2 Samuel 21:16

Ñanderuete Ñe’ẽ Porã 2015

Upérõ Isbi-benob, peteĩ kuimba’e ijyvateitereíva (gigánte) ñemoñare, ijyvyra puku akua apýra oguereko 3,35 kílo brónce omonde avei hetemo’ãha pyahu ha iku’akuápe peteĩ kyse puku pyahu, ha ha’e oñeha’ãmba ojuka hag̃ua Davídpe.

Referencias Cruzadas

Genesis 14:5

Ha pe áño 14-hápe Quedorlaomer ou ambue tetã ruvichakuéra ndive hendápe, ha ombopoguy Refayguakuérape, Astarot Karnaímpe, ha umi Zuziguápe Hámpe, umi Emiguápe Savequiriataim ñuguasúpe,

Genesis 6:4

Umi árape oĩ yvy apére kuimba’e yvate ha hete tuicháva (gigánte); upejave og̃uahẽ avei Ñanderuete ra’ykuéra oiko hag̃ua kuimba’e rajykuéra ndive ha omomemby ichupekuéra. Imembykuéragui oiko kuimba’e herakuã porã ha ipy’aguasuetéva.

2 Samuel 21:18

Oiko jevy peteĩ ñorãirõ Filisteayguakuéra ndive Góbpe; upéramo Sibecái, peteĩ Husatgua, ojuka Sáfpe, kóva avei umi kuimba’e ijyvateitereíva ñemoñare.

2 Samuel 21:20

Upéi oiko jevy ambue ñorãirõ Gátpe, irundyháma, pépe oĩkuri peteĩ kuimba’e ijyvateitereíva, ha’e 6 ikuã, ha 6 ipysã avei, oñondivepa 24; ha’e avei kuimba’e ijyvateitereíva ñemoñare.

2 Samuel 21:22

Ko’ã irundy kuimba’e ijyvateitereíva ñemoñare oiko Gátpe, ha’ekuéra ho’ava’ekue David ha hembiguaikuéra po rupi.

2 Samuel 5:18

Ha Filisteayguakuéra ou oñemyasãi Refain yvypépe (ñuguasúpe).

Números 13:22

Oike hikuái Négevpe ha ohasa Hebron peve; upépe oiko Ahiman, Sesai ha Talmai, Anac ra’ykuéra. Hebron oñemopu’ãva’ekue 7 áño oñemopu’ã mboyve Zoan, Egípto retãme.

Números 13:28

Canaan retãyguakuéra katu imbarete, itavakuéra ituichaiterei ha ikorapy jere yvate; rohecha avei upépe Anac ra’ykuérape.

Deuteronómio 1:28

Ore pehẽnguekuéra orembopy’amirĩ ha he’i hikuái: Ko’ã tetãyguakuéra ituicha ha ijyvateve ñandehegui, itavakuéra ituichaiterei ha itáva kora jere ijyvate ára peve; ha avei rohecha upépe umi Anac ra’yrekuérape (gigantekuérape).

Deuteronómio 2:10

Umi Emgua oiko ypyva’ekue ipype, tetãyguakuéra tuichaite ha hetáva, ha ijyvate Anac ñemoñarenguéraicha.

Deuteronómio 2:11

Ichupekuéra ojeguerekóva kuimba’e tuichaitéva ramo, Anac ñemoñarenguéraicha; ha Moabguakuéra ombohéra umívape: Emguakuéra (tekove oporomongyhyjéva).

Deuteronómio 2:21

Ko’ã tetãygua ituicha, heta ha ijyvateteva’ekue, Anac ñemoñarenguéraicha; Ñanderuete katu ohundi ichupekuéra Amonguakuéra renondépe. Péicha ojehu ichupekuéra, ha Amonguakuéra oiko hendaguépe.

Deuteronómio 3:11

Og, Basan retã ruvicha añoite hembyva’ekue umi kuimba’e ijyvateitereígui (gigántegui). Hupa hierroguigua, oĩ gueteri Rabápe, Amon ñemoñarenguéra távape; hupa ipuku 3,94 métro ha ipe 1,75 métro.

Deuteronómio 9:2

Peteĩ tetã tuicha ha ijyvatéva, umi Anac ñemoñare, peikuaa voi ichupekuéra, ha pehendu oje’e ramo: Mávapa ikatúne ipu’aka Anac ñemoñarenguéra rehe.

Josué 11:22

Umi Anacgua nahembyvéi peve Israel ñemoñarenguéra yvýpe; Gáza, Gat ha Asdodpemante hemby mbovymi.

Josué 15:14

Ha Caleb omosẽ upégui mbohapyve Anac ra’ykuérape: Sesai, Ahiman ha Talmáipe.

1 Samuel 17:7

Ijyvyra puku hakuáva ojogua ao pyahaha yvyra apu’ápe, ha ijapýra (ipúnta) oguereko 6,7 kílo hiérro ha henonderãme oguata imo’ãha.