2 Samuel 20:6

Ñanderuete Ñe’ẽ Porã 2015

Upéicharõ David he’i Abisaípe: Seba, Bicri ra’y, ko’ág̃a ojapóta ñanderehe mba’evaieteve Absalóngui; upévare ejapyhy nde jára rembiguaikuéra, ha tereho hapykuéri anítei oike peteĩ táva oñemongorávape ha okañy ñandehegui.

Referencias Cruzadas

2 Samuel 10:14

Amon ñemoñarenguéra ohechávo umi Siriaygua okañymbamaha, ha’ekuéra okañy avei Abisai renonderãgui, ha oikepa itavapýpe oñemo’ã hag̃ua. Ha Joab oheja Amon ñemoñarenguéra ha ojevy Jerusalénpe.

2 Samuel 11:11

Ha Urías he’i jevy Davídpe: Ñande Ruete karameg̃ua oĩ carpaguýpe, Israelgua ha Judayguakuéra, che jára Joab, ha che jára rembiguaikuéra oikopa ñúre. Ha chépa aikéta che rógape akaru ha amboy’u hag̃ua ha ake hag̃ua che rembireko ndive. Nde rekove rehe, ha ne ánga rekove rehe, che ndajapomo’ãi ko’ãichagua mba’e.

2 Samuel 18:12

Pe kuimba’e he’i Joábpe: Jepémo reha’ã chéve 117 kílo pláta, ndaipysomo’ãi che po tetã ruvicha ra’y rehe; ore rohendúkuri tetã ruvicha he’i ramoguare ndéve, Abisai ha Itaípe. Peñangarekóke, ani avave opoko mitãrusu Absalon rehe.

2 Samuel 18:2

Upérõ David omboja’o iñorãirõharakuéra mbohapy atýpe: Peteĩ aty opyta Joab poguýpe; ambue aty opyta Abisai, Sarvia memby poguýpe; ha ambue aty opyta Itai, Gatgua poguýpe. Ha tetã ruvicha he’i hetãyguakuérape: Che avei asẽta penendive.

2 Samuel 19:7

Ko’ág̃a epu’ã katu, tereho okápe ha eñe’ẽ porã ne rembiguaikuérape; ndaupéichai ramo che ha’e ndéve Ñanderuete rérape ndopytamo’ãiha nendive peteĩ kuimba’énte jepe ko pyharépe; ha péva ivaivéta ndéve opaite mba’evai ojehumava’ekue ndéve ne mitã guive ko ára kóva peve.

2 Samuel 2:18

David kuimba’e apytépe oĩ mbohapyve Sarvia memby: Joab, Abisai ha Asael. Ko Asael iñakuã peteĩ guasu ñúme guáicha.

2 Samuel 21:17

Ha Abisai, Sarvia memby, og̃uahẽ oipytyvõ hag̃ua ichupe, ha oikutu pe Filisteayguápe ha ojuka ichupe. Upémaramo David irũnguéra oñe’ẽme’ẽvo he’i ichupe: Araka’eve ko ára guive tenonderã gotýo neresẽmo’ãvéima orendive ñorãirõme, aníntemo rembogue Israel resapeha.

2 Samuel 23:18

Abisai, Joab pehẽngue, Sarvia memby, omyakã ko’ã 30-pe. Ha’e omopu’ã ijyvyra puku akua 300 hese ija’e’ỹva rehe, ha ojukapa ichupekuéra, oñemoherakuã porã avei ichupe ko’ã mbohapy apytépe.

2 Samuel 3:30

Joab ha Abisai ojukágui Abnérpe, ha’e ojuka haguére Asael, ipehẽnguépe Gabaon ñorãirõháme.

2 Samuel 3:39

Ha chekangy gueteri ko árape, jepémo ajeporavóma tetã ruvicha ramo; ha ã kuimba’e, Sarvia membykuéra, chéve g̃uarã imbareteiterei; upévare Ñanderuete tomyengovia hembiapo vaikue, iñañaiterei haguére.

1 Réyes 1:33

ha’e he’i ichupekuéra: Pehenoimba che ñorãirõ irũnguérape, ha pehupi che ra’y Salomónpe che renda mburica ári, ha pegueraha Gijónpe.

1 Crónicas 11:20

Ha Abisai, Joab ryvy, ha’e mburuvicha avei umi 30 apytépe, péva omongu’engu’e ijyvyra puku akua 300 rehe, ojukapa peve, ha ohupity terakuã ndetuicháva umi mbohapy apytépe.

1 Crónicas 18:12

Abisai, Sarvia memby, sarambi ojapo 18.000 Edomgua apytépe, pe jukyty cerrokuéra pa’ũme.

Jeremías 8:14

Ha Judayguakuéra he’íta mba’érehe piko jaguapy rei ko’ápe. Ñañembyatypa ha jaike umi táva oñemombaretévape ñamano hag̃ua upépe; Ñanderuete, Ñandejára voi oipota ñamanomba, Ha’e ñanemboy’u iróvagui, ñañemohembiapo vai haguére Ñanderuete ndive g̃uarã.

Márcos 3:24

Ha peteĩ tetãguasu opu’ãrõ ijehe, upe tetãguasu ndoiko aremo’ãi.

1 Samuel 26:6

Upéramo David he’i Ahimélec, Hetguápe, ha Abisai, Sarvia membýpe, Joab pehẽngue: Mávapa oguejýta chendive Saul atýpe. Ha Abisai he’i: Che aguejýta nendive.