2 Samuel 20:21

Ñanderuete Ñe’ẽ Porã 2015

Ore rohekánte peteĩ kuimba’e Efrain cérro peguápe, hérava Seba, Bicri ra’y, oñemoĩva tetã ruvicha David rehe; pévape añoite peme’ẽ, ha aháta pende távagui. Ha pe kuña he’i Joábpe: Péina ápe iñakãngue oñemombóta ndéve tápia árigui.

Referencias Cruzadas

2 Samuel 20:1

Ha oiko upépe peteĩ kuimba’e iñañáva, hérava Seba, Bicri ra’y, peteĩ Benjamingua, péva ombopu pe turu, ha he’i: Ñande ndajarekói mba’eve David ndive, ha mba’evete Isai ra’y ndive, Israelguáva guive tohopa hógape.

2 Samuel 20:2

Péicha opaite kuimba’e Israelgua oheja rei Davídpe oho hag̃ua Seba, Bicri ra’y rapykuéri; Judayguakuéra katu oho David rapykuéri pe ysyry Jordan guive Jerusalen peve.

2 Samuel 20:20

Joab he’i jevy: Mba’evéicha ramo ani ko’ã mba’e ojehútei chéve, che nahundiséi ha nambyaiséi pende táva.

2 Samuel 23:18

Abisai, Joab pehẽngue, Sarvia memby, omyakã ko’ã 30-pe. Ha’e omopu’ã ijyvyra puku akua 300 hese ija’e’ỹva rehe, ha ojukapa ichupekuéra, oñemoherakuã porã avei ichupe ko’ã mbohapy apytépe.

1 Réyes 11:26

Jeroboam, Nebat ra’y, peteĩ Efraingua Seredágui, Salomón rembiguái voi, isy héravakuri Zerua ha iména omanova’ekue, omopu’ã avei ipo tetã ruvicha rehe.

2 Réyes 10:7

Og̃uahẽvo ichupekuéra pe kuatiañe’ẽ, ojapyhy hikuái tetã ruvicha ra’ykuérape ha oakã’o hikuái umi 70 kuimba’épe, ha omoĩ hikuái iñakãnguekuéra ajakápe oguerahauka hag̃ua Jehúpe, Jizreélpe.

2 Réyes 5:22

Ha Gejazi he’i: Iporãmba. Che jára chembou ha’évo ndéve: Péina ag̃aite og̃uahẽ che rendápe Efrain cérrogui mokõi proféta remimbo’e: Ajerure ndéve eme’ẽmo ichupekuéra g̃uarã 33,5 kílo óro morotĩ ha mokõi ao hepyetéva.

Jeremías 4:15

Peteĩ marandu vai ou Dángui, ha ambue Efrain cérrogui.

Jeremías 50:19

Ha agueru jevýta Israélpe oiko haguépe, okaru hag̃ua Carmel ha Basan yvýpe ha hi’ánga oñemohyg̃uatãta Efrain cérrope ha Galaad ñúme.

Josué 24:33

Omano avei Eleazar, Aaron ra’y, ha oñotỹ hikuái ichupe Gibéa, ita’ýra Finees yvyteépe, Efrain cérrope.

Juéces 2:9

Ha oñotỹ hikuái ichupe ijyvy Timnat-heréspe, Efrain cérrope, Gaas cérrogui nórte gotýo.

Juéces 7:24

Gedeon omondo avei ñe’ẽrerahahára umi Efrain cérro rehe, he’ívo: Pejepoi Madiayguakuéra rug̃uaitĩvo, ha peñemoĩ Betbara ha Jordan ojehasahápe Madiayguakuéra og̃uahẽ mboyve. Ha oñondivepa mayma Efraingua, oñemohenda Betbara peve, ani hag̃ua hese ija’e’ỹva ohasa Jordan páso rupi.

Juéces 9:55

Ha umi Israelgua ohechávo Abimelec omanoha ojevypa hógape.

1 Samuel 24:6

Ha he’i iñirũnguérape: Ñanderuete tachepytyvõ ani hag̃ua ajapo umi mba’evai che jára rehe, Ñanderuete omonava’ekue acéite rehe (oiporavova’ekue), ani hag̃ua amopu’ã che po hese, Ñanderuete voi oiporavo haguére ichupe.

1 Samuel 26:9

David katu he’i Abisaípe: Anítei rejuka ichupe. Oimeraẽ omopu’ãva ipo Ñanderuete oiporavova’ekuére ojehavirava’erã katuete.