2 Samuel 21:7

Ñanderuete Ñe’ẽ Porã 2015

David osalva Mefibóset, Jonatan ra’ýpe, Saul ra’yre; David ha Jonatan, Saul ra’y, oñembopy’apeteĩva’ekue Ñanderuete renondépe.

Referencias Cruzadas

2 Samuel 16:4

Upémaramo tetã ruvicha he’i Sibápe: Eikuaa porãke, che ambohasapaha ndéve g̃uarã, Mefibóset oguerekova’ekue guive. Ha Siba he’i oñakãitývo: Che retã ruvicha, che jára, tajohu py’aporã ne renondépe.

2 Samuel 19:25

Ha Mefibóset osẽ Jerusaléngui ohug̃uaitĩ hag̃ua tetã ruvichápe, ha David he’i ichupe: Mefibóset, mba’éguipa nderehói chendive ra’e.

2 Samuel 4:4

Ha Jonatan, Saul ra’y, ita’ýra peteĩ ipy karẽva. Ha’e oguereko ramo 5 áño og̃uahẽ ñe’ẽ rerahahára omombe’úvo Saul ha Jonatan omano hague, herekua ohupi ichupe ha okañy pya’eitereígui ha’e ho’a ichugui ha pe mitã opyta ikarẽ, hérakuri Mefibóset.

2 Samuel 9:1

Ha David oporandu: Hemby piko peteĩ Saul rogaygua, aiporiahuvereko hag̃ua ichupe Jonatan rayhupápe.

2 Samuel 9:10

Nde katu remba’apóta ijyvy rehe, nde ra’y ha ne rembiguaikuéra ndive, ha reñangarekóta imba’ekue rehe ikatu hag̃uáicha nde jára ra’y oguereko tembi’u ho’u hag̃ua; ha Mefibóset, nde jára ra’yre okarúta tapiaite che mesápe. Ha Siba oguereko 15 ta’ýra ha 20 tembiguái.

2 Samuel 9:6

Ha Mefibóset, Jonatan ra’y, Saul ra’yre, ou David rendápe, ojeity hováre yvýpe omomba’e hag̃ua Davídpe. Ha David he’i: Mefibóset. Ha ha’e he’i: Na’ápe aĩ, ne rembiguái.

2 Samuel 9:7

Ha David he’i ichupe: Ani rekyhyjétei, che añetehápe roiporiahuverekóta nde ru Jonatan rayhupápe, ha ame’ẽmbáta ndéve nde ru Saul yvy; ha nde katu tapiaite rekarúta che mesápe.

Eclesiástes 8:2

Che ha’e ejapo hag̃ua hekoitépe tetã ruvicha rembipota repromete haguéicha Ñanderuetépe.

1 Samuel 18:3

Jonatan ha David oñoñe’ẽme’ẽ, Jonatan ohayhúgui Davídpe, ha’e ojehayhu háicha.

1 Samuel 20:12

Upépe Jonatan he’i Davídpe: Ñanderuete, Israel Jára toiko techahare ramo. Ha che aporandu ramo ko’ẽ ramo térã ko’ẽ ambue ramo ko horaitépe che rúpe ha osẽ porãmba ramo nendive g̃uarã, voiete che amondóta ne rendápe aikuaauka hag̃ua ndéve.

1 Samuel 20:15

Ha ani remboyke nde poriahuvereko araka’eve che rogayguágui. Ág̃a Ñanderuete oikytĩmbávo peteĩteĩ yvy apéregui nderehe ija’e’ỹvape, aníke reheja oñemboykétei Jonatan réra nde rógagui.

1 Samuel 20:17

Péicha Jonatan ome’ẽ jevy iñe’ẽ Davídpe, ohayhúgui ichupe, Jonatan ohayhu voi Davídpe ha’e ojehayhu háicha.

1 Samuel 20:42

Ha Jonatan he’i Davídpe: Tereho angapytu’upópe, Ñanderuete reraitépe ñame’ẽ ojupe ñane ñe’ẽ ja’évo: Ñanderuete toĩ ñane pa’ũme, ne ñemoñare ha che ñemoñare pa’ũme, opaite árape. Ha David opu’ã oho hag̃ua; ha Jonatan oike jevy pe távape.

1 Samuel 20:8

Eiporiahuverekóna ne rembiguáipe reme’ẽma voi ningo ne ñe’ẽ ne rembiguáipe Ñanderuete rérape. Ha oĩ ramo chepype teko ñaña, chejukakuaa, natekotevẽi chereraha nde ru rendápe.

1 Samuel 23:18

Ha mokõivéva oñoñe’ẽme’ẽ jevy ojupe Ñanderuete renondépe, ha David opyta Horéspe, ha Jonatan oho jevy hógape.

1 Samuel 24:22

Upérõ David ome’ẽ iñe’ẽ Saúlpe. Ha Saul oho hógape, ha David ha iñirũnguéra ojupi jevy pe cérro ijyvatevehápe.