2 Samuel 24:16

Ñanderuete Ñe’ẽ Porã 2015

Ha pe yvága rembiguái oipyso ipo Jerusalen ári ombyai hag̃uáicha, Ñanderuete oñemomba’embyasy pe tembiapo vai péva rehe, ha he’i ijyvága rembiguái, tetãyguakuéra mbyaihárape: Iporãntema ko’ág̃a, ejoko nde po. Ha pe yvága rembiguái oĩhína pe Araúna, Jebusgua ñemitỹngue mopotĩhápe.

Referencias Cruzadas

Genesis 10:16

upéi Jebus, Amor, Gers,

Genesis 6:6

upévare Ñanderuete ombyasy ojapo haguére Adan ha Évape, ha hasy asy ichupe ipy’apýpe.

2 Samuel 24:18

Ha Gad ou David rendápe pe árape, ha he’i ichupe: Ejupi ha emopu’ã peteĩ kuave’ẽmby renda Ñanderuetépe g̃uarã, Araúna, pe Jebusgua ñemitỹngue mopotĩhápe.

2 Samuel 5:8

Ha David he’i pe árape: Mávapa ojupise yrape itakuaguasu rehegua rupi ojuka hag̃ua Jebusgua ikarẽ ha hesatũvape, umíva ningo ndacherayhuiete voi. Pévagui oje’e: Hesatũ ha ikarẽva ndoikeiva’erã ógape.

1 Réyes 19:4

Ha oike desiérto rehe peteĩ ára pukukue, ha oguapy peteĩ enébro yvyra guýpe; upépe ha’e omanose ha he’i: Iporãma, che Ruete, ehekýina chehegui che rekove, ndachereko porãvéi ningo che rukuéragui.

2 Réyes 19:35

Ha ojehu ningo pe pyharépe Ñanderuete yvága rembiguái osẽ ha ojuka Asiriaygua atyguasúgui 185.000 kuimba’épe, ha Jerusalengua opu’ãvo ambue pyhareve ohecha Asiriaygua re’õngue memeténte ojepyso joáva hikuái.

1 Crónicas 1:14

Jebusguakuéra, Amorguakuéra, Gergesguakuéra,

2 Crónicas 3:1

Salomon oñepyrũ omopu’ã Ñanderuete rogaguasu Jerusalénpe, Moría cérrope, ojehechauka haguépe itúva Davídpe, Ornan, pe Jebusgua ñemitỹngue mopotĩhápe, David ojoguamava’ekue.

2 Crónicas 32:21

Ha Ñanderuete ombou peteĩ yvága rembiguái (ángel) ohundi hag̃ua opaite Asiriaygua ipy’aguasúva ha ikatupyrývape, isoldádo ruvichakuéra ndive. Upéi Senaquerib oho jevy hetãme ñemotĩ tuichaite reheve; ha oikévo ijára tupãópe, upépe ita’yrakuéra voi ojuka ichupe kyse pukúpe.

Salmokuéra 135:14

Ñanderuete ombojovake porã hetãme ha oiporiahuvereko hembiguaikuérape.

Salmokuéra 35:6

Hapekuéra ta’iñypytũ ha ta’isỹi, ha pe yvága rembiguái tomuña ichupekuéra.

Salmokuéra 78:38

Ñanderuete katu oiporiahuvereko jevýma, ha operdona hembiapo vaikuéra ha nohundiséi ichupekuéra, Ha’e omboyke jevy jey ipochy ha ipy’aro.

Salmokuéra 90:13

Eñemboja jevýna orerehe, Nde, ore Ruete. Araka’e pevépa Nde ndepochyse. Eiporiahuverekomína ne rembiguáipe.

Éxodo 12:13

Ha pe tuguy oikóta peẽme g̃uarã techaukaha ramo mamo pende rogaygua peikohápe; ha ahecha ramo pe tuguy ahasáta pendehegui, péicha napenderupitymo’ãi pe jehavira, Che ajukauka jave Egípto retãyguakuérape.

Éxodo 12:23

Ñanderuete ohasáta ojuka hag̃ua Egiptoyguakuérape ha ohechávo tuguy pende rokẽ yvate rehe ha mokõive horcon rehe, Ha’e ohasáta pene rokẽ renonde rupi, ha ndohejamo’ãi pe oporojukáva oike pende rógape.

