2 Samuel 24:1

Ñanderuete Ñe’ẽ Porã 2015

Ñanderuete ipochy Israel ndive, David oñembotuicha haguére ipy’apýpe, upévare Ñanderuete voi omoinge David akãme ha’e oipapauka hag̃ua Israel ñorãirõharakuérape, upévare David he’i Joábpe: Tereho ha eipapa Israelgua ha Judayguakuérape.

Referencias Cruzadas

Genesis 45:5

Ha ko’ág̃a ani peñembyasy, ani peñembyasyve peẽ cheme’ẽ haguére ko’ápe; Ñanderuete chembou pene renonderãme peikove hag̃ua.

Genesis 50:20

Añetehápe peẽ pejapo mba’e ivaíva cherehe, Ñanderuete katu ombohape mba’eporãme, Ha’e voi ojapo porãmba jahecha háicha ko árape, omoingove jevy hag̃ua ko tetãguasu kóvape.

2 Samuel 12:11

Péicha Ñanderuete he’iuka ndéve: Péina ko’ág̃a che amopu’ãta avei mba’evai nde rogateégui nderehe, ha ne rembirekokuéra ajapyhyukáta nde resa renondégui, ha ameẽta nde rapichápe, ha upéva oñenóta ne rembirekokuéra ndive kuarahy resápe.

2 Samuel 16:10

Ha tetã ruvicha he’i: Mba’éiko che aguereko nendive, Sarvia memby. Ha’e oñe’ẽvai cherehe Ñanderuete he’ígui ichupe oñe’ẽvai hag̃ua cherehe. Upévare, máva piko ikatúne he’i: Mba’érehepa péicha rejapo.

2 Réyes 3:6

Upéramo Joram, Israel retã ruvicha, osẽ Samáriagui ha oipapa opaite Israelguápe.

1 Crónicas 21:1

Satana katu oñemoĩ Israel rehe, ha oipy’ara’ã Davídpe oipapa hag̃ua Israelguakuérape.

1 Crónicas 7:2

Tola ra’ykuéra: Uzi, Refaías, Jeriel, Jahmai, Jibsam ha Semuel, ko’ãva itúva rogaguasu ruvicha. Tola ñemoñarenguéra ojepapava’ekue David árape, 22.600 kuimba’e ipy’aguasuetéva.

1 Crónicas 7:40

Ko’ãva Aser ñemoñarenguéra omoakãva hogaguasukuéra, huvichakuéra ramo; ha’ekuéra soldádo ruvicha (ikatupyrýva) ha ojepapa rire, ipoguy peguáva ikatúva ojapyhy ñorãirõ rembiporu, ojejohu 26.000 kuimba’e.

2 Crónicas 32:25

Ezequías katu nomba’erechakuaái pe mba’eporã ojejapova’ekue hese, ha ou oñembotuicha ipy’apýpe, upévare Ñanderuete ohavira ichupe, Jerusalengua ha Judayguakuérape avei.

Éxodo 7:3

Che katu amohatãta faraon py’apy ha ajapóta heta techaukapy ha milagrokuéra Egípto retãme.

Ezequiel 14:9

Ha pe proféta ombohasa ramo peteĩ ñe’ẽ añetegua’ỹva, he’ívo Che voi, pende Ruete, amoĩ hague ko ñe’ẽ kóva ipy’apýpe, upepete Che aipysóta che po hese, ha ahundíta ichupe che retã Israel apytégui.

Ezequiel 20:25

upévagui Che ame’ẽ ichupekuéra ñe’ẽ naiporãiva, ha tembiapoukapy umíva rupi ndaikatúi oikove.

Levítico 10:6

Upéramo Moises he’i Aaron ha ita’yrakuéra hembývape, Eleazar ha Itamárpe: Anítei peiko akã chara ha anítei pemondoro pende ao pehechauka hag̃ua peñembyasyha ỹrõ pemanóta avei, ha anítei ho’a Ñanderuete pochy Israel retã ári, pene pehẽnguekuéra ári; mayma Israel rogaygua katu oñembyasy joa Ñanderuete ohapy haguére ichupekuéra.

Números 1:19

Ñanderuete he’i haguéicha Moiséspe, péicha ha’e oipapauka umívape Sinai desiértope.

Apostolkuéra 4:28

Oikopa hag̃ua nde pu’akaguasuete ombosako’íva ha Nde reipotáva guive.

2 Tesalonicayguakuérape 2:11

Upévarehe Ñanderuete oheja ichupekuéra ñembotavyharakuéra pópe oñembotavyuka porã hag̃ua. Oñembotavyuka ichupekuéra oguerovia hag̃ua ko’ã japu ko’ãva.

Juéces 2:14

Ha Ñanderuete ipochyeterei Israel rehe, ha omoĩ ichupekuéra mondahakuéra pópe ha umía ovende ichupekuéra, ha oheja avei ichupekuéra hesekuéra ija’e’ỹva pópe; ha Israelguakuéra ndaikatuvéima oñemoĩ hesekuéra ija’e’ỹva rehe.

Juéces 2:20

Ha Ñanderuete pochy hendy Israel rehe, ha he’i: Ko tetã kóva omboykégui che rembiapoukapy ame’ẽmava’ekue ituvakuérape, ha naiñe’ẽrenduvéi,

1 Samuel 26:19

Ajerure, tetã ruvicha, che jára tohendu ko’ágã hembiguái ñe’ẽ. Oime ramo Ñanderuete omoinge ne akãme rejapo hag̃ua mba’evai cherehe, toñekuave’ẽ ichupe g̃uarã; ha oime ramo kuimba’e ra’ýnte, toñemaldeci ichupekuéra Ñanderuete renondépe, chemosẽgui Ñanderuete rogaygua apytégui, aiko hag̃ua ambue jára rembiguáirõ guáicha.