2 Samuel 22:11

Ñanderuete Ñe’ẽ Porã 2015

Ha’e ojupi peteĩ querubin (ángel) ári, ha oveve; ojehecha ichupe yvytu pepo ári.

Referencias Cruzadas

Genesis 3:24

Ha omosẽ okápe Adan ha Évape, ha omoĩ Eden yvatýpe kuarahyresẽ gotýo querubinkuéra (ángel ruvicha) ikyse puku hendýva ha omýiva opa gotýo, oñangareko hag̃ua pe yvyra oporomoingovéva rape rehe.

2 Samuel 6:2

Ha David opu’ã oho hag̃ua Baala, Juda peguápe, opaite hetãyguakuéra ndive ogueru hag̃ua upégui Ñanderuete karameg̃ua, oñehenoiháme yvága atykuéra Jára rérape, pe oikóva querubinkuéra pa’ũme.

Salmokuéra 104:3

Nde remopu’ã nde róga y mbytépe, Nde remoĩ umi arai nde cárro ramo. Nde reveve pe yvytu pepo ári.

Salmokuéra 139:9

Ajapyhy ramo pe ko’ẽju pepo ha aha ramo aiko pe yguasu rembe’ýpe,

Salmokuéra 18:10

Ha’e ojupi ha oveve querubin (ángel ruvichaguasu) ári, ha oveve pe yvytu pepo ári.

Salmokuéra 68:17

Ñanderuete cárro ñorãirõ megua ndaikatúi ojepapa, Ñanderuete voi og̃uahẽ hendag̃ua porãitépe Sinaígui.

Salmokuéra 80:1

Nde voi ningo Israel rerekua, upévare ehendumína ha eñangarekomína ku ovecha rerekuáicha Israel rehe, ha Nde reguapýva querubinkuéra (angelkuéra) ári ehechaukamína nde reko jajaipa.

Salmokuéra 99:1

Ñanderuete ningo pe mburuvichaguasuetéva ha upévare tetãnguéra oryryipáta. Iguapyha oĩ umi querubin (ángel ruvicha) ári, pe yvy ovavapáta.

Éxodo 25:19

Mokõive apýrape emohenda umi querubin, peteĩ óro pehẽnguégui rejapóta pe karameg̃ua juru mbotyha ha umi mokõi querubin.

Ezequiel 9:3

Ha Israel Jára reko jajaipa opu’ã pe querubin (ángel ruvicha) árigui, oĩ haguépe, ha oho pe óga rokẽ pyrũha gotýo ha Ñanderuete ohenói pe kuimba’épe, oñemondéva ao linoguiguápe, oguerekóva iku’a rehe pe kuatia haihára ryru,

hebreoyguakuerape 1:14

Umi yvága rembiguái (pytu katukuéra) Ha’e ombou yvy apére oipytyvõ hag̃ua umi ojesalvátavape.

1 Samuel 4:4

Ha omondo hikuái tetãyguakuéra ijapytégui, ogueru hag̃ua pe karameg̃ua, oĩva yvága atykuéra Jára querubinkuéra (angelkuéra) ra’ãnga mbytépe ha mokõive Eli ra’y, Ofni ha Finees, omoirũ pe karameg̃ua.