2 Samuel 18:3

Ñanderuete Ñe’ẽ Porã 2015

Hetãyguakuéra katu he’i: Neresẽmo’ãi orendive; ore rokañy mba’e ramo, noñepenamo’ãi orerehe; toromanomba jepe ore aty mbyte peve, noñepenamo’ãi orerehe; nde katu ko’ág̃a nde rekove repy oñembojoja 10.000 orekuéravape. Iporãitevéta nde orepytyvõ ramo ko táva kóva guive.

Referencias Cruzadas

2 Samuel 10:11

Upéi Joab he’i Abisaípe: Umi Siriaygua imbareteve ramo chehegui, eju chepytyvõ hag̃ua; ha Amon ñemoñarenguéra imbareteve ramo ndehegui che roipytyvõta.

2 Samuel 17:2

Ha ajeitýta hi’ári ikane’õ ha ipo ikangy jave; péicha amongyhyjéta opaite tetãygua oĩva guive hendive okañy hag̃ua ha ajukáta tetã ruvichápente.

2 Samuel 21:17

Ha Abisai, Sarvia memby, og̃uahẽ oipytyvõ hag̃ua ichupe, ha oikutu pe Filisteayguápe ha ojuka ichupe. Upémaramo David irũnguéra oñe’ẽme’ẽvo he’i ichupe: Araka’eve ko ára guive tenonderã gotýo neresẽmo’ãvéima orendive ñorãirõme, aníntemo rembogue Israel resapeha.

1 Réyes 22:31

Ha Síria retã ruvicha he’i umi 32 ñorãirõ cárro ruvichápe: Ani peñorãirõ tuicháva ni michĩva ndive, pejeitýnte Israel retã ruvicha ári.

Lamentaciónes 4:20

Ore retã ruvicha, Ñanderuete rembiporavopyre, ho’a avei iñuhãme, máva ro’emiva’ekue rehe: Ikuarahy’ãme roikove tetãnguéra apytépe.

Zacarías 13:7

Nde kyse puku reheve eñemoĩ che rerekua ha che irũ rehe, he’i ángel atykuéra Jára. Eikutu che rerekuápe ijovechakuéra oñemosarambi hag̃ua, ha upéi amopu’ãta che po umi mburuvicha michĩva rehe.

1 Samuel 18:7

Ha kuñakuéra ojerokýva, opurahéi péicha: Saul ojuka 1000-pe, David katu 10.000-pe.