2 Samuel 19:8

Ñanderuete Ñe’ẽ Porã 2015

Upémaramo tetã ruvicha opu’ã ha oguapy pe táva rokẽme, ha oñemomarandu opaite tetãyguakuérape, oje’évo: Péina ápe tetã ruvicha oguapyhína pe táva rokẽme. Ha opaite soldadokuéra ou tetã ruvicha rendápe; ambue Israelguakuéra ohopáma katu hogakuérape.

Referencias Cruzadas

2 Samuel 15:2

Ha Absalon opu’ã jepi pyhareve, ha oñemoĩ tape yképe oĩháme pe táva rokẽguasu; ha oimeraẽ oiko vaíva ha oúva tetã ruvicha rendápe ñembojovake rekávo, Absalon ohenói ichupe hendápe ha he’i: Mba’e tavayguápa nde. Ha ha’e he’i ichupe pe táva réra ou haguégui.

2 Samuel 18:17

Upéi ogueraha hikuái Absalon retekue, ha oity peteĩ yvykua pypukuetévape oĩva pe ka’aguýpe, ha omopu’ã hi’ári ita atýra tuichaitéva; ha opaite Israelgua okañymba hogakuérape.

2 Samuel 18:24

Ha David oguapyhína pe táva rokẽ ogaguýpe. Ha pe guárdia oñangarekóva pe távare, oguata jave pe táva tápia yvate ári pe táva okẽguasu gotýo, ojesaupívo oma’ẽ, ha ohecha peteĩ oúva oñanívo ha’eño.

2 Samuel 18:4

Upéramo tetã ruvicha he’i ichupekuéra: Che ajapóta peẽme iporãve háicha. Ha tetã ruvicha oñemoĩ táva rokẽ renondépe, isoldadokuéra osẽ aja aty atýpe, 100 ha 1000 kuimba’e reheguáva.

2 Samuel 19:3

Ha pe árape tetãyguakuéra oike ñemiháme távape, ha otĩete ku okañýva ramoguáicha ñorãirõ hágui.

1 Réyes 22:36

Pe kuarahy oikévo osẽ peteĩ ñe’ẽnduka, he’íva: Peteĩteĩva toho itavakuérape ha itríbu yvýpe,

2 Réyes 14:12

Ha Israel ombopoguy Judápe, ha peteĩteĩva ijapytégui okañy hógape.

2 Réyes 8:21

Joram upeaja ohasa Zaírpe opaite iñorãirõ cárro reheve; ha opu’ã pyhare ojeity hag̃uáicha Edomgua ári, ha’ekuéra katu omongora ichupe, icárro ruvichakuéra reheve; ha Israelguakuéra okañymba hóga tymba pirekueguiguápe.

1 Samuel 4:10

Ha umi Filisteaygua ipu’aka jevy Israelguakuéra rehe, ha oñanimba hikuái hekohápe; ha oiko jejuka ndetuichaitereíva Israelguakuéra apytépe, 30.000 kuimba’e yvy rupigua omano.