Éxodo 32:14

Upémaramo Ñanderuete ombyasy he’i haguére ojapotaha mba’evai hetã rehe.

Éxodo 9:28

Peñembo’e pende Ruetépe topi ore árigui pe arasunu ha pe amandáu, ha che ndapojokomo’ãvéima, apoíta uvei pendehegui.

Isaías 27:8

Ñanderuete ohaviráta ichupekuéra, ha’ekuéra oñemboyke haguére Ijáragui. Ha’e oguerova ichupekuéra ijyvytu’atã rupi oúva kuarahyresẽguio.

Isaías 57:16

Ndachepochymo’ãi tapiaite ni ndorohaviramo’ãi opaite árape, ỹrõ oimeraẽva pytu ojepy’apyetereíta ha yvyarigua ánga ojejopyetereíta, umíape Che voi amoingovemava’ekue.

Jeremías 26:19

Ezequías, Juda retã ruvicha, ha hetãyguakuéra ojuka piko ra’e Miquéaspe, (Miquéas 3,12). Ndokyhyjéi piko uvei hikuái Ñanderuetégui, ha oñemomirĩ hikuái Ñanderuete renondépe, ha Ñanderuete ndojapói jevy upe mba’evai he’imava’ekue ojapotaha hesekuéra. Ha ñande piko jajapóta mba’e ivaietéva ñane ánga rehe.

Jeremías 42:10

Pepytáta ramo ko yvy kóvape, Che pomopu’ãta ha napohundimo’ãi; Che poñotỹta ha napomondoromo’ãi; Che ambyasýgui pe mba’evai ajapova’ekue penderehe.

Amos 7:3

Ha Ñanderuete oñembyasy jevy ha he’i: Ndojehumo’ãvéima.

Amos 7:6

Ha Ñanderuete oñembyasy ha he’i: Ko’ã mba’e ndojehumo’ãvéima.

Habacuc 3:2

Nde, ore Ruete, ahendúkuri ne ñe’ẽ ha akyhyje. Pya’e ejapo Nde rejaposéva, ndepochy jave katu nemandu’a nde poriahuvereko rehe.

Zacarías 9:7

Aipe’áta pe so’o tuguy rehegua oĩva ijurúpe, ha umi mba’e ipotĩ’ỹva hãi pa’ũgui, ha’ekuéra opyta peve avei peteĩ hembyremi Ñanderuetépe g̃uarã, imburuvicha oikóta Juda poguýpe hembiguái ramo, Jebus peguáicha.

Márcos 14:41

Ha Hesu ojevývo mbohapyhápe he’i ichupekuéra: Pekéntema ha pepytu’u, ovaléma, og̃uahẽma pe hóra yvyarigua Ra’y ho’atamaha angaipavóra pópe.

Apostolkuéra 12:23

Upevovete Ñanderuete ángel ohavira ichupe oñembotuicha haguére, ombotuicha rãngue Ñanderuetépe, upévagui hasopa pya’e ha omano.

1 Corintoyguakuérape 10:10

Ani pechi’õ (peñe’ẽguyguy) ha’ekuéra ochi’õ haguéicha ha oñehundi hikuái pe mbyaihára po rupi.

2 Corintoyguakuérape 2:6

Ovaléma pe jehavira (castígo), heta pende apytégui oñemoĩma hese.

Josué 15:63

Ha umi Jebusguápe táva Jerusalen, Juda ñemoñarenguéra ndaikatúi omosẽ ichupekuéra; ha Jebusguakuéra opyta Jerusalénpe, Juda ñemoñarenguéra apytépe ko ára peve.

Juéces 1:21

Ha Benjaminguakuéra ndikatúi omosẽ Jebusguakuérape Jerusaléngui, upévare Jebusguakuéra oiko Benjamin ñemoñarenguéra apytépe ko ára peve.

Juéces 19:11

Ha og̃uahẽvo Jebúspe ka’aruetéma ha pe tembiguái he’i ijárape: Jaikéna Jebusguakuéra távape, jake hag̃ua ko’ápe ko pyhare.

1 Samuel 15:11

Ambyasy amoĩ haguére Saúlpe tetã ruvicha ramo, ojevýgui che rapykuérigui, ha ndojapói che ñe’ẽ. Ha Samuel ojepy’apyeterei, ha upe pyhare pukukue omba’ejerure asy Ñanderuetépe Saul rehe.