2 Samuel 2:1

Ñanderuete Ñe’ẽ Porã 2015

Ko’ã mba’e rire David omba’eporandu Ñanderuetépe, he’ívo: Ajupítapa peteĩva ko’ã Juda távape. Ha Ñanderuete he’i ichupe: Ejupi. Ha David oporandu jevy: Mamópa ajupíta. Ha Ha’e he’i: Hebrónpe.

Referencias Cruzadas

Genesis 13:18

Upéramo Abram ova jevy ha omopu’ã hóga hymba pirekueguigua oiko hag̃ua Mámre yvyra encinatýpe opytáva Hebron yvýpe, upépe omopu’ã avei ikuave’ẽmby renda Ñanderuetépe g̃uarã.

Genesis 32:2

Ha Jacóbo he’i ohecha vove ichupekuéra: Ko’ápe Ñanderuete rekoha, ha ombohéra ko yvy Mahanaim.

2 Samuel 15:7

Irundy áño rire, Absalon he’i tetã ruvichápe: Che ajerure ndéve cherejána taha Hebrónpe, ame’ẽ hag̃ua che kuave’ẽmby ha’eva’ekue ame’ẽtaha Ñanderuetépe.

2 Samuel 2:11

David oisãmbyhy Juda tríbupe 7 áño ha 6 jasy Hebron guive.

2 Samuel 5:19

Upéramo David omba’eporandu Ñanderuetépe, ha he’i: Ajeitýtapa Filisteayguakuéra ári ha remoĩtapa ichupekuéra che pópe. Ha Ñanderuete he’i Davídpe: Tereho, añetehápe Che amoĩta Filisteayguakuérape nde pópe.

2 Samuel 5:23

Ha David omba’eporandu jevy Ñanderuetépe. Ha’e he’i ichupe: Ani rejupítei henonderãme, ejere katu ha ejeity hi’arikuéra hapykuéguio.

1 Réyes 2:11

Ha David oisãmbyhy Israel retã 40 áño; 7 áño oisãmbyhy Hebrónpe, ha 33 áño oisãmbyhy Jerusalénpe.

1 Crónicas 29:7

Ha ome’ẽ hikuái ojeporu hag̃ua Ñanderuete rógape g̃uarã 167.500 kílo óro ha 10.000 drácma óro (monéda Persiaygua, 10.000 drácma=83,6 kílo óro), ha 335.000 kílo pláta, ha 603.000 kílo brónce ha 3.350.000 kílo hiérro.

2 Crónicas 11:10

Zora, Ajalon ha Hebron, ko’ã táva opytapáva Juda ha Benjamin retãme ha’e omongoraukava’ekue.

Salmokuéra 143:8

Pyharevépe tañandu ne mborayhu, nderehe ajeroviágui, ehechaukamína chéve che raperã aguata porã hag̃ua, che ánga nderehénte ojerovia.

Salmokuéra 27:4

Peteĩ mba’e ajerure Ñanderuetépe, ha upéva ahekáta: Taiko Ñanderuete rogaguasúpe aikove aja pukukue ajepy’amongeta hag̃ua Ñanderuete rehe ha romomba’eguasu joáta ichupe.

Ezequiel 36:37

Péicha he’i, pende Ruete: Ko’ã mba’e rire, ajapovéta gueteri ambue mba’eporã Israel rógape g̃uarã; amboheta hetavéta hetãyguakuéra ku tymba atykuéra oñemboheta háicha.

Números 13:22

Oike hikuái Négevpe ha ohasa Hebron peve; upépe oiko Ahiman, Sesai ha Talmai, Anac ra’ykuéra. Hebron oñemopu’ãva’ekue 7 áño oñemopu’ã mboyve Zoan, Egípto retãme.

Números 27:21

Ha’e toñembo’y pa’i Eleazar renondépe, ha ha’e omba’eporandúta pende Ruetépe Urim ha Tumim rupi; ha mayma Israel rogaguasukuéra taiñe’ẽrendu ha’e he’ívape guive.

Josué 15:13

Ha Caleb, Jefone ra’ýpe oñeme’ẽ Quiriat-arba, Anac ru táva, pevahína Hebron, Juda ñemoñarenguéra apytépe, Ñanderuete he’i haguéicha Josuépe.

Juéces 1:1

Ha ojehu Josue omano rire, umi Israel ñemoñare omba’eporandu Ñanderuetépe he’ívo: Máva raẽpa ore apytégui ohóta ojeity hag̃ua Canaanguakuéra ári.

1 Samuel 10:22

Upéi oñeporandu Ñanderuetépe ne’ĩrapa ou Saul, ha Ñanderuete he’i jevy: Péina ha’e okañy umi cárga (vultokuéra) apytépe.

1 Samuel 23:2

Ha David omba’eporandu Ñanderuetépe he’ívo: Ahátapa ajeity hag̃ua Filisteayguakuéra ári. Ha Ñanderuete he’i ichupe: Tereho ha ejeity Filisteayguakuéra ári ha eguenohẽ Keilayguakuérape ipoguikuéra.

1 Samuel 23:4

Upémaramo David omba’eporandu jevy Ñanderuetépe. Ha Ñanderuete he’i jevy ichupe: Epu’ã katu, eguejy Keilápe, Che voi amoĩta Filisteayguakuérape nde pópe.

1 Samuel 30:31

Hebrónpe ha opaite tendápe David oiko hague rupi iñirũnguéra ndive.