ Porã 2015

David oikuaávo ko’ã mba’e, he’i: Che ánga ipotĩ ha che retã avei, Abner, Ner ra’y ruguykuégui, Ñanderuete renondépe opaite árape.

Referencias Cruzadas

Genesis 4:10

Upéramo Ha’e he’i ichupe: Mba’éiko rejapóra’e. Nde ryvy ruguykue ningo osapukái asy yvy guive chéve.

Genesis 9:6

Upe oñohẽva hapicha ruguy, huguy oñeñohẽ jevyva’erã avei ambue hapicha po rupi, kuimba’e ha kuña ojejapógui pende Ruete ra’ãngáicha.

2 Samuel 1:16

Ha David he’i ichupe: Nde ruguýnte toĩ ne akã ári, nde juru rupi voi reñembojovakéma erévo: Che ajuka Ñanderuete rembiporavopyrépe.

2 Samuel 16:8

Ko’ág̃a Ñanderuete omyengoviáma ndéve opaite Saul rogaygua ruguy reñohẽva’ekue reisãmbyhy hag̃ua hendaguépe ha upévare Ñanderuete omoĩma tetã ruvicha guapyhápe nde ra’y Absalónpe; nde rehupity hag̃ua ne ñañangue repy reha’ãrõ’ỹva, nde ningo kuimba’e tuguy ñohẽhára voi.

2 Samuel 3:27

Ha Abner og̃uahẽ jevývo Hebrónpe, Joab ogueraha ichupe táva rokẽguasu ryepýpe oñe’ẽ ñemíta ramoguáicha hendive; ha upépe ojuka ichupe, oikutúvo hyépe, péicha omyengovia hag̃ua ichupe ojuka haguére ityvýra Asaélpe.

2 Samuel 3:29

To’a Joab akã, ha mayma itúva rogayguakuéra ári, ha opaite ára Joab rogayguakuéra apytépe toĩ mba’asy, tuguy syry, ai ñarõ (lépra), heta toguata yvyra po’i rehe, tomano kyse pukúpe ha ñembyahýigui.

Éxodo 21:12

Peteĩ oinupã vai ramo hapichápe ha omano ramo, ojejukava’erã avei ichupe.

Números 35:33

Ani pemongy’a pe yvy peikotahápe, pe tuguy omongy’águi pe yvy, ha pe yvy naipotĩmo’ãvéima, oñehẽ jevy peve pe oporojukáva ruguy.

Matéo 27:24

Ha Piláto ohechávo, mba’eve nosẽi hague ha’e oipota háicha, ha apañuãi oikotaha, ogueruka y ha ojepohéi tetãyguakuéra renondépe, ha he’i: Che ánga ipotĩ ko heko potĩva ruguýgui. Pejehecha peẽ pendejehe.