2 Samuel 22:44

Ñanderuete Ñe’ẽ Porã 2015

Nde cheguenohẽ che retãyguakuéra ñorãirõgui; ha reñangareko cherehe aiko hag̃ua tetã ruvicha ramo heta tetã rehe, ha tetã ndaikuaaiva’ekue oikóma che rembiguái ramo.

Referencias Cruzadas

2 Samuel 19:14

Péicha David oñembopy’apeteĩ jevy opaite Judayguakuéra ndive, ha peteĩ kuimba’e ñe’ẽicha he’iuka tetã ruvichápe: Eju jevy nde, ha opaite ne rembiguaikuéra ndive, oresãmbyhy hag̃ua.

2 Samuel 19:9

Ha opaite tetãygua Israelgua oñoñe’ẽ’api ojoapytepekuéra, he’ívo: Pe tetã ruvicha ningo ñandesalva ñanderehe ija’e’ỹva poguýgui, ha’e ñandepe’a Filisteayguakuéra poguýgui; ha ko’ágã katu okañy hetãgui okyhyjégui Absalóngui.

2 Samuel 20:22

Ha pe kuña iñarandúva oho oñe’ẽ hag̃ua itavayguakuéra ndive oakã’o hag̃ua Seba, Bicri ra’ýpe, ha omombo hikuái iñakãngue Joábpe; upérõ Joab ombopu pe turu ha ohopa hikuái hogakuérape. Ha Joab ou jevy tetã ruvicha rendápe Jerusalénpe.

2 Samuel 3:1

Saul rogayguakuéra ha David rogayguakuéra oñorãirõ are oñondive, David katu oñemombareteve ohóvo, Saul rogayguakuéra katu ikangyve ohóvo.

2 Samuel 5:1

Uperire opaite Israel tríbu ou David rendápe Hebrónpe ha oñe’ẽ hikuái hendive, ha he’i ichupe: Roĩ ko’ápe, ore ningo ne kangue ha nde ro’o.

Salmokuéra 110:6

Ha’e ombojovakéta umi tetãme, ha he’õnguekuéragui omyenyhẽmbáta ko yvy, ojokapáta iñakãnguéra ñuguasúpe.

Salmokuéra 18:43

Ore Ruete, Nde cheguenohẽma pe ñorãirõguasu che retã meguágui, tetãnguéra che ndaikuaaiva’ekue ko’ág̃a omba’apo chéve g̃uarã che rembiguái ramo.

Salmokuéra 2:8

Ejeruréna chéve ha ame’ẽta ndéve umi tetãnguéra, ne mba’etee ramo pe yvy rembe’y paha peve.

Isaías 55:4

Peikuaa porãke, Che ahenoi ha amoĩkuri ichupe techahare ramo, mburuvicha guasu ha mbo’ehára ramo tetãnguérape g̃uarã.

Isaías 55:5

Ema’ẽ porãke, nde rehenóiva’erã umi tetã reikuaa’ỹvape, ha pya’e oñani joava’erã ne rendápe umi ndekuaa’ỹva, pende Ruetépe, pende Jára rehehápe, Ha’e nembotuicha haguére.

Isaías 60:12

Umi tetã térã tetãguasuete oñemoĩséva nderehe oñehundíta ha oñembotaperepáta.

Isaías 65:1

Chereka ningo umi oporandu’ỹva’ekue cherehe ha chejohu umi chereka’ỹva’ekue, Che ha’ékuri: Péina ápe aĩ, péina ápe aĩ. Péva Che ha’e peteĩ tetãme ndogueraháiva che réra.

Daniel 7:14

Ha oñeme’ẽ ichupe pu’aka, teko jajaipa, tetãguasu, opaite tetãnguéra, tribukuéra ha opaichagua ñe’ẽ oiko hag̃ua ipoguýpe, hembiguaikuéra ramo, ipu’aka opyta hag̃ua tapiaite g̃uarã, ndohasaiva’erã, ha hetãguasuete noñehundiriva’erã araka’eve.

Oséas 2:23

Ha añotỹta che mba’erã ko yvýpe ha ahayhúta Loruhámape ha ha’éta Loamípe: Nde che retãtee ha ha’e he’íta chéve: Nde che Jaratee, che Ruete.

Romayguakuérape 15:12

Oúta Isai rapógui pe oñembo’ýtava, oisãmbyhy hag̃ua tetã ambueyguakuérape, ha umía ojeroviáta hese, (Isaías 11,10).

Romayguakuérape 9:25

Upéicha Ñanderuete ohaiukáma avei ikuatiañe’ẽme: Che ahenóita che retã’ỹvape che retã ramo, ha che ahayhu’ỹva’ekuépe ko’ág̃a Che ahayhuva’aína (Oséas 2,23).

Deuteronómio 28:13

Ñanderuete penemoĩva’erã tetãnguéra akã ramo, ha nanemoĩmo’ãi tuguái ramo ha peimeva’erã hi’ariete, ha napeimeiva’erã iguýpe, pejapo guive Ñanderuete, Ñandejára rembiapoukapykuéra, che ha’emava’ekue peẽme peñangareko ha pejapo hag̃ua hekoitépe.

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.