2 Samuel 23:5

Ñanderuete Ñe’ẽ Porã 2015

Ndaupéichai piko che róga Ñanderuete renondépe; Ha’e oñembopy’apeteĩ chendive opaite árape g̃uarã, ha ã mba’e hekoitépe Ha’e omohenda porã; che salvación ha che rembipota Ha’e oheja heñói porã.

Referencias Cruzadas

Genesis 9:16

Upe jy’y oĩta arai rehe, ha ahecha vove chemandu’áta che ñe’ẽme’ẽ rehe ame’ẽmava’ekue opaite yvyariguápe g̃uarã.

2 Samuel 12:10

Pévarehe nde rógagui ndojei kyse puku, chemboyke haguére ha regueru haguére Urías, Het ñemoñare rembirekópe, ne rembireko ramo.

2 Samuel 13:14

Amnon katu nohenduséi ichupe, imbaretevégui ichugui, orãirõ ichupe.

2 Samuel 13:28

Ha Absalon he’íkuri hembiguaikuérape, ajerure peẽme peme’ẽ heta víno ombohory hag̃ua Amnon py’a, ha che ha’e ramo: Peikutu Amnónpe, upévo pejuka, ha ani pekyhyjétei, che voi ha’égui peẽme. Peñeha’ãmbaitéke, ha pendepy’aguasúke.

2 Samuel 18:14

Ha Joab he’i jevy: Che naha’ãrõmo’ãi sapy’amínte jepe. Ha ojapyhy ipópe mbohapy yvyra puku akua, ha ojakutu Absalon py’a mbytépe ha’e oikove ha osãingo jave pe yvyrarakãre.

2 Samuel 7:12

Ha nde ára paha og̃uahẽvo rekéta (remanóta) nde rukuéra ndive, ha Che amopu’ãta nde rire peteĩ ne ñemoñaréva, osẽtava nde retégui,

2 Samuel 7:18

Upérõ tetã ruvicha David oike pe óga jojohuhápe ha oñemoĩ Ñanderuete renondépe, ha he’i: Ore Ruete, che Jaratee, mávapa che, ha mba’épa che rogayguakuéra, nde chereru hag̃ua ápeve.

1 Réyes 1:5

Upémaramo Adonías, Hagit memby, opu’ã he’ívo: Che aisãmbyhýta. Ha oñembocárro ha kavaju arigua heta, ha avei 50 kuimba’e oñani hag̃ua henonderãme.

1 Réyes 11:38

Neñe’ẽrendu ramo opaite mba’e Che ha’étava guive ndéve rejapo hag̃ua, ha reiko ramo che rape rehe, ha rejapo ramo che resa renondépe mba’e iporãva, rejapóvo che rembiapoukapy ha che rembipota, che rembiguái David ojapo haguéicha, upéicharõ Che aĩta avei nendive ha amopu’ãta ndéve g̃uarã nde rógarã, amopu’ã haguéicha David róga, ha Che ame’ẽta ndéve ne mba’e ramo Israel retã.

1 Réyes 12:14

Ha ha’e ombohovái hetãyguakuérape umi karia’ykuéra ohekombo’e haguéicha ichupe, ha he’i: Che ru ombopohýi ramo pende cárga, che katu ambojo’avéta pende cárga, che ru penenupã tukumbópe, che katu poinupãta tukumbo alacran ruguái akuápe.

Salmokuéra 111:9

Tekove añeteguáva ombouva’ekue hetãme, opaite ára peve omoĩva’ekue iñe’ẽme’ẽ, Ñanderuete réra porãite ha jakyhyjeva’erã ichugui.

Salmokuéra 119:81

Che ánga oha’ãrõite Nde chepytyvõ hag̃ua, che ajeroviágui ne ñe’ẽ rehe.

Salmokuéra 27:4

Peteĩ mba’e ajerure Ñanderuetépe, ha upéva ahekáta: Taiko Ñanderuete rogaguasúpe aikove aja pukukue ajepy’amongeta hag̃ua Ñanderuete rehe ha romomba’eguasu joáta ichupe.

Salmokuéra 62:2

Ha’énte hína che itaguasu ha chepytyvõva añetehápe, Ha’e ningo chemo’ãva, ndachepysyrymo’ãi.

Salmokuéra 89:3

Añembopy’apeteĩ Che aiporavova’ekue ndive, ame’ẽma che ñe’ẽ che rembiguái Davídpe, ha’évo:

Isaías 11:1

Osẽva’erã peteĩ yvyra rakã Isai yvyrágui, ha peteĩ hoky pyahu hi’ava’erã hapokuéragui.

Isaías 27:6

Og̃uahẽta pe ára Jacóbo oñembohapo jevýta, Israel hoky pyahu ha ipotýta, ha hi’akuégui omyenyhẽta ko yvy ape ári.

Isaías 4:2

Upe ára upévape Ñanderuete ombohokýta hakã porã ojajaipáva, ha Israel retã oñembotuicháta ha oñemoherakuã porãta, ombovy’a hag̃ua Israelguakuéra hembýva guivépe.

Isaías 54:10

Umi cerrorusu oku’epa ramojepe, ha umi cérro oryryipa ramojepe che poriahuvereko katu noñemboykemo’ãi ndehegui, ha che ñembopy’apeteĩ nendive ndopamo’ãi, he’i nde Ruete, ndeporiahuverekóva avei.

Isaías 55:3

Pemboyke joa pende apysa, ha peju che rendápe; peneñe’…rendu ha pene ánga oikove porãvéta ha ñañombopy’apeteĩ opaite árape g̃uarã, péicha Che amoañetéta che poriahuvereko rehegua ñe’ẽ ame’ẽva’ekue Davídpe.

Isaías 61:8

Che, pende Ruete, ahayhu justícia, ndahayhúi katu ñemonda ni ñembotavy, upévare añembopy’apeteĩta opaite árape umi hekoitépe oikóva ha amyengoviáta hembiapokue porã.

Isaías 7:14

Upévare Ñanderuete voi ohechaukáta peẽme mba’e techaukaharã: Péina ápe pe kuñataĩ oiko’ỹva kuimba’e ndive hyeguasúta, ha imembýta peteĩ mitãkuimba’e, ha oñembohérata ichupe Emanuel.

Jeremías 32:40

Añembopy’apeteĩta hendivekuéra tapia g̃uarã ha ajapo meméta mba’eporã ichupekuéra ha amoĩta ipy’apýpe kyhyje ani hag̃ua oñemboyke jevy chehegui.

Jeremías 33:21

péicha avei peẽ ndaikatúi pembyai pe ñe’ẽme’ẽ arekóva che rembiguái David ndive. Ha’e tapia oguereko hag̃ua peteĩ ta’ýra oguapýva hetã ruvicha guapyhápe, ha avei pe ñe’ẽme’ẽ arekóva che rembiguaikuéra, umi pa’i Levigua ndive.

Ezequiel 37:26

Ha ñañombopy’apeteĩ oiko hag̃ua hikuái tapia g̃uarã py’aguapýpe, amohenda porãta ichupekuéra, amoñemoñáta ichupekuéra, ha amoĩta che rogaguasu ijapytepekuéra opaite árape g̃uarã.

Amos 9:11

Upe ára upévape katu Che amopu’ã jevýta David róga ho’amava’ekue, ha ambotypáta ikuára ha amopu’ã jevýta umi óga ho’apava’ekue, ha aheja jevýta ymaguaréicha,

Apostolkuéra 13:34

Ñanderuete omoingove jevy ichupe omanova’ekue apytégui ani hag̃ua hetekue oñembyai, Ha’e he’imava’ekue ko’ã ñe’ẽ rupi: Che katuete ame’ẽva’erã peẽme umi promésa Che ha’eva’ekue Davídpe, (Isaías 55,3).

hebreoyguakuerape 13:20

Ñanderuete, pe py’aguapy Jára, omoingove jevymava’ekue Hesu Crístope omanóva apytégui, Hesu Crísto ningo pe ovecha rerekuaguasu ha huguytee rupi Ha’e ñanembopy’apeteĩ jevy Ñanderuete ndive,

hebreoyguakuerape 6:19

Ko’ã Ñanderuete promésa rupi ñane ánga ojohu pytu’u añeteguáva ku barcoguasu oñeñapytĩ háicha sã mbaretépe ty’ãiguasúpe (áncla), upéicha ñande jajejoko hatãva’erã avei isã rehe (ipromésa rehe) oñeñapytĩvahína pe óga jojohuha aosãingo kupépe, oĩva yvágape.

1 Samuel 2:35

Ha Che amopu’ãta peteĩ pa’i hekoite peguáva, ojapótava che py’apy ha che angapy rembipota; ha Che amopu’ã mbaretéta hogarã, ha ha’e oikóta tapia g̃uarã pe mburuvichaguasurã ykére.

1 Samuel 25:28

Ha che ajerure asy ndéve eperdonami ne rembiguáipe oñe’ẽ vaiete haguére, Ñanderuete voi omoingóta opaite árape che jára róga, reñorãirõgui Ñanderuete ñorãirõ, ha reikove aja ndojejohúi ndepype tembiapo vai.