2 Samuel 19:12

Ñanderuete Ñe’ẽ Porã 2015

Peẽ ningo che ryke’ykuéra voi, che kangue ha che ro’o. Mba’érepa pende tapykuéta pegueraha jevy hag̃ua tetã ruvichápe hogateépe.

Referencias Cruzadas

Genesis 2:23

Aipórõ Adan he’i: Kóva ningo ojejapo che kangue ha che ro’ógui; kóva hérata kuimba’e irũ (kuña), oñerenohẽ haguére kuimba’égui.

Genesis 29:14

Ha Laban he’i ichupe: Añetehápe nde che kangue ha che ro’o; ha opyta rire peteĩ jasy pukukue hógape,

2 Samuel 19:41

Upérõ opaite kuimba’e Israelgua ou tetã ruvicha rendápe, ha he’i ichupe: Mba’érehe piko opaite kuimba’e Judaygua, ore pehẽnguekuérava oñemomba’emava’ekue nderehe, ha ombohasákuri tetã ruvicha ha hogayguakuérape pe ysyry Jordan rupi.

2 Samuel 19:42

Ha Judayguakuéra ombohovái opaite Israelguápe: Pe tetã ruvicha ore pehẽnguetégui voi. Ha mba’ére piko pévare peñembopochy. David piko oremongaru, térãpa rohupity ichugui oimeraẽva jopói.

2 Samuel 5:1

Uperire opaite Israel tríbu ou David rendápe Hebrónpe ha oñe’ẽ hikuái hendive, ha he’i ichupe: Roĩ ko’ápe, ore ningo ne kangue ha nde ro’o.

2 Samuel 8:17

Sadoc, Ahitub ra’y, ha Ahimélec, Abiatar ra’y, oiko pa’ikuéra ramo; Seraia kuatia haihára ramo;

Romayguakuérape 11:14

Che añeha’ã ambopy’a kyre’ỹ hag̃ua Israel retãyguakuérape ojesalva hag̃ua mbovymi jepe ijapytégui.

Efesoyguakuérape 5:30

ñande ha’égui Hesu Crísto rete reheguáva voi.

Juéces 9:2

Che ajerure peẽme peje hag̃ua mayma Siquemgua apysápe: Mba’épa iporãvétavaicha peẽme, tapenesãmbyhy 70 kuimba’e, mayma Jerobaal ra’ykuéra, térãpa tapenesãmbyhy peteĩ kuimba’e añónte. Penemandu’ákena che voi pene kãngue, ha pende ro’o reheguaha.