2 Samuel 21:1

Ñanderuete Ñe’ẽ Porã 2015

Ou peteĩ ñembyahýi mbohapy áño pukukue David oikoveha árape, ha David omba’eporandu Ñanderuetépe, ha Ha’e he’i ichupe: Péva ojehu Saul ojuka haguére heta Gabaonguápe.

Referencias Cruzadas

Genesis 12:10

Umi ára rire ou ñembyahýi ndetuicháva Canaan retãme, ha Abram oho Egíptope oiko hag̃ua upépe; tuichaitereígui pe ñembyahýi Canaan retãme.

Genesis 26:1

Upéi ou peteĩ ñembyahýi ndetuicháva pe tetãme, ojehu haguéicha Abraham árape; ha Isaac oho Abimelec, pe Filisteaygua retã ruvicha rendápe, Gerárpe.

Genesis 41:57

Ha opaite tetãgui oñeg̃uahẽ Egíptope ojogua hag̃ua Joségui hembi’urã, pe ñembyahýi og̃uahẽgui opaite tetãme.

Genesis 42:5

Ha Israel ra’ykuéra oho omba’ejoguávo ambuekuéra apytégui; oĩgui avei ñembyahýi tuicháva Canaan retãme.

Genesis 43:1

Ha ivaive ohóvo pe ñembyahýi Canaan retãme;

2 Samuel 16:8

Ko’ág̃a Ñanderuete omyengoviáma ndéve opaite Saul rogaygua ruguy reñohẽva’ekue reisãmbyhy hag̃ua hendaguépe ha upévare Ñanderuete omoĩma tetã ruvicha guapyhápe nde ra’y Absalónpe; nde rehupity hag̃ua ne ñañangue repy reha’ãrõ’ỹva, nde ningo kuimba’e tuguy ñohẽhára voi.

2 Samuel 20:26

ha Ira, peteĩ Jairgua, opyta David pa’i ramo.

2 Samuel 21:5

Ha’ekuéra he’i jevy tetã ruvichápe: Pe kuimba’e orembyaiseva’ekue, ha oñeha’ãmbaiteva’ekue orehundiete hag̃ua Israel retãpýgui, ichuguínte

2 Samuel 24:1

Ñanderuete ipochy Israel ndive, David oñembotuicha haguére ipy’apýpe, upévare Ñanderuete voi omoinge David akãme ha’e oipapauka hag̃ua Israel ñorãirõharakuérape, upévare David he’i Joábpe: Tereho ha eipapa Israelgua ha Judayguakuérape.

2 Samuel 5:19

Upéramo David omba’eporandu Ñanderuetépe, ha he’i: Ajeitýtapa Filisteayguakuéra ári ha remoĩtapa ichupekuéra che pópe. Ha Ñanderuete he’i Davídpe: Tereho, añetehápe Che amoĩta Filisteayguakuérape nde pópe.

2 Samuel 5:23

Ha David omba’eporandu jevy Ñanderuetépe. Ha’e he’i ichupe: Ani rejupítei henonderãme, ejere katu ha ejeity hi’arikuéra hapykuéguio.

1 Réyes 17:1

Upérõ Elías, peteĩ Tisbetgua, Galaadgua yvýgui, he’i Acábpe: Ñanderuete, Israel Jára, pe oikovéva tapia g̃uarã chejokuái che ha’e hag̃ua ndéve ko’ã áño pukukue javeve ndoikomo’ãiha ama ni ysapy, che ñe’ẽ rupímante.

1 Réyes 18:2

Ha Elías oho ojehechauka hag̃ua Acábpe. Ha pe ñembyahýi ojopyetereíma Samária retãme.

2 Réyes 6:25

Ha tuicha ñembyahýi oĩ Samáriape, oñemongorapaite haguére; peteĩ búrro akãngue jepe oñeme’ẽ 893 grámo pláta (óro morotĩ) rehe, ha 250 grámo pykasu repoti 56 grámo pláta rehe.

2 Réyes 8:1

Eliséo oñe’ẽ pe kuñakarai ndive, imembýpe ha’e omoingove jevyva’ekuépe, ha he’i ichupe: Epu’ã ha tereho nde ha opaite nde rogayguakuéra mamo ikatuhápe; Ñanderuete omboútagui ñembyahýi ipohýiva ko tetãme 7 áño pukukue.

Job 10:2

Ha’ese Ñanderuetépe: Ani chehundítei, emyesakãmína chéve mba’érehepa ndepochy chendive.

Salmokuéra 27:8

Che py’apy ningo he’i voi: Peju Ñanderuete rendápe, peheka añetehápe ichupe.

Salmokuéra 50:15

Ha cherenói nde jepy’apyha árape, Che roipytyvõta ha nde chemomba’eguasúta.

Salmokuéra 91:15

Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe.

Levítico 26:26

Uperire aipe’áta che ñepytyvõ ani hag̃ua pehupity pan peneryg̃uatã hag̃ua, 10 kuña ombojyva’erã pene pankuéra peteĩ tatakuápente, ome’ẽ jevyva’erã peẽme pene pan oñeha’ãvo ipohyikue; ha pe’u ramo jepe napeneryg̃uatãmo’ãi.

Números 27:21

Ha’e toñembo’y pa’i Eleazar renondépe, ha ha’e omba’eporandúta pende Ruetépe Urim ha Tumim rupi; ha mayma Israel rogaguasukuéra taiñe’ẽrendu ha’e he’ívape guive.

Josué 7:1

Peteĩ Israelgua katu opyrũ Ñanderuete ñe’ẽ rehe, oñongatu ijupe g̃uarãnte umi mba’e oñemaldeci mbyrévagui: Acan, Carmi ra’y, Zabdi ra’yre, Zera ra’yre, Juda tríbu reheguáva, ojapyhy pe oñemaldeci mbyrévagui, upévare Ñanderuete ipochy Israel retã rehe.

Josué 9:20

Kóicha jajapóta ichuguikuéra: Jahejáta toikove, ani hag̃ua ou ñandeári Ñanderuete pochy, ndajajapói ramo ñane ñe’ẽ,

Rut 1:1

Umi mbojovakehára oisãmbyhy aja Israélpe, peteĩ ñembyahýi ndetuicháva ou Israel retãme. Ha peteĩ karai, Belen Juda pegua, oho oiko hag̃ua Moab retãme, hembireko ha ita’ýra mokõi ndive.

1 Samuel 10:22

Upéi oñeporandu Ñanderuetépe ne’ĩrapa ou Saul, ha Ñanderuete he’i jevy: Péina ha’e okañy umi cárga (vultokuéra) apytépe.

1 Samuel 23:11

Ko’ã Keilaygua piko chembohasáta Saul pópe ha oguejýtapa Saul ko távape ne rembiguái ohendu haguéicha. Ñanderuete, Israel Jára, ajerure ndéve emyesakã hag̃ua ne rembiguáipe. Ha Ñanderuete he’i: Añete oguejýta.

1 Samuel 23:2

Ha David omba’eporandu Ñanderuetépe he’ívo: Ahátapa ajeity hag̃ua Filisteayguakuéra ári. Ha Ñanderuete he’i ichupe: Tereho ha ejeity Filisteayguakuéra ári ha eguenohẽ Keilayguakuérape ipoguikuéra.

1 Samuel 23:4

Upémaramo David omba’eporandu jevy Ñanderuetépe. Ha Ñanderuete he’i jevy ichupe: Epu’ã katu, eguejy Keilápe, Che voi amoĩta Filisteayguakuérape nde pópe.