2 Samuel 19:10

Ñanderuete Ñe’ẽ Porã 2015

Ha ñamoĩva’ekue Absalon ñande ári, ha’e katu omanóma ñorãirõme. Mba’érehepa ñaha’ãrõ reive, jaha jevy katu tetã ruvicha David rendápe.

Referencias Cruzadas

2 Samuel 15:14

Upémaramo David he’i opaite hembiguaikuérape oĩva guive hendive Jerusalénpe: Pepu’ãke ñakañy, ndaikatúi ñasẽ reívo Absalon renondégui, ha peñembopya’éke jahakuévo, anítei ha’e oñembopya’eve ha ñanderupity, ha oity ñandeári, ha oikutu tetãyguakuérape kyse puku rãimbépe.

2 Samuel 15:16

Upémaramo tetã ruvicha osẽ ha opaite hogayguakuéra oho hapykuéri. Ha tetã ruvicha ohejánte hóga ñangarekoha ramo 10 ikuñáva.

2 Samuel 18:14

Ha Joab he’i jevy: Che naha’ãrõmo’ãi sapy’amínte jepe. Ha ojapyhy ipópe mbohapy yvyra puku akua, ha ojakutu Absalon py’a mbytépe ha’e oikove ha osãingo jave pe yvyrarakãre.

2 Samuel 19:11

Ha tetã ruvicha David ohendu guive tetãyguakuéra ñe’ẽguyguy omondo peteĩ hembiguái pa’i Sadoc ha Abiatárpe, he’iukávo: Peñe’ẽ Judaygua karai ancianokuérape ha pegueru ichupekuéra: Mba’érepa peha’ãrõve peju jevy hag̃ua che rendápe che aiko jevy hag̃ua pene retã ruvicha ramo.

2 Samuel 19:40

Uperire tetã ruvicha ohasa Gilgálpe, ha Quimam ou hendive; ha mayma Juda soldádo aty omoirũ tetã ruvichápe, upéicha avei Israel soldádo aty mbytere.

2 Samuel 19:9

Ha opaite tetãygua Israelgua oñoñe’ẽ’api ojoapytepekuéra, he’ívo: Pe tetã ruvicha ningo ñandesalva ñanderehe ija’e’ỹva poguýgui, ha’e ñandepe’a Filisteayguakuéra poguýgui; ha ko’ágã katu okañy hetãgui okyhyjégui Absalóngui.

Oséas 8:4

Ha’ekuéra omoĩma hetã ruvicha ramo Che aipota’ỹvape ha oiporavo imburuvicha ramo Chekuaa’ỹvape, ipláta ha hi’órogui ojapo hikuái ijára gua’u ra’ãnga, ha upévare oñehundiva’erã hikuái.

Juéces 18:9

Pepu’ãke, jaha pe yvy rohechava’ekuépe iporãitereiha; ha peẽ peiko reipára’e gueteri ko’ápe. Ani peneate’ỹtei peho ha peñemomba’e hag̃ua pe yvy rohecháva rehe.