2 Samuel 21:14

Ñanderuete Ñe’ẽ Porã 2015

oñotỹmba hag̃ua Benjamin yvýpe, Zelápe, itúva Cis tyvýpe; ha ojejapopaite tetã ruvicha David he’iukava’ekue guive. Upeguive Ñanderuete ojapo jevy mba’eporã Israel retã rehe.

Referencias Cruzadas

2 Samuel 21:13

ha upégui oguerahauka Saul ha ita’ýra Jonatan kanguekue, ha ogueraha avei umi ojejuvyva’ekue kanguekue,

2 Samuel 24:25

Ha upépe David omopu’ã peteĩ kuave’ẽmby renda Ñanderuetépe g̃uarã ha oikuave’ẽ kuave’ẽmby ojehapypáva ha kuave’ẽmby py’aguapy reheguáva; ha Ñanderuete ohendu David mba’e jerure asy, ha opi pe mba’asy vai Israel retãme.

2 Samuel 3:32

Ha oñotỹ hikuái Abnérpe Hebrónpe; ha tetã ruvicha hatã ojahe’o Abner tyvy ypýpe; ha ojahe’o avei mayma tetãyguakuéra.

2 Samuel 4:12

Upémaramo David he’i hembiguaikuérape ojuka hag̃ua ichupekuéra ha omano rire oikytĩ ichuguikuéra mokõive ipo ha ipy, ha omosãingo Hebron yenda yke rehe. Upéi ogueraha Isboset akãngue ha oñotỹ Abner tyvýpe, Hebrónpe.

Jonas 1:15

Ha ojapyhy hikuái Jonáspe, ha omombo ichupe yguasúpe, ha pe yguasu pochyete opyta okirirĩ.

Zacarías 6:8

Upéi cherenói, ha oñe’ẽ chéve, ha he’i: Ema’ẽ, umi osẽmava’ekue rehe pe tetã yvate gotýo, ogueraha che pytu porã ombopy’aguapy hag̃ua pe tetã yvate gotyoguápe.

Números 25:13

ha’e ha iñemoñarenguéra oikovetaha pa’ikuéra ramo opaite ára peve, hakate’ỹgui Ijára rehe, ha ombopy’aguapy jevy chendive Israel ñemoñarenguérape.

Números 25:8

ha oho pe kuimba’e Israelgua róga tymba pirekue peguápe ha oikutu mokõivévape ijyvyra puku akuápe, pe kuimba’e Israelguápe ha pe kuñáme oikutu hyépe. Ha opi pe ñemanoguasu Israel ñemoñarenguéra apytépe.

Josué 18:28

Zela, Elef, Jebus (pevahína Jerusalen), Gibea ha Quiriat; 14 táva itava’ikuéra reheve. Ko’ã táva hogaguasukuérape g̃uarã.

Josué 7:26

Hi’arikuéra omopu’ã hikuái peteĩ ita atýra ndetuicháva, ha péva oĩ gueteri ko ára kóva peve. Ha Ñanderuete pochy ogue, upévare pe valle péva oñehenói Acor válle, ko ára kóva peve (he’ise: po’a’ỹ válle).

1 Samuel 10:2

Ko árape rejeívo che ypýgui, rejohúta mokõi kuimba’épe Raquel tyvy ypýpe, Benjamin yvýpe, Selsápe, ha ha’ekuéra he’íta ndéve: Umi búrro kuña pehekáva ojejohúma; nde ru ndojepy’apyvéima pende búrro kuñakuéra rehe, ojepy’apýma penderehénte, ha he’i: Mba’épa ikatu ajapo che ra’y rehehápe.