2 Samuel 19:18

Ñanderuete Ñe’ẽ Porã 2015

Ha ohasa rire hikuái pe y ojehasaha rupi ombosako’ipa ombohasa hag̃ua tetã ruvicha ha hogayguakuérape ibarcokuérape. Upéramo Siméi, Gera ra’y, oñesũ tetã ruvicha renondépe, ha’e ohasa mboyve pe ysyry Jordan.

Referencias Cruzadas

2 Samuel 19:17

Ha hendive ou 1.000 kuimba’e Benjaminguáva, ha avei Siba, Saul rogaygua rembiguaiguasu, 15 ita’yrakuéra ndive ha 20 hembiguaikuéra ndive, ha ha’ekuéra ohasa pe Jordan, tetã ruvicha og̃uahẽ mboyve.

2 Samuel 19:19

Ha he’i tetã ruvichápe: Ani reñongatu nde py’apýpe pe tembiapo vai ajapova’ekue ha ani nemandu’átei mba’evai ne rembiguái ojapova’ekue pe ára, nde che jára ha che retã ruvicha, resẽ ramoguare Jerusaléngui. Aníkena tetã ruvicha reñongatu umi mba’evai nde py’apýpe.

2 Samuel 19:30

Ha Mefibóset he’i hetã ruvichápe: Topytapa ichupe g̃uarã, che avy’áma che jára ha che retã ruvicha ou jevymaha py’aguapy reheve hógape.

2 Samuel 9:10

Nde katu remba’apóta ijyvy rehe, nde ra’y ha ne rembiguaikuéra ndive, ha reñangarekóta imba’ekue rehe ikatu hag̃uáicha nde jára ra’y oguereko tembi’u ho’u hag̃ua; ha Mefibóset, nde jára ra’yre okarúta tapiaite che mesápe. Ha Siba oguereko 15 ta’ýra ha 20 tembiguái.

2 Samuel 9:2

Ha oiko peteĩ tembiguái Saul rogaygua, hérava Siba, upévape oñehenói ou hag̃ua David rendápe. Ha tetã ruvicha David oporandu ichupe: Nde piko Siba. Ha ha’e he’i: Che ha’e, ne rembiguái.

1 Réyes 2:8

Nendive oĩ avei Simei, Gera ra’y, peteĩ Benjamin ñemoñaréva, peteĩ Bahurimgua, péva chemaldeciva’ekue pe ára aha ramoguare kañyháme Mahanáimpe. Ha aju jevývo Jerusalen gotýo ha’e cheruvaitĩ Jordánpe, ha che ame’ẽ ichupe che ñe’ẽ Ñanderuete rérape, ha’évo: Che ndorojukamo’ãi kyse pukúpe.

Salmokuéra 66:3

Peje Ñanderuetépe: Iporãite ningo ne rembiapokuéra, nderayhu’ỹva jepe ojeitýta ne renondépe ha nemomba’eguasuva’erã.

Salmokuéra 81:15

umi ohayhu’ỹva pende Ruetépe oñemomirĩva’erãmo’ã ha oikova’erãmo’ã hikuái opaite árape,

Apocalípsis 3:9

Ema’ẽ porã, Che amondóta ne rendápe Satana iglésia pegua, he’íva ijehe Israel ra’yha, ndaha’éi katu, ijapu uvei. Eikuaa porãke, Che voi amog̃uahẽta avei ichupekuéra ne rendápe ojeity hag̃ua ovapývo nde py renondépe, ha’ekuéra oikuaa hag̃ua Che rohayhu hague.

1 Samuel 22:15

Ko ára guivéntepa che amba’eporandu hesehápe Ñanderuetépe. Tamombyry chehegui; anítei tetã ruvicha reity rei ne rembiguái ári ko’ã mba’e, térã che ru rogaygua ári. Ne rembiguái ningo ndoikuaái mba’eve ko’ã mba’égui, taituicha térã taimichĩ.