2 Samuel 21:17

Ñanderuete Ñe’ẽ Porã 2015

Ha Abisai, Sarvia memby, og̃uahẽ oipytyvõ hag̃ua ichupe, ha oikutu pe Filisteayguápe ha ojuka ichupe. Upémaramo David irũnguéra oñe’ẽme’ẽvo he’i ichupe: Araka’eve ko ára guive tenonderã gotýo neresẽmo’ãvéima orendive ñorãirõme, aníntemo rembogue Israel resapeha.

Referencias Cruzadas

2 Samuel 14:7

Ha péina mayma che génteva opu’ã cherehe he’ívo: Eme’ẽke pe tyke’ýra jukaharépe, rojuka hag̃ua avei ichupe ojuka haguére ityke’ýrape. Péicha ramo ningo oñemboguéta tatapỹimi hembýva chéve, ndopytamo’ãvéi che ména réra ha iñemoñare yvy apére.

2 Samuel 18:2

Upérõ David omboja’o iñorãirõharakuéra mbohapy atýpe: Peteĩ aty opyta Joab poguýpe; ambue aty opyta Abisai, Sarvia memby poguýpe; ha ambue aty opyta Itai, Gatgua poguýpe. Ha tetã ruvicha he’i hetãyguakuérape: Che avei asẽta penendive.

2 Samuel 18:3

Hetãyguakuéra katu he’i: Neresẽmo’ãi orendive; ore rokañy mba’e ramo, noñepenamo’ãi orerehe; toromanomba jepe ore aty mbyte peve, noñepenamo’ãi orerehe; nde katu ko’ág̃a nde rekove repy oñembojoja 10.000 orekuéravape. Iporãitevéta nde orepytyvõ ramo ko táva kóva guive.

2 Samuel 22:19

Ojeity hikuái cheári che ajepy’apy jave, Ñanderuete katu chepytyvõ.

2 Samuel 22:29

Nde, ore Ruete, che rataindy, che Jára omyesakã chéve che renda iñypytũháme.

1 Réyes 11:36

Ha ita’ýrape opytáta peteĩ tríbunte, che rembiguái David resape ohesape hag̃ua opaite ára che renondépe Jerusalénpe, pe táva Che aiporavova’ekue amoĩ hag̃ua ipype che réra.

1 Réyes 15:4

Ñanderuete ohayhúgui Davídpe oheja peteĩ iñemoñare oisãmbyhy hag̃ua itúva rendaguépe Jerusalénpe.

Salmokuéra 132:17

Upépe ambohoky pyahu jevýta David pu’aka, ambosako’íta pe tesape che aiporavóvape g̃uarã.

Salmokuéra 144:10

Nde reme’ẽ pu’aka tetã ruvichakuérape, ha reguenohẽ ne rembiguái Davídpe iñañáva poguýgui ha ikyse pukúgui.

Salmokuéra 46:1

Ñanderuete ñanemo’ã ha ñanemombaretéta jajejopy vai jave,

Jeremías 40:15

Upéramo Johanan, Carea ra’y, he’i ñemiháme Gedalíaspe, oĩva Mizpápe: Che aháta ajuka hag̃ua Ismael, Netanías ra’ýpe, ha avave ndoikuaamo’ãi. Mba’érehepa ha’e ndejukáta, ha mayma umi Judaygua ijatyva’ekue guive nde ypýpe isarambipa jevýta, ha Juda rembyremi opáta.

Juan 5:35

Juan oikova’ekue tataindy ramo omimbi hag̃ua ha peẽ pevy’aseva’ekue sapy’amínte jepe hesape rendýpe.