2 Samuel 2:28

Ñanderuete Ñe’ẽ Porã 2015

Upémaramo Joab ombopu hymba ratĩngue, ha mayma Judaygua opytapa ha nomuñavéi Israelguakuérape, ha noñorãirõvéi hikuái.

Referencias Cruzadas

2 Samuel 18:16

Upémaramo Joab ombopu turu ha tetãyguakuéra ojevy Israel rapykuérigui, Joab voi ojokógui hetãyguakuérape.

2 Samuel 2:27

Ha Joab he’i jevy: Ñanderuete rekovére, nde nereñe’ẽi rire tetãyguakuérape, ha’ekuéra omuñaveva’erãmo’ã ipehẽnguekuérape ko’ẽmba peve.

2 Samuel 20:22

Ha pe kuña iñarandúva oho oñe’ẽ hag̃ua itavayguakuéra ndive oakã’o hag̃ua Seba, Bicri ra’ýpe, ha omombo hikuái iñakãngue Joábpe; upérõ Joab ombopu pe turu ha ohopa hikuái hogakuérape. Ha Joab ou jevy tetã ruvicha rendápe Jerusalénpe.

2 Samuel 3:1

Saul rogayguakuéra ha David rogayguakuéra oñorãirõ are oñondive, David katu oñemombareteve ohóvo, Saul rogayguakuéra katu ikangyve ohóvo.

1 Samuel 13:3

Jonatan ojeity Filisteayguakuéra guárdia ári oĩvahína cérro rembe’ýpe, ha péva ohendu ambue Filisteayguakuéra. Upévare Saul ombopu’uka turu Israel retã rehe, he’ívo: Pehendúke Israelguakuéra.