2 Samuel 22:29

Ñanderuete Ñe’ẽ Porã 2015

Nde, ore Ruete, che rataindy, che Jára omyesakã chéve che renda iñypytũháme.

Referencias Cruzadas

2 Samuel 21:17

Ha Abisai, Sarvia memby, og̃uahẽ oipytyvõ hag̃ua ichupe, ha oikutu pe Filisteayguápe ha ojuka ichupe. Upémaramo David irũnguéra oñe’ẽme’ẽvo he’i ichupe: Araka’eve ko ára guive tenonderã gotýo neresẽmo’ãvéima orendive ñorãirõme, aníntemo rembogue Israel resapeha.

1 Réyes 11:36

Ha ita’ýrape opytáta peteĩ tríbunte, che rembiguái David resape ohesape hag̃ua opaite ára che renondépe Jerusalénpe, pe táva Che aiporavova’ekue amoĩ hag̃ua ipype che réra.

Job 29:3

hesape ombojajaiva’ekue che akã ári ha che aguatámi hesapépe iñypytũha rupi,

Salmokuéra 112:4

Umi heko potĩvape g̃uarã oĩta peteĩ tesape oguata ramojepe pytũguýpe, Ha’e ipy’a porã ha oporoporiahuvereko hekoitépe.

Salmokuéra 18:28

Nde remyendy chéve che rataindy, che Ruete, che Jára, ohesapéva chéve iñypytũha rupi.

Salmokuéra 27:1

Ñanderuete ningo che rekove resape ha che salvador, mávagui piko akyhyjéta. Ñanderuete che rekove mombaretehára, mávagui piko añemondýita.

Salmokuéra 4:6

Heta oĩ he’íva: Máva piko ohechaukáta ñandéve mba’e iporãva. Nde, ore Ruete, ehupína oreári nde rova ojajaipáva.

Salmokuéra 84:11

Ñanderuete ñanemo’ã porã ha kuarahýicha ñanderesape. Jeporiahuvereko ha terakuã porã Ñanderuete ome’ẽkuaa. Ha umi heko potĩvape Ha’e ohovasava’erã.

Salmokuéra 97:11

Tesape oñemyasãi heko potĩvape g̃uarã, ha vy’a umi ipy’a potĩvape g̃uarã.

Isaías 50:10

Mávapa pende apytépe okyhyje Ñanderuetégui, ha ohendu hembiguái ñe’ẽ. Ha nde reiko ramojepe pytũ guýpe térã nderehechái ramojepe pe arasakã, ejerovia Ñanderuete rehe, ha ejejoko nde Jára rehe.

Miquéas 7:9

Ñanderuete pochy agueropu’akáta añemoangaipa haguére henondépe, Ha’e chembojovakéta ha ojapóta chéve pe hekoite peguáva, Ha’e cherenohẽta hesakãháme ha ahecháta ijustícia.

Malaquías 4:2

Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.

Juan 12:46

Che ningo pe Tesape ha aju ko yvy apére, opaite cherehe ojeroviáva ani hag̃ua opyta pytũnguýpe.

Juan 8:12

Hesu he’i jevy ichupekuéra: Che ningo ko múndo resape. Upe oúva che rapykuéri ndoikomo’ãvéima pytũnguýpe, oguerekóma uvei pe tekove resape.

Apocalípsis 21:23

Ha pe tavaguasu noikotevẽi kuarahy térã jasy rehe ohesape hag̃ua ipype, Ñanderuete reko jajaipa, ohesape ipype, ha péva ningo pe Ovecha Ra’y voihína.