2 Samuel 23:3

Ñanderuete Ñe’ẽ Porã 2015

Israel Jaratee, oñe’ẽ chéve, Israel mo’ãhára oñe’ẽma chéve, Ha’e oisãmbyhyhína tetãnguérape ha oisãmbyhy hekópe umi okyhyjéva guivépe Ñanderuetégui.

Referencias Cruzadas

Genesis 33:20

Ha omopu’ã upépe ikuave’ẽmby renda, ha ombohéra El-Elohe-Israel (he’ise Israel Jára Ipu’akapáva).

2 Samuel 22:32

Ha mávaiko tetãguakuéra jára, ndaha’éi ramo Ñanderuete. Ha mávapa ñande itaguasu ñanemo’ãva, ndaha’éi ramo Ñanderuete.

2 Samuel 8:15

Ha David oisãmbyhy opaite Israel tríbupe, ha ha’e oñangareko oĩ hag̃ua justícia ha ñembojovake hekoite peguáva Israel retãme.

1 Réyes 10:9

Nde Jára, pende Ruete, toñemomba’eguasu; Ha’e nderayhúgui nemoĩma Israel guapyhaguasúpe; Jahve ohayúgui Israélpe nemoĩma hetã ruvicha ramo, reisãmbyhy hag̃ua hekópe ha rembojovake porã hag̃ua.

Nehemías 5:14

Ha pe ára guive, tetã ruvicha he’i hague, che aiko hag̃ua tetã sãmbyhyhára ramo Juda retãme; péva ojehu tetã ruvicha Artajérjes oisãmbyhy jave 20 áño ha pe ára péva guive 12 áño aja, che ha che ryke’ykuéra noroguenohẽi tetã sãmbyhyhára rembiapo repy.

Job 34:17

Ikatu piko peteĩ mburuvicha oisãmbyhy porãmba ombojovake ramo hekope’ỹ, mba’éicha piko nde rejahéita Ñanderuete justícia rehe.

Salmokuéra 110:2

Ñanderuete omboúta Sion guive nde yvyra po’i ipu’akapáva, rembopoguy hag̃ua umi nderehe ija’e’ỹvape.

Salmokuéra 42:9

Ha’éta che Ruetépe: Nde che itaguasu (Salvador), mba’érehe piko nderesarái chehegui. Mba’érehe piko che aikova’erã ao vosa reheve chejopy asýgui umi cherehe ija’e’ỹva.

Salmokuéra 72:1

Nde, ore Ruete, eme’ẽmína tetã ruvichápe ne mbojovake porã, ha nde justícia tetã ruvicha ra’ýpe.

Salmokuéra 72:2

Justícia rupi ha’e toisãmbyhy porãkuaa ne retãme, ha teko potĩme tohechakuaa imboriahúvape.

Éxodo 18:21

Eiporavo avei ne retãyguakuéra apytégui kuimba’ekuéra ikatupyrývape ha okyhyjéva Ñanderuetégui, kuimba’e ijapu’ỹva, ha’entese’ỹva, umía emoĩ, 1000, 100, 50 ha 10 tapicha ári huvicha ramo.

Éxodo 20:2

Che ningo Jahve, pende Ruete, poguenohẽva’ekue Egípto retãgui, tembiguái reko poguýgui.

Éxodo 3:15

Ñanderuete he’i avei Moiséspe: Péicha eréta Israel ñemoñarenguérape: Jahve, pende Ruete, pende rukuéra Abraham, Isaac ha Jacóbo Jára chembou pene rendápe. Kóa hína che réra opaite ára peve g̃uarã; péicha peẽ cherenóita ára apyre’ỹ meve.

Mga Kawikaan 31:9

ejejurupe’a, ha embojovake hekoitépe ha emo’ã pe imboriahúva ha ohasa asyetereívape.

Isaías 32:1

Pema’ẽ porãke, og̃uahẽta peteĩ tetã ruvichaguasu oisãmbyhýtava justícia reheve ha imburuvichakuéra ombojovakéta hekoitépe.

Jeremías 23:5

Pema’ẽ porãke, outamahína pe ára, he’i pende Ruete, amopu’ã jevýta Davídpe g̃uarã peteĩ iñemoñare pyahu heko potĩva ha iñarandúva, Ha’e oikóta tetã ruvicha ramo, ombovy’a jevypa hag̃ua ha hekoitépe ombojovakéta hetãyguakuérape.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Deuteronómio 32:4

Ha’e ningo pe Itaguasu (Salvador), hembiapo iporãiterei, mayma hapekuéra hekoite peguáva; Ñanderuete ndive oĩ añetegua meme ha ipype noĩri mba’eveichagua aña reko, Ha’e heko porã ha ombojovake hekoitépe.

hebreoyguakuerape 1:8

Ita’ýra rehe katu he’i: Nde Jára guapyhaguasu oĩta ára atyguasu guive ára atyguasukuéra rupi, ha nde pu’aka rupi reisãmbyhy hekoitépe ne retãguasúpe.