2 Samuel 3:22

Ñanderuete Ñe’ẽ Porã 2015

Upéramo David rembiguaikuéra ojevy Joab ndive ñorãirõhágui ha ogueru hikuái hetaiterei mba’e oipe’amava’ekue hese ija’e’ỹvagui. Ha Abner noĩvéima David ndive Hebrónpe, omondómagui ichupe, ha ha’e oho py’aguapy reheve.

Referencias Cruzadas

2 Samuel 3:23

Ha Joab og̃uahẽ rire opaite iñirũnguéra ndive oñemomarandu ichupe: Abner, Ner ra’y, oúkuri tetã ruvicha rendápe, ha ha’e omondo jevy ichupe, ha oho jevy py’aguapy reheve.

2 Samuel 4:2

Ha Saul ra’y oguereko mokõi kuimba’e, mondaha atykuéra ruvicha, peteĩ héra Baana, ha ambue Recab, Rimon Beerotgua ra’y, Benjamin ñemoñarenguéra reheguáva; Beerot ojepapa avei Benjamin tríbupe.

1 Samuel 27:8

David ha iñirũnguéra oho jepi ojeity hag̃ua umi Gesurgua, Gezergua ha Amalecguakuéra ári; ko’ãva ymaite guivéma oiko pe tetãme, Shur rape guive Egípto retã rembe’y peve